Akis. 10:4 - Ebaibul

⁴ Ani keruut ŋagirokineta ŋunakanikaarei ŋun adikino ayoŋ egirakini, nai abu eira etoil anakuj ebala, “Kipuca ŋakiro ŋuna alimut ŋagirokineta ŋunakanikaarei, nyigirak ikes!”

Akis. 10:4 Iomraidhean Croise

Isa. 29:11

Ikwaanikin aneni kus akisileerekinet na ka ŋakiro ŋuna eya lokitaabo ŋolo ipucaritae, lokitaabo ŋolo ani keinakin ŋulu eyenete akisyom, elimokinitae ebe, “Tosyoma ekitaabo lo,” etemarete ikes, “Nyikipedori isua, anerae ipucitae.”

Isa. 8:1

Okolimok nai Ekapolon ayoŋ tema, “Tolemu akaratas ŋina ekatal kigir ŋakiro nu nen a ŋanyukutae a ŋuna eyenete ŋituŋa ‘Toŋatasi atipei! Toryetasi atipei!’

Isa. 8:16

Torucokina anakiteyenikineta, ŋikasyomak kaŋ,

Dan. 12:4

Nai, iyoŋ Daniel, kimunon ŋakiro ka kimyek ekitaabo egolokino jik tari akoloŋit ŋina esalunia akwap. Irimokinete ŋikalalak iwarito ayenun ŋakiro ka iyatakin akitiya ŋuna aronok.”

Dan. 12:9

Abu iŋes tema, “Tolot a ne Daniel, anerae emaikina ŋakiro nu kidoŋo erae ŋuna imunono ka togolitetei jik tari akoloŋit ŋina esalunia akwap.

Dan. 8:26

Erae ŋuna a kire ŋakiro ŋuna a ŋakisileerekineta a ŋuna ka ataparacu ka a ŋuna ke eboŋ. Nai iyoŋ ŋolo ibu kiŋolik ŋakisileerekineta ŋun, kimunon ŋakiro ŋun, anerae elwaka ŋirwa ŋulu itiyakinotor ŋakiro ŋun.”

Ŋikis. 29:29

Erae ŋakiro ŋuna imunono ŋuna ke Ekapolon Akuj yok, nai ŋakiro ŋuna isileereunitoe, erae ŋuna yok ka ŋuna a ŋidwe yok ŋikaru ka ŋikaru, emaikina iwon ewuapa ŋakiro daadaŋ ŋuna a ŋikisila a ŋul.”

Akis. 1:11

Tolimu ebe, “Kigir ibore ŋini iŋolikini iyoŋ daadaŋ lokitaabo, ido kiyakiya natukon ŋunakanikaarei ŋuna a Ŋikristo alo Epeso, Simirina, Perigamo, Tyatira, Sardis, Piladelipia ka Laodikeya.”

Akis. 1:19

Aŋun, kigir tokona ŋuna daadaŋ iŋolik iyoŋ, ameun ŋuna itiyakin tokona ka ŋuna itiyakin tari rwanu.

Akis. 10:8

Abu nabo etoil ŋolo sek eirarit ayoŋ irworo anakuj okolimok ayoŋ tema, “Ape tolema ekitaabo ŋolo eŋaara ŋolo eyai nakan ŋina ke emalaika a ŋolo ewuoi ananam ka anakwap.”

Akis. 22:10

Okolimok iŋes ayoŋ tema, “Nyimunon ŋakiro ŋuna edwaritae alokitaabo a lo, anerae eapi apaki ŋina itiyakinotor ŋun daadaŋ.