Akis. 13:13 - Ebaibul

¹³ Abu etyaŋ lo ŋolo a ŋiarei kitiya ŋakujuwuanisya ŋuna ka aumokin; kitodou tari akim anakuj kwap iteete ŋituŋa daadaŋ.

Akis. 13:13 Iomraidhean Croise

1 Ŋirw. 18:38

Tocakun nai akim ke Ekapolon, tonyamuwa ainakinet ŋina epeyo ŋin, ŋakito, ŋamoru ka ŋalup, kideuwa tari ŋakipi ŋuna aya nakitelosit.

Awos. 7:22

Nai apotu ŋikekukujak a Ijipit daŋ kitiyata ŋakujuwuanisya ŋunapei ŋun aloticisyo kec a ŋulu pa apatana ayenun. Aŋun, abu Parao kitogogoŋ akou keŋ nyepupok ŋakiro ata Moses, lopite ŋolo alimokinitor Ekapolon ikes.

Awos. 8:7

Nai apotu ŋikekukujak daŋ kitiyata ŋakujuwuanisya ŋunapei ŋun aloticisyo kec a ŋulu pa apatana ayenun; kitolomut ŋakidodoka anakwap a Ijipit.

Awos. 9:11

Apotu ŋikekukujak nyepedosi aponare neni ayai Moses, anerae ayakatar ikes ŋilepunoe, apotu ŋilepunoe kiteryamut ŋikekukujak kaapei ka ŋituŋa a Ijipit daadaŋ ŋican.

Ekim. 16:35

Tosodi abu akim bu aneni ke Ekapolon tonomiya ŋikilyok ŋul ŋulu arae ŋamiae ŋaarei ka ŋatomonikan ŋulu ainanakinete ekinyate pa ecamakinitae.

Mat. 16:1

Potu Ŋiparisayon ka Ŋisadukayon neni a Yesu, kiŋita iŋes akitiyakin adiokujuwuanut ŋina ebunit anakuj.

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Mar. 13:22

Anerae epote ŋikamodyanakinak ka ŋikadwarak ŋulu amodiyanak ebasi ebe ikirae ikes atakristo. Epote ikes akitiya ŋakitoodyanakineta ŋuna ailiilok ŋuna isuparete ŋituŋa ŋulu seuna erae kepedorete.

2 Tim. 3:8

Ikwaŋina aponiata Yane ka Yambure kitepega Moses, itepegete ŋikilyok ŋul daŋ ŋakiro ŋuna a kire--ŋikilyok ŋulu nyisitiyaete ŋatameta kec ka ŋulu enyasut anupit kec.

Akis. 11:5

Ani kikatak idiotuŋanan akiwan ikes, elomuni akim anakituka kec, toar ŋimoi kec; ikwaŋinapei, ŋini daadaŋ ikatakini akiwan ikes, earyo.

Akis. 16:14

Erae ikes ŋipyan ŋulu itiyaete ŋakujuwuanisya. Eloseneneete ikes neni a ŋirwosi a ŋakwapin a daadaŋ acunun ikes lojiye Akoloŋit ŋina apolon ŋina ka Akuj a ŋina etiron.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Akis. 20:9

Kielakin ikes akwap daadaŋ kirikaut akibois ŋina a ŋituŋa a ŋulu ka Akuj ka etaun ŋolo apolon ŋolo emina Akuj. Nai bu akim anakuj, tonyamuwa ikes.