Akis. 1:8 - Ebaibul

⁸ Ebala Ekapolon Akuj ŋina etiron, ŋina erae ka ŋina arae ka ŋina ebuni, “Arae ayoŋ Alpa ka Omega” (iŋes atemar Akisyakinet ka Asalunet).

Akis. 1:8 Iomraidhean Croise

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Akisy. 28:3

Elipi Akuj ŋina Etiron ikiterereŋ iyoŋ ikiinak ŋiletok ŋulu alalak, ikotere toruwor papa a ŋituŋa a ŋakwapin.

Akisy. 35:11

Tema Akuj neni keŋ, “Arae ayoŋ Akuj ŋina Etiron: Topit, tolalata ŋituŋa kon; elomunete aneni kon ŋituŋa ŋulu ka akwap a apei ka ŋituŋa ŋulu a ŋakwapin a ŋuna alalak, elomunete ŋirwosi aneni kon.

Akisy. 43:14

elipit Akuj ŋina Etiron ikiinak iyes akisyonio alokiŋaren ekile ŋol, ikotere iŋes inyakuni lokaato kus ŋoloce kaapei ka Benjamin. Ani eruwor ayoŋ, adau atwaniyar ŋidwe erae atwaniyar.”

Akisy. 48:3

Tema iŋes neni a Yosepu, “Abu Akuj ŋina Etiron totakanu neni kaŋ alo Lus anakwap a ŋina a Kanaan, abu eketerereŋ ayoŋ,

Akisy. 49:25

elipi Akuj a papa kon kitiya ŋun, ikiterereŋ iŋes iyoŋ, a ŋarereŋisyo a ŋuna aŋakipi a ŋuna alokidiama, a ŋarereŋisyo a ŋuna aŋakipi a ŋuna eisete alokwap, a ŋarereŋisyo a ŋuna a ŋiletok.

Awos. 3:14

Tema Akuj neni a Moses, “Arae Ayoŋ ŋina Arae Ayoŋ.” Torubak Akuj irworo ebala, “Tolimok iyoŋ Ŋisirael atemar ayoŋ ŋina akanyaritae ‘Ayoŋ’ iŋes ekeyakuu ayoŋ neni kus.”

Awos. 6:3

Abu ayoŋ otakanu neni ka Aburaam, Isaka ka Yakob ikwapei Akuj ŋina Etiron, nai alokiro kaŋ a ŋolo enyaritae ‘Arae Ayoŋ ŋina Arae Ayoŋ’ abu ayoŋ nyeteyenikin ikes.

Isa. 41:4

Ŋae etiyae ŋun ka ŋae eturubak ŋun itiyasi? Ŋae enyaraununui ŋanyameta ŋinapei anakisyakinet? Ayoŋ Ekapolon, arae ŋolo a ekiŋaren, ayakaun ayoŋ tari apaki ŋina esidyon.

Isa. 43:10

Ebala Ekapolon, irae iyes ŋisuudae kaŋ ka ŋiketiyak kaŋ ŋulu abu ayoŋ oseu, ikotere iyes ikiyenunete ayoŋ ka ikinupete ayoŋ, ido toyenut atemar ayoŋ bon arae Akuj. Ayoŋ bon arae Akuj, mam akuj ace mam akuj ace ayai ekiŋaren, mam ace jik eyakaun ekaku.

Isa. 44:6

Alimu Ekapolon, erwosit a Ŋisirael ka ekalakunan kec Ekapolon a ŋajoresyo ebe, “Arae ayoŋ ŋolo esyaunan ka ŋolo esidyon; emam akuj ace mati ayoŋ bon.

Isa. 48:12

Kiirasi ŋakiro kaŋ okoe ŋiletok a Yakob, iyes Ŋisirael ŋulu abu ayoŋ onyarau, arae ayoŋ iŋes; arae ayoŋ ŋina eŋarenon ka arae ayoŋ ŋina esidyon.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Ekim. 24:4

ŋakiro a ituŋanan a ŋini epupi ŋakiro ŋuna ka Akuj, a ituŋanan a ŋini etoodyanakin Akuj ŋina etiron neni keŋ, a ituŋanan a ŋini eryediki itopoloorit Akuj, ido toŋaara ŋakonyen keŋ.

