Akis. 11:19 - Ebaibul

¹⁹ Aponi toŋaarae Akai ka Akuj anakuj, totakanu Asaduku ŋina ka Acamunet. Toyakaun akimilyaa, ŋitoilon, agiro ŋina ereta, amaran ŋina ka akwap ka ŋakako ŋuna apolok.

Akis. 11:19 Iomraidhean Croise

Ŋikiru. 105:32

Abu Akuj kiyakik ikes akiru ŋina arae ŋakako bon, toyakaun akimilyaa nakwap kec daadaŋ.

Ŋikiru. 18:12

Alotooma akwaŋis kya ŋina ayai kiŋaren keŋ apotu ŋakako ka akimilya ŋina ekoni akim todout alodowuon a ŋulukiryonok cuc.

Isa. 28:2

Kiirasi eyakar Ekapolon ituŋanan ŋini etiron ka ŋini agogoŋon, ŋini ikimunyari lopite ŋolo emunyaryata akiru ŋina a ŋakoko ka ekuwuam akwap; ŋini ikimunyari lopite ŋolo emunyaryata ekuwuam ŋolo agogoŋon ka ŋakipi ŋuna eleleete akwap; ijukuni iŋes a apedor keŋ nakwap akiru ka ekuwuam.

Isa. 29:6

ebuni Ekapolon ŋolo a ŋajoresyo akipeyokin iyes, ebuni iŋes ka agiro ka amaran ŋina ka akwap ta etoil ŋolo apolon nooi, ebuni iŋes a ekuwuam a ŋolo ipiripiri ka ŋolo aryenyaanan ta akim ŋina enomiyari akwap.

Isa. 30:30

Isiirari Ekapolon ŋituŋa etoil keŋ ŋolo ailiilon ka iŋolikinete ŋituŋa apedor a Ekapolon ebuni kwap, ebuni apedor ŋin eyakar aŋoit ka akim ŋina ikimunyari, ebuni eyakar ŋidouwon, akiru ŋina ireta egiro ka ŋakako.

Isa. 32:19

Edaun amoni jik, inyasunio etaun nooi.

Esek. 13:11

Tolimok ŋikadwarak ŋul atemar eritakin arwatata ŋin, eyakuuni ayoŋ akiru ŋina alalan, aritauni ayoŋ ŋakako ka ekuwuam ŋolo ekusi nooi.

Esek. 13:13

Aŋun, irworo Ekapolon Akuj ebe, ‘Ananyunyura kaŋ etukutuni ayoŋ ekuwuam ka anaŋoit kaŋ, eyakaun akiru ŋina alalan ka ŋakako ŋuna eritakinete arwatata ŋin.

Esek. 38:22

Esicani ayoŋ Gog a edeke ka etaari ŋimoe, eakikini iŋes akiru ŋina aryenyaanan, ŋakako ka akim ta ibore ŋini amwanan pe ŋini enyaritae Sulpa tonom iŋes ka ŋasigarya keŋ ta ŋituŋa a ŋakwapin a ŋuna alalak a ŋuna erukito ka iŋes.

Ekim. 10:33

Aŋun, apotu ikes towotokis alomoru ke Ekapolon (iŋes Sinai), torubakis ewosete ŋirwa ŋiuni, kiŋarenikinite ikes Asaduku ŋina ka Acamunet ke Ekapolon aryamun aŋuna kec akibois ŋina elomete,

Ekim. 4:15

Kedaut Aron ka ŋidwe keŋ ŋulusapa akimuk akibois ŋina asegan ka ŋiboro daadaŋ ŋulu isitiyao a nen, apaki ŋina ewotokinere edakete Ŋikoati ŋiboro ŋul, nyemaikina ikes etapete ŋiboro ŋulu italeunitoe, anerae ketapa ikes ŋiboro ŋul etwakete. Erae ŋul ŋiboro ŋulu a eema a ŋolokilipet ŋulu emaikina Ŋikoati todaka apaki ŋina ewotokinere.

