Akis. 12:7 - Ebaibul

⁷ Kisyak nai ejiye anakuj. Kitijioto Mikael ka ŋimalaikan keŋ epiu, ido toboŋo epiu ka ŋimalaikan keŋ.

Akis. 12:7 Iomraidhean Croise

Ŋikiru. 78:49

Abu Akuj kisican ikes anaŋoit keŋ a ŋina aryenyaanan, tonyunyurikin ikes, toŋoik ikes aŋuna ka aronis kec ka todedeŋik ikes, kikwaanikin aŋoit keŋ, anyunyura keŋ ka adedeŋu keŋ ka ajore a ŋimalaikan a ŋulu enyasak.

Isa. 34:5

Kedau Ekapolon amunyar ŋiboro ŋulu alokidiama, kiŋolik atemar etemokin, kiirasi, etiyaun iŋes Edom, neni a ŋituŋa a ŋulu adau Ekapolon atubokin atemar tomunyarae.

Isa. 55:4

Kiirasi, abu ayoŋ eturuwo Daudi esuuda aneni a ŋituŋa, ekarikon ka ekepukan a ŋituŋa.

Dan. 10:13

Nai alotooma ŋirwa ŋatomoniarei ke epei, abu emalaika ŋolo epolokinit apukan ŋina a Perisia eketepeg ayoŋ; nai abu Mikael, epei a ŋikapolokinitok ŋimalaikan, ekeŋarak ayoŋ, ido abu ayoŋ emyek iŋes aina kaapei ka emalaika ŋolo epolokinit apukan ŋina a Perisia,

Dan. 10:21

Nai akalimokini ayoŋ iyoŋ ŋakiro ŋuna igiritae lokitaabo ŋolo a ŋakiro a ŋuna a kire. Mam ice ekeŋarakini ayoŋ akitijiore ŋikapolok ŋul mati Mikael bon ŋolo erae ekapolon kon.”

Dan. 12:1

“Apaki ŋin, ebuni Mikael, ekarikon ŋolo apolon ŋolo erae ekedaran a ŋituŋa kon. Eyakaun apaki ŋina ka aryeba apaki ŋina nyeyakauna ŋinapei koloŋ kisyakiniata ŋapukasinei. Nai apaki ŋin, elakunio ŋituŋa kon, elakunio ŋituŋa daadaŋ ŋulu igiritae ŋirorwa kec lokitaabo.

Mat. 13:41

Iyakuuni Lokoku a Ituŋanan ŋimalaikan keŋ, tocunakis ŋituŋa daadaŋ ŋulu iteseceneneete ŋuluce ka ŋikasecak daadaŋ,

Mat. 16:27

Anerae ebuni Lokoku a Ituŋanan ka apedor a ŋina a Papa keŋ erukito ka ŋimalaikan, torop ŋinituŋanan ikwaŋina itiyator.

Mat. 24:31

Iyakuuni iŋes ŋimalaikan keŋ apaki ŋina ekutakinere arupepe ŋina apolon, tocunakis ŋiseuna keŋ alowaetin ka akwap a daadaŋ, ameun anakisyakinet tari nasalunet.

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Mat. 26:53

Itami iyoŋ atemar nyapedori ayoŋ akiŋit Papa kaŋ kiyaku neni kaŋ atipei ŋajorei a ŋimalaikan ŋuna edeparito ŋatomon ka ŋaarei a?

2 Ŋikor. 12:7

Aŋuna ka akiretakin ayoŋ nyeturo, aŋuna ka alalau a ŋakitoodikineta, aponi okoinakin ayoŋ apipilu ŋina ikoni aremot ŋina ke ekukwae, apipilu ŋina erae Satan iyakuunit, akisican ka akiretakin ayoŋ nyeturo.

Ŋiep. 6:12

Anerae meere ŋituŋa ejiyere iwon, nai ikijiye ka ŋikepukak, ŋapedorosyo ka ŋipyan ŋulu eya kidiama ŋulu epolokinito akwap na, alorwa a lu a ŋulu ikote akiryonut.

2 Ŋites. 1:7

ka ikisieŋuni iyes ŋulu iryamunito ŋican ka ikisieŋuni isua daŋ. Itiyakini iŋes ŋun apaki ŋina etakanunia Ekapolon Yesu anakuj kaapei ka ŋimalaikan keŋ ŋulu eyakatar apedor.

Ŋibur. 2:10

Etemokino kire Akuj ŋina erae neni keŋ eponitotor ŋiboro daadaŋ ka erae ŋiboro daadaŋ aŋuna keŋ kituruwo Yesu ŋolo iyookino kire alotooma ŋican, ikotere eyauni ŋidwe ŋulu ka Akuj ŋulu alalak napolou keŋ. Anerae Yesu itenari ikes naiuno.

2 Pet. 2:4

Pa abu Akuj kimyek ŋimalaikan ŋulu apotu toseca, nai abu tocakak ikes nakiryonut ŋinakiryonon cuc, neni eenitere ikes a ŋiriko akitodol Akoloŋit ŋina ka atubokino.

Yud. 1:9

Tari Mikael emalaika ŋolo apolon nyitiya nu, ŋina apeganakinotor iŋes ka Satan ebasi ŋae alokidiŋ kec itemokino ya akuwan a Moses. Abu iŋes nyetitinyik atubokin Satan anakiyany, nai abu tema, “Ekapolon elope ikiyeyakini iyoŋ!”

Akis. 12:8

Nai aponi kilounae epiu ka ŋimalaikan keŋ, nyecamakin akiboi anakuj nabo.

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.

Akis. 13:7

Aponi tocamakinae etyaŋ akitijiyore ka akiloun ŋituŋa ŋulu ka Akuj. Aponi inakinae iŋes apolou ŋinakipukaet ŋikabilae, ŋakwapin, ŋaŋajepa ka ŋibukui.

Akis. 20:2

Kikamu iŋes epiu--emun ŋoloŋorot, ŋolo erae Ekipye ka Satan, toen iŋes a ŋiriko ŋikaru aliput apei.