Akis. 11:13 - Ebaibul

¹³ Anapaki a ŋinapei a ŋin, toyakaun amaran ŋina ka akwap ŋina aronon; abu atutubet apei alotooma ŋunatomon ŋuna ke etaun a ŋolo apolon toritakin, totwaka ŋituŋa ŋalipyo ŋakanikaarei. Tobul ŋituŋa ŋuluce, kipuro apedor ŋina ka Akuj a ŋina anakuj.

Akis. 11:13 Iomraidhean Croise

Akisy. 6:4

Ayakasi nakwap apaki ŋin ŋituŋa ŋulu aris kejamuwasi Akuj, ŋulu anyaritae Ŋinepilim. Ayakasi ikes tari apaki ŋina eturuworyata ŋidwe a Set ŋulusapa ŋidwe a ŋituŋa ŋulupesur ŋaberu kec, ŋuna apotu touruut ŋidwe aŋuna kec. Arae Ŋinepilim ŋarwonita ŋuna koloŋ ayakasi nakwap, ŋikilyok ŋulu ayenen.

Isa. 29:6

ebuni Ekapolon ŋolo a ŋajoresyo akipeyokin iyes, ebuni iŋes ka agiro ka amaran ŋina ka akwap ta etoil ŋolo apolon nooi, ebuni iŋes a ekuwuam a ŋolo ipiripiri ka ŋolo aryenyaanan ta akim ŋina enomiyari akwap.

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Mal. 2:2

Ani pa kiwuapa iyes iŋes ka ani pa kikitopoloosi iyes ayoŋ alotai kus, eyakuuni ayoŋ ŋicen neni kus, ido alemari ayoŋ ŋarereŋisyo ŋuna iryamunete iyes, toryamut ŋicen nabo daŋ adau ayoŋ alemar ŋarereŋisyo ŋun, anerae nyikitopoloorito iyes ayoŋ alotai kus.

Yoa. 9:24

Tonyarata ikes nabo ŋolo sek amudukana, tolimokis iŋes temasi, “Kikoŋ alokiŋaren Akuj atemar ilimuni iyoŋ ŋuna a kire; ikiyeni isua atemar ekasecan ekile ŋolo kikitekienyuni iyoŋ.”

Ŋitic. 1:15

Kelunyar ŋirwa ŋidikudyo, tocunakin ŋikanupak ŋulu aapikinito amiat ka ŋatomoniarei. Tosodi Petero tonyou kirworik

Yos. 7:19

Tema Yosua neni ka Akan, “Lokoku, kitopoloo Ekapolon ŋolo erae Akuj a Ŋisirael, tolimok iŋes asecit kon. Tolimokinae ayoŋ ŋakiro ŋuna itiyat iyoŋ. Nyiwua ŋakiro ŋun aneni kaŋ.”

Akis. 11:11

Ani kelunyarosi ŋirwa ŋiuni ka atutubet, bu ekiaŋanu ŋolo ka akiyar aneni ka Akuj, toloma neni kec, ido tonyout, tobul ŋituŋa daadaŋ ŋulu apotu toanyuwasi ikes.

Akis. 11:19

Aponi toŋaarae Akai ka Akuj anakuj, totakanu Asaduku ŋina ka Acamunet. Toyakaun akimilyaa, ŋitoilon, agiro ŋina ereta, amaran ŋina ka akwap ka ŋakako ŋuna apolok.

Akis. 14:7

Abu iŋes kirwor a etoil a ŋolo apolon tema, “Tokerito Akuj ka kitopoloorito iŋes! Anerae adolu apaki ŋina etubokinia iŋes ŋituŋa. Kilipa neni a ŋolo asubuni nakuj, akwap, anam ka ŋilelyan!”

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”

Akis. 19:7

Olelyana ka olakaros, epuro apolou keŋ! Anerae adol apaki ŋina a ŋasuban a ŋuna ke ekiitanu a Imesek, itemokino daŋ ateran keŋ aŋuna keŋ.

Akis. 3:4

Nai eriŋa iyoŋ iyakar ŋituŋa ŋidi Sardis ŋulu nyitooŋoryana ŋilowi kec ka asecit. Epote ikes akiruk ka ayoŋ enapito ŋilowi ŋulu akwaŋak, anerae itemokino ikes ikokinete nen.

Akis. 6:12

Ani eŋaari Imesek akipucet ŋina a ŋakanikapei, abu oanyuwa akwap emarani nooi ka kiryoniar akoloŋ cuc ikwa ŋatotol, toreŋiar elap puu ikwa ŋaokot.

Akis. 8:5

Abu emalaika tolemu abakule, kilelebik akim ŋina Namuroet, kimasu nakwap. Totakanu agiro ŋina ereta, ŋitoilon, akimilyaa ka amaran ŋina ka akwap.

1 Sam. 6:5

Aŋun, itemokino iyes kitiyaut ŋitorubei ŋikan ŋulu ikwaan ka ŋabusyo ka kitiyaut ŋitorubei a ŋidooi a ŋulu apotu kinyasut akwap, kitopoloosi Akuj a Ŋisirael. Acepaki ejoŋoe iŋes atiŋit iyes erono nooi kaapei ka ŋakujo kus ta akwap kus.