Akis. 11:3 - Ebaibul

³ Eyakuuni ayoŋ ŋikadwarak kaŋ ŋuluarei enapito ŋiguniyae, elimonokinete ikes ŋakiro ŋuna ka Akuj alorwa a ŋulu ka apeiliput a ŋamiae ŋaarei ka ŋatomonikanikapei.”

Akis. 11:3 Iomraidhean Croise

Akisy. 37:34

Apaki ŋin, tocilicili Yakob ŋilowi keŋ, tonap ŋiguniyae anacir keŋ, kigwor ŋirwa ŋulu alalak aŋuna alokoku keŋ.

2 Sam. 3:31

Tema nai Daudi neni a Yoab ka ŋituŋa daadaŋ ŋulu arukito ka Yoab, “Tocilicileta ŋilowi kus, tonapa ŋiguniyae, kigworo aŋuna ka Abiner.” Kiwuapak erwosit Daudi ŋituŋa edakito ibore ŋini eperikinitoe akuwan ka Abiner.

1 Ŋirw. 21:27

Ani iirari Aab ŋakiro ke Eliya, tocil Aab ŋilowi keŋ, tolaca, tonap ŋiguniyae; toŋer akimuj, ido toper loguniae, tolomak akilat esiliyorit itubulito ŋakiro etau.

2 Ŋirw. 19:1

Ani iirari Esekia ŋakiro ŋun, tocilicili ŋilowi keŋ tonap ŋiguniyae, tolot Kai ke Ekapolon.

1 Ŋakiro a ŋirwa 21:16

Kiŋoliya Daudi kidiama, kiŋolik emalaika ke Ekapolon ewoi alokidiŋ nakuj ka akwap, etiŋit ekileŋ ŋolo alemunitae anakuraro aarya ŋituŋa a Yerusalem. Apotu nai Daudi ka ŋikasikou tonapa ŋilowi ŋulukigworyet, toramakinos kwap, kijuuroto.

Neem. 9:1

Ŋirwa ke elap ŋatomoniarei ka ŋiomwon a elap a ŋolo a ŋikanikaarei tocunakin Ŋisirael iwapei iredakinito akiron ka enapito ŋiguniyae ka eya ŋalup nakyes kec.

Yob 16:15

Anapit ayoŋ ŋilowi ŋulu kigworet, adaun agogoŋu kaŋ jik, aruwor ekeboiyon anapuwa.

Ŋikiru. 69:11

Ani anapi ayoŋ ŋilowi ŋulukigworyet, apotu ŋituŋa ekerworotor ayoŋ akajamuwarito.

Isa. 22:12

Apaki ŋin abu Ekapolon Akuj ŋolo a ŋajoresyo ikinyarau iyes akigworo ka akiolol, akibany ŋitim kus ka akinap ŋiguniyae,

Yer. 1:10

Kiira, nakoloŋit na akaseu ayoŋ iyoŋ topolok ŋakwapin ka ŋapukasinei, arutun ka aritakin kwap, amunaar ka akikamar, adukokin ka adupakin.”

Aum. 2:10

Iboiyete ŋikasikou a Yerusalem alokwap ililiŋete cek; ipuripurito apuwa nakyes kec ka enapito ŋiguniyae; ijuuruyete ŋasorok ŋuna a Yerusalem.

Esek. 4:6

Kidau iyoŋ akidaŋidaŋ ŋun todaun ŋirwa ŋul, emaikina iyoŋ toper nabo alosyep kon a ŋolo aloteten, kidaŋidaŋ akisicanio a ŋituŋa a Yudaya. Adau ayoŋ akimarakin iyoŋ ŋirwa ŋatomoniomwon ŋulu iperyo iyoŋ aloteten kon, a ŋolokaru akoloŋit apei bon.

Dan. 12:7

Abu nai ekile ŋolo anapit ŋilowi ŋulu amilimilak, ŋolo awoi alokidiama ŋakipi kikyaa ŋakan keŋ kidiama, ido abu ayoŋ eira iŋes ikoŋi alokiro a Akuj a ŋina eyari ŋikaru ka ŋikaru ebala, “Erae ŋakiro nu ŋuna a ŋikaru a ŋiuni ka atutubet. Ani edaun apedor a ŋituŋa a Akuj, itiyakinio ŋakiro nu daadaŋ.”