2 Ŋikor. 6:18

Abuni ayoŋ oruwor Papa kus ka iruworosi iyes daŋ ŋidwe kaŋ ŋulusapa ka ŋulupesur, adau Ekapolon ŋolo etiron alimun.”

Akis. 1:11

Tolimu ebe, “Kigir ibore ŋini iŋolikini iyoŋ daadaŋ lokitaabo, ido kiyakiya natukon ŋunakanikaarei ŋuna a Ŋikristo alo Epeso, Simirina, Perigamo, Tyatira, Sardis, Piladelipia ka Laodikeya.”

Akis. 1:17

Ŋinapei eŋolikinia ayoŋ iŋes, abu oramakin nakejen keŋ ekok ituŋanan ŋini atwan. Abu nai iŋes kiwuak akan keŋ ŋina aloteten neni kaŋ tema, “Nyikuryaniar! Arae ayoŋ ŋolo Eŋarenon ka ŋolo Esidyon.

Akis. 1:4

Ayoŋ Yoana egirit emalas lo neni a ŋatukon a Ŋikristo a ŋunakanikaarei a ŋuna eyakasi Asia: Toyai ajokis ka ekisil neni kus ŋulu eponito aneni ka Akuj a ŋina erae ka arae, ka ŋina ebuni, ka aneni a ŋitai a ŋulukanikaarei, a ŋulu eyakasi kiŋaren ekicoloŋ keŋ,

Akis. 11:17

ebasi, “Ekapolon Akuj ŋina etiron, ŋina erae ka ŋina arae! Ikitalakarit isua iyoŋ aŋuna isitiyaa apedor ŋina apolon ka isyak daŋ akipuka.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!

Akis. 16:14

Erae ikes ŋipyan ŋulu itiyaete ŋakujuwuanisya. Eloseneneete ikes neni a ŋirwosi a ŋakwapin a daadaŋ acunun ikes lojiye Akoloŋit ŋina apolon ŋina ka Akuj a ŋina etiron.

Akis. 16:7

Abu eira etoil a Namuroet ebala, “Ekapolon Akuj ŋina etiron! Iyookino kire ŋuna itubi iyoŋ!”

Akis. 19:15

Alomunit anakituk keŋ atum ŋina akwaŋan ŋina ilounia iŋes ŋakwapin. Ipukae iŋes ikes ka aryenyeo ka ecuuni a ŋakejen keŋ epiini anacuet a ŋina ke epiini, ŋina erae anyunyura ka Akuj a ŋina etiron.

Akis. 19:6

Abu eira etoil ŋolo asibit ŋolo a ŋituŋa a ŋulu alalak, ŋolo asibit ŋolo a ŋakipi a ŋuna eremuno anakope, ŋolo asibit ŋolo ka agirokinet a ŋina ireta. Eira ikes ebasi, “Alleluia! Anerae erae Ekapolon Akuj yok ŋina etiron, Erwosit!

Akis. 2:8

“Kigir neni ke emalaika a ŋolo ka atukot a Ŋikristo alo Simirina atemar: “Erae ŋakiro nu ŋuna eponito aneni a ŋolo erae ŋolo Eŋarenon ka ŋolo Esidyon, ŋolo abu totwan ka toyaru nabo.

Akis. 21:22

Nyiŋolikina ayoŋ Akai ka Akuj alotaun a ŋolo apolon, anerae Ekapolon Akuj ŋina etiron ka Imesek ikes erae Akai ka Akuj keŋ.

Akis. 21:6

Tema nabo neni kaŋ, “Erikakin! Arae ayoŋ Alpa ka Omega--Akisyakinet ka Asalunet. Ŋini daadaŋ enyami akure, ainakini ŋakipi ŋuna emam egyelit, ŋuna aloitanit a ŋolo ka akiyar.

Akis. 22:13

Arae ayoŋ Alpa ka Omega, ŋolo Eŋarenon ka ŋolo Esidyon--Akisyakinet ka Asalunet.”

Akis. 4:8

Ayakar ŋolosubuna ŋabebenuk ŋakanikapei ŋuna eryamito ŋakonyen kiŋa ka tooma. Apaaran ka akuwar nyieŋununuyete ikes aeo ebasi, “Eseg, eseg, eseg Ekapolon Akuj ŋina etiron, ŋina arae ka erae ka ŋina ebuni.”