Ekim. 4:5

“Apaki ŋina ewotokinia alomar, elomarete Aron ka ŋidwe keŋ ŋulusapa loeema tolacut anaŋga ŋina etyakit neni eyai Asaduku ŋina ka Acamunet ka akibois ŋinakilipet, emaikina ikes tolacut anaŋga ŋin kimukoryata Asaduku ŋina ka Acamunet,

Yos. 10:11

Ani eriŋa Ŋiamori ekerete akilany Ŋisirael, apaki ŋina atiyaarotor alo Bes-Oron, totiyau Ekapolon Akuj ŋakako ŋuna apolok, tocaka ikes akitodol Aseka. Toara ŋakako ŋituŋa ŋulu alalak nooi adepar ŋulu aarete Ŋisirael a ŋileŋia.

Akis. 11:13

Anapaki a ŋinapei a ŋin, toyakaun amaran ŋina ka akwap ŋina aronon; abu atutubet apei alotooma ŋunatomon ŋuna ke etaun a ŋolo apolon toritakin, totwaka ŋituŋa ŋalipyo ŋakanikaarei. Tobul ŋituŋa ŋuluce, kipuro apedor ŋina ka Akuj a ŋina anakuj.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 12:1

Totakanu aanyunet ŋina apolon ŋina ka aumokin anakuj. Ayai aberu ŋina arae ekeelou akoloŋ ka ayakar elap kwap ŋakejen keŋ ka ebokot ŋolo a ŋikacer a ŋitomon ka ŋiarei nakou keŋ.

Akis. 16:1

Abu nai eira etoil ŋolo apolon alo Kai ka Akuj irworo neni a ŋimalaikan a ŋulukanikaarei ebala, “Toloto, tobukosi nakwap anyunyura ŋina ka Akuj anabakulei a ŋunakanikaarei!”

Akis. 16:18

Toyakaun akimilyaa, ŋitoilon, agiro ŋina ereta ka amaran ŋina ka akwap ŋina apolon. Nyetakanuna amaran ŋina ikoni ŋin ŋinapeisubunet ituŋanan, arae ŋin amaran ka akwap ŋina aronon nooi akilo daadaŋ.

Akis. 16:21

todout ŋakako ŋuna apolok nooi, ŋuna arae apotis a ŋinakakot ŋakiloi ŋuna edolito ŋatomonikan, todoto ikes kidiama lotuŋa eriŋa ikes icenete Akuj aŋuna ka akisicanet a ŋina a ŋakako, anerae arae ŋin akisicanet ŋina aronon nooi.

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.

Akis. 4:1

Ani kelunyar ŋun, abu oanyuwa ekek eŋaara anakuj! Abu nabo eira etoil ŋolo sek aris ayoŋ keira irworo neni kaŋ ikwa arupepe ebala, “Bua laalo eketoodik ŋuna itemokino totakanut ekaku a nu.”

Akis. 4:5

Bu alokicoloŋ akimilyaunet, eruye ka akirurum ŋina ka agirokin. Alokiŋaren ekicoloŋ, ayakasi ŋagilae ŋakanikaarei ŋuna anepete, ŋuna erae ŋitai ŋulukanikaarei ŋulu ka Akuj.

Akis. 7:15

Erae ŋakiro ŋun ewuatar ikes alokiŋaren ekicoloŋ ŋolo ka Akuj ka kitiyaete Kai keŋ apaaran ka akuwar. Iŋes ŋolo iboi alokicoloŋ iuryari ikes aŋuna ka ayakau keŋ.

Akis. 8:5

Abu emalaika tolemu abakule, kilelebik akim ŋina Namuroet, kimasu nakwap. Totakanu agiro ŋina ereta, ŋitoilon, akimilyaa ka amaran ŋina ka akwap.

Akis. 8:7

Abu emalaika ŋolo esyaunan tokutak arupepe keŋ. Potu ŋakako ka akim inyaluna ka ŋaokot tobukunos nakwap. Tonomiya atutubet apei alotooma ŋunauni ŋuna ka akwap, tonomiya nabo ŋikito daŋ apeitutubet alotooma ŋunauni, ka abu tonomiya ŋinya ŋulu alibak daadaŋ.