Dan. 7:25

Irwori iŋes eremokino Akuj ŋina alokidiama nooi, enipori iŋes ŋituŋa ŋulu ka Akuj a ŋina alokidiama nooi, ikatakini iŋes akilocokin ŋapakio ŋuna a ŋasuban ka ŋikisila. Einakinio ŋituŋa ŋulu ka Akuj napedor keŋ ekaru epei, ŋikaru ŋiarei, atutubet a ekaru.

Dan. 8:14

Toboŋok emalaika ŋolo sek erworo tema, “Akitodol apaki ŋina edaunotor ŋirwa ŋalipyo ŋaarei ka ŋamiae ŋauni, kelunyar apaki ŋin, iŋes nai inyakakinere akibois ŋina ka Akai ka Akuj lopite ŋolo sek ayakar.”

Yoel 1:13

Tonapa ŋiguniyae, iyes ŋisacaradotin, ido kgiworo; kiwololoto, iyes ŋulu itiyaete Namuroet. Potu, tonapa ŋiguniyae akuwar kya, iyes ŋulu irae ŋiketiyak ŋulu ka Akuj; anerae alemar alo Kai ka Akuj kus ŋainakineta ŋuna a ŋikinyom ka ŋimaten.

Yona 3:5

Tonupa ŋituŋa a Ninepe Akuj, ido totubut atemar emaikina kiredakis daadaŋ akiron ka tonapa ŋiguniyae, anyoun aneni a ŋulu itopolooritae ka ŋulu nyitopolooritae.

Yona 3:8

Itemokino ŋituŋa tonapa ŋiguniyae ka toenikis ŋityaŋ daŋ, ido kimukekis akilip Akuj. Itemokino ŋinituŋanan toki aronis keŋ ka aryenyeo keŋ.

Ekim. 11:26

Apaki ŋin kidoŋito ŋikasikou ŋiarei nalomar, anyaritae epei Elidad ka ŋoloce Medad, abu etau min neni kec daŋ, anerae emarakinitae ikes daŋ lokasikou ŋulutomonikanikaarei, nai pa alosito ikes loeema, ŋolokilipet, aŋun apotu ikes todwara analomar.

Mat. 11:21

“Ekaŋ iyoŋ Korasin! Ekaŋ iyoŋ Betesaida! Anerae kerae koloŋ kitiyatetei ŋakujuwuanisya ŋuna etiyakin aneni kus alo Tiro ka Sidon, kekiito ikes koloŋ sek, tonapa ŋilowi ŋulu koris, ido kiwosakinos ekuron, kitoodiuniata atemar akiwua ikes ŋasecisya.

Mat. 18:16

Nai ani pa kiira iŋes, ya ituŋanan ipei kori ŋiarei, ikotere kisuudata ŋituŋa ŋuluarei kori ŋuluuni ŋakiro daadaŋ ŋuna esecit iŋes.

Luk. 10:13

“Ekaŋ iyoŋ Korasin! Ekaŋ iyoŋ Betesaida! Anerae kerae koloŋ kitiyatetei ŋakujuwuanisya ŋuna etiyakin aneni kus alo Tiro ka Sidon, kekiito ikes koloŋ sek, tonapa ŋilowi ŋulu koris, ido kiwosakinos ekuron, kitoodiuniata atemar akiwua ikes ŋasecisya!

Luk. 24:48

Irae iyes ŋisuudae a ŋakiro a nu.

Yoa. 15:27

Irae iyes daŋ ŋisuudae kaŋ, anerae ikirukit iyes ka ayoŋ ŋinapei anakisyakinet.

Yoa. 3:27

Toboŋok Yoana tema, “Nyepedori idiotuŋanan aryamun idiobore, mati einakinitae anakuj.

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Ŋitic. 13:31

ka abu iŋes ŋirwa ŋulu alalak totakanu eyari neni a ŋulu arukunete ka iŋes alo Galileya tari Yerusalem, ŋulu tokona erae ŋisuudae keŋ alotuŋa.

Ŋitic. 2:32

Eteyaru Akuj Yesu ŋolopei ŋol alokatwak ka ikirae isua daadaŋ ŋisuudae ŋulu a ŋakiro a ŋun.

Ŋitic. 3:15

Ido toara ekainakinan akiyar ŋolo abu Akuj kiteyaru alokatwak. Ikirae isua ŋisuudae ŋulu a ŋakiro a ŋun.

