Akis. 1:9 - Ebaibul

⁹ Ayoŋ Yoana lokaato kus ikimori kaapei ka iyes atitinyikinit ŋican ŋulu eryamunito ŋituŋa ŋulu erae ŋulu ka Apukan a Yesu. Abu oyakaun loculat ŋolo ka anam ŋolo enyaritae Patimos aŋuna a ŋakiro a ŋuna ka Akuj ka aŋuna ka akiteyenunet a ŋina a Yesu.

Akis. 1:9 Iomraidhean Croise

Mat. 20:23

Tolimok Yesu ikes tema, “Kire imasete ekopo kaŋ, nai ŋuna ka akiboikin teten ka kedyany kaŋ, nyerae apedor kaŋ ainakin. Erae ŋakiboisyo ŋun ŋuna a ŋulu eseunit Papa kaŋ.”

Mar. 10:39

Toboŋokis ikes temasi, “Ikipedori.” Tolimok Yesu ikes tema, “Ekopo ŋolo a ŋican lo ŋolo amasi ayoŋ, imasete iyes daŋ; ebatisimu ŋolo ekebatisatere ayoŋ, ikibatisaere iyes daŋ.

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Ŋitic. 1:15

Kelunyar ŋirwa ŋidikudyo, tocunakin ŋikanupak ŋulu aapikinito amiat ka ŋatomoniarei. Tosodi Petero tonyou kirworik

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋirom. 8:17

Ikwaŋina ikiraakar iwon ŋidwe keŋ, ikiryamuni iwon ŋarereŋisyo ŋuna iŋadat Akuj aŋuna a ŋituŋa keŋ ka ikiryamuni iwon kaapei ka Kristo ŋuna iŋadat Akuj aŋuna keŋ. Anerae ani kikimora iwon akisicanio a Kristo, ikimori daŋ ka iŋes apolou keŋ.

Ŋirom. 8:25

Nai ani kikigeno iwon ibore ŋini nyikite, ikidaruni iwon ibore ŋin ikititinyikinit.

2 Ŋikor. 1:7

Nyiloconokin akigeno kosi ŋina ikiyakar isua neni kus; anerae ikiyeni isua atemar, ikwaŋinapei ikimorya ŋican kosi, ikimori daŋ ŋakiŋaranakineta kosi.

Ŋipil. 1:7

Itemokino ayoŋ okatamunite iyes daadaŋ ikona, anerae akamina ayoŋ iyes nooi, ikwapei ikimorya iwon daadaŋ ainakinet ŋina adau Akuj ainakin ayoŋ, tari anapaki a na, a ŋina ayakar ayoŋ mabus ka apaki ŋina erworor ayoŋ aŋuna a Ŋakiro a ŋuna Ajokak etogogoŋit.

Ŋipil. 4:14

Nai ipotu iyes kitiyata ejok ikiŋarakis ayoŋ anatyokisyo kaŋ.

2 Ŋites. 3:5

Ikilipi isua neni ke Ekapolon kibelek ŋitai kus namina ŋina ka Akuj ka natitinyikinit ŋina a Kristo.

2 Tim. 1:8

Kiurya nyikirumito ŋileec aŋuna ka akisera ŋakiro ŋuna ke Ekapolon yok kori aŋuna kaŋ, a ŋolo arae emabus aŋuna a Kristo. Nai todaŋ ŋican aŋuna a Ŋakiro a ŋuna Ajokak, lopite ŋolo ikiinakinitor Akuj iyoŋ agogoŋu akitiya ŋun.

Ŋibur. 10:36

Itemokino totitinyikis, ikotere itiyaete ŋuna ecamit Akuj, ido tocamut ŋuna ikiikinit iŋes.

1 Pet. 5:1

Ŋikatukok, ayoŋ ŋolopei arae ekatukon, ŋolo arae esuuda a ŋican a Kristo, ŋolo alosi aryamun atyaket anapolou a ŋina itoodiunio: ekelipit iyes!

