Akis. 11:10 - Ebaibul

¹⁰ Elakarosi ŋituŋa a ŋakwapin aŋuna ka atwanare a ŋuluarei a ŋul. Imomworete ikes ka kiyakiyanakinos ŋainakineta, anerae apotu ŋikadwarak ŋul yaut ŋican lotuŋa.

Akis. 11:10 Iomraidhean Croise

1 Ŋirw. 18:17

Ani iŋolikini Aab Eliya, tema neni keŋ, “Iyoŋ bare ca lo Eliya nolo iyaunit ŋican Isirael!”

1 Ŋirw. 21:20

Kiŋit Aab Eliya tema, “Emoit kaŋ, idau iyoŋ aryamun ayoŋ a?” Toboŋok Eliya tema, “Adau ayoŋ aryamun iyoŋ; anerae ilelaki iyoŋ akitiya ŋakiro ŋuna aronok alokiŋaren Ekapolon.

1 Ŋirw. 22:18

Tema erwosit a Isirael neni a Yeosapat, “Pa mono akalimokinit ayoŋ iyoŋ atemar mam ŋakiro ŋuna ajokak ŋuna edwari iŋes aŋuna kaŋ mati ŋuna a ŋican bon a?”

1 Ŋirw. 22:8

Toboŋok erwosit a Isirael Yeosapat tema, “Eyai ekile epei ŋolo ikipedorya iwon akiŋitunia ŋuna ebala Ekapolon, erae ekiro keŋ Mikaia, lokoku a Imela. Nai nyacamit ayoŋ ekile ŋol, anerae nyedwarenene iŋes ŋakiro ŋuna eketalakarito ayoŋ, edwari ŋuna a ŋican bon.” Tema Yeosapat, “Nyemaikina erwosit irworo ŋakiro ŋuna ikote ŋun.”

Ŋikiru. 13:4

ido temasi ŋimoe kaŋ ebe, “ Ikilou isua iŋes.” Elakarosi ŋimoe kaŋ anerae akareut ikes ayoŋ.

Ŋikiru. 35:19

Nyicamak ŋimoe kaŋ ŋulu alyokonok akakyenatar ayoŋ, kori ŋulu akaremokino ayoŋ koŋin, akakyenatar ayoŋ ediyete ŋakonyen anakwap itopoloorito ekisil.

Ŋikiru. 89:42

Isilou iyoŋ ŋimoe keŋ iŋes; iteryamu iyoŋ ŋimoe keŋ daadaŋ alelyanu.

Ŋakit. 24:17

Nyilelyan apaki ŋina ereunere ŋimoe kon, ido nyicamak etau kon elakar apaki ŋina eryamuniata ŋimoe kon ŋican.

Yer. 38:4

Tolimokis nai ŋikapolok erwosit temasi, “Emaikina ekile lo toarae, anerae nyisimukekinit iŋes ŋasigarya ŋuna idoŋito lotaun kaapei ka ŋituŋa daadaŋ anakiro a ŋuna irworo iŋes neni kec. Nyemitakinit ekile lo akiyar a ŋituŋa, nai ecamit iŋes tomunyarae ŋituŋa.”

Yer. 50:11

“Okoe ŋikaŋatarak ŋiboro a ŋituŋa kaŋ, tari kilakara iyes, tari kilelyanete iyes, tari kitopolooro iyes, tari kicurosi iyes ikwa ŋatak alonya, tari kicelasi isibito ŋaŋolei,

Obad. 1:12

“Nai pa etemokino iyoŋ towo kiteo ŋiletok alokaato kon, akoloŋit ŋin ŋina ekamaryata ŋituŋa ikes; pa etemokino iyoŋ tolakar aŋuna ka amunyaryo, a ŋidwe a Yuda a ŋulusapa, akoloŋit ŋin; pa etemokino iyoŋ torem ikes, akoloŋit ŋin ŋina ayakatar ikes locan.

Mika 7:8

Okoe iyes ŋimoe kaŋ, nyilelyana aŋuna ka akiloun ayoŋ; ani apapanuni ayoŋ, aryamuni nabo agogoŋu, ani amini ayoŋ nakiryonut, Ekapolon eruwor akica kaŋ.

Mat. 10:22

Ikitoroniyarete ŋituŋa iyes aŋuna ke ekiro kaŋ, nai ŋini etitinyikini akitodol nasalunet, eiunio.

Yoa. 16:20

Akalimokini ayoŋ iyes kire atemar, ipote iyes akigworo ka akiwolol, nai elelyani akwap nooi; ipote iyes akiyaloloŋ, nai ibelekin akiyaloloŋ kus toruwor alelyan.

Yoa. 7:7

Nyepedori akwap akitidiŋ iyes, nai eketidiŋit ayoŋ, anerae arubakinit alimonokini iŋes atemar eroko nooi ŋikeeticisyo.

Ŋitic. 5:33

Ani iirari Atukot ŋakiro ŋun, toŋo nooi, kiitan akiar ikes.

1 Ŋikor. 13:6

Nyelakara amina aŋuna a ŋakiro a ŋuna nyiyookino, nai elakara aŋuna a kire.

Akis. 12:13

Ani eanyuni epiu atemar ekemasun iŋes kwap, abu kisyak akiwuapit aberu ŋina edouni ikoku ŋini sapat.

Akis. 13:14

Abu tomodik ŋituŋa daadaŋ ŋulu iboiyete anakwap a ŋakujuwuanisya a ŋuna acamakinitae iŋes akitiya alokiŋaren etyaŋ ŋolo ke ekiŋaren. Tolimok etyaŋ ikes adukokin etorube ŋolo ke etyaŋ a ŋolo awanitae ka atum, nai ayari.

Akis. 13:8

Epote ŋituŋa daadaŋ ŋulu anakwap akilip neni keŋ; ŋituŋa daadaŋ ŋulu pa kigiritae ŋikecerorwa lokitaabo ŋolo ka akiyar, ŋinapei anasubunet akwap, erae ekitaabo ŋol ŋolo a Imesek a ŋini aponi toarae.

Akis. 16:10

Tobukok emalaika ŋolo a ŋikan anyunyura ŋina ka Akuj anabakule keŋ lokicoloŋ ŋolo ke etyaŋ. Kiryoniar ebuku ŋolo ke etyaŋ cuc; tokonyokonyata ŋituŋa ŋaŋajepa kec aŋuna aryebatar.

Akis. 3:10

Aŋuna iricakinia iyoŋ akirot kaŋ ŋina ikicikak iyoŋ atitinyu ŋina nyikirikira, ekeuryari ayoŋ iyoŋ apaki ŋina ka akikatakino ŋina ebunit nakwapin daadaŋ akikatakin ŋulu iboiyete anakwap.