1 Ŋikor. 12:28

Anatukot a Ŋikristo, adau Akuj akiwuakin ŋituŋa loticisyo kec: ŋulu esyaunak erae ŋikiyakia, ŋulu a ŋiarei erae ŋikadwarak, ŋulu a ŋiuni erae ŋiketatamak, totupakis ŋulu etiyak ŋakujuwuanisya ka nabo ŋulu einakinitae apedor akitaŋaleunun ŋidekesyo; ŋice akiŋarakin ŋuluce, ŋice apolokinit ŋuluce ka ŋice daŋ akirworo ŋaŋajepa ŋuna egelaaka ŋuna ke Etau.

2 Ŋikor. 13:1

Erae na abunet kaŋ ŋina a ŋauni ŋina abunio aanyun iyes. “Itemokino ŋinasitan kitogogoŋito ŋisuudae ŋiarei kori ŋulu edeparito ŋiarei,” ikwapei ebaakar Akigiret.

Ŋiep. 4:11

Iŋes ŋolo egiritae ebe, “Inak ŋainakineta lotuŋa”; abu inak ŋice aruwor ŋikiyakia, ŋice ŋikadwarak; ŋice aruwor ŋikalimonokinak, ŋice ŋikeyokok ŋulu a ŋatukon a Ŋikristo ka ŋiketatamak.

Ŋikis. 17:6

Nai emaikina toya ŋisuudae ŋiarei, kori ŋiuni etubokinio ituŋanan ŋin atwanare, nyetubokinio ituŋanan atwanare anakiro a ŋuna a esuuda a epei bon.

Ŋikis. 19:15

Nyitemokino ŋakiro esuuda epei aŋuna ka atubokinia ituŋanan ŋakiro ŋuna ka aronis a ŋina isitakinitere iŋes, mati kelimut ŋisuudae ŋiarei, kori ŋiuni ŋakiro, iŋes nai enupere atemar esecit, kori nyesecit ituŋanan ŋini isitakinitae.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 11:2

Nai, nyipim ŋibarasanin, anerae einakinitae ikes lotuŋa ŋulu nyerae Ŋiyudayan ŋulu ipudaarete etaun ŋolo ka Akuj ŋilapyo ŋatomoniomwon ka ŋiarei.

Akis. 11:6

Eyakatar ikes apedor ŋinagolyet adis, ikotere nyilim akiru apaki ŋina elimonokiniata ikes ŋakiro ŋuna ka Akuj. Eyakatar ikes tari apedor lolelyan ŋulu a ŋakipi akituluwor ikes ŋaokot; eyakatar ikes tari apedor ŋinakisicanet akwap a ŋakisicaneta a daadaŋ ŋapakio daadaŋ ŋuna ecamitotor ikes.

Akis. 12:6

Abu aberu ŋin todoki naloŋisat neni etemokinit Akuj aŋuna keŋ, neni iyokiyere iŋes ŋirwa apeiliput ka ŋamiae ŋaarei ka ŋatomonikanikapei.

Akis. 13:5

Aponi tocamakinae etyaŋ ŋol akirwor ŋakiro ŋuna ka akituro ka ŋuna ka akiyany Akuj ka aponi tocamakinae iŋes ayakau napolou ŋilapyo ŋatomoniomwon ka ŋiarei.

Akis. 19:10

Abu oramakin kwap nakejen keŋ akilip, nai abu iŋes tema, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon, ŋulu erae ŋisuudae a Yesu. Kilip neni ka Akuj!” Anerae ŋuna iteyenunit Yesu ikes isirworete ŋikadwarak.

Akis. 20:4

Abu oanyuwa ŋikicoloŋo ŋulu ka apolou icoloŋito ŋulu ainakinitae apedor aruwor ŋikatubok. Abu daŋ oanyuwa ŋitai a ŋituŋa a ŋulu ketubonoryo ŋakyes, aŋuna araakatar ikes ŋisuudae a Yesu ka aŋuna ka Akirot a ŋina ka Akuj. Kepotu ikes nyilipa neni ke etyaŋ kori neni ke etorube keŋ ka nyiwuakina emacar ŋolo ke etyaŋ loreetin kori nakan kec. Toyarut ikes kipukata kaapei ka Kristo ŋikaru aliput apei.