Akis. 1:1

Erae ekitaabo lo ŋolo igiritae ŋakiro ŋuna abu Yesu Kristo kisileereu. Abu Akuj inak iŋes akiseleerekinet na, ikotere iseleerekinio ŋiketiyak keŋ ŋuna itemokino totakanut atipei. Abu Kristo kiyakiya emalaika keŋ neni a Yoana ke eketiyan keŋ akiteyenikin iŋes ŋakiro nu.

Akis. 1:2

Eteyenu Yoana ŋakiro daadaŋ ŋuna abu iŋes toanyu, ŋuna eponito aneni ka Akuj ka ŋuna eteyenu Kristo.

Akis. 1:4

Ayoŋ Yoana egirit emalas lo neni a ŋatukon a Ŋikristo a ŋunakanikaarei a ŋuna eyakasi Asia: Toyai ajokis ka ekisil neni kus ŋulu eponito aneni ka Akuj a ŋina erae ka arae, ka ŋina ebuni, ka aneni a ŋitai a ŋulukanikaarei, a ŋulu eyakasi kiŋaren ekicoloŋ keŋ,

Akis. 1:6

Ikituruwo iŋes iwon apukan ŋina a ŋisacaradotin a ŋulu itiyaete neni ka Akuj a Papa keŋ. Toyai apolou ka apedor neni a Yesu Kristo ŋikaru ka ŋikaru! Amen.

Akis. 11:7

Ani kedaut ikes alimonokin ŋakiro kec, elomuni etyaŋ anakipany a ŋina aoyan a ŋina nyesalunit alokwap akitijiyore ikes. Ilouni iŋes ikes ka toar,

Akis. 12:11

Apotu ŋikaitotoi yok kilout iŋes a ŋaokot a ŋuna a Imesek ka aŋuna a ŋakiro a ŋuna eteyenunete ikes; anerae acamunito ikes akijal akiyar kec, totwaka.

Akis. 12:17

Toŋoik epiu aberu, tolot akitijiyore ŋiletok ŋuluce ŋulu ka aberu, ŋiletok daadaŋ ŋulu iwuapito Ŋakiciketa ŋuna ka Akuj ka ŋulu erae ŋisuudae a Yesu.

Akis. 13:10

Ituŋanan ŋini itemokino kikamarae, itemokino kire kikamarae; ituŋanan ŋini itemokino toarae ka atum, itemokino kire toarae ka atum. Aŋun, itemokino ŋituŋa ŋulu ka Akuj totitinyikis ananupit kec.”

Akis. 14:12

Itemokino totitinyikis ŋituŋa ŋulu ka Akuj, ŋulu iwuapito Ŋakiciketa keŋ, ŋulu enupito Yesu.

Akis. 19:10

Abu oramakin kwap nakejen keŋ akilip, nai abu iŋes tema, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon, ŋulu erae ŋisuudae a Yesu. Kilip neni ka Akuj!” Anerae ŋuna iteyenunit Yesu ikes isirworete ŋikadwarak.

Akis. 20:4

Abu oanyuwa ŋikicoloŋo ŋulu ka apolou icoloŋito ŋulu ainakinitae apedor aruwor ŋikatubok. Abu daŋ oanyuwa ŋitai a ŋituŋa a ŋulu ketubonoryo ŋakyes, aŋuna araakatar ikes ŋisuudae a Yesu ka aŋuna ka Akirot a ŋina ka Akuj. Kepotu ikes nyilipa neni ke etyaŋ kori neni ke etorube keŋ ka nyiwuakina emacar ŋolo ke etyaŋ loreetin kori nakan kec. Toyarut ikes kipukata kaapei ka Kristo ŋikaru aliput apei.

Akis. 3:10

Aŋuna iricakinia iyoŋ akirot kaŋ ŋina ikicikak iyoŋ atitinyu ŋina nyikirikira, ekeuryari ayoŋ iyoŋ apaki ŋina ka akikatakino ŋina ebunit nakwapin daadaŋ akikatakin ŋulu iboiyete anakwap.

Akis. 6:9

Ani eŋaari Imesek akipucet ŋina a ŋakan, abu eŋolik alokwap Namuroet ŋitai a ŋituŋa a ŋulu kearyo aŋuna ka alimonokin ŋakiro ŋuna ka Akuj ka aŋuna ka araakau ŋisuudae keŋ ŋulu ikinyoma.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.