Akis. 1:5 - Ebaibul

⁵ ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 1:5 Iomraidhean Croise

Ŋikiru. 51:2

kilota aronis kaŋ jik, ido kitesegunae ayoŋ anasecit kaŋ.

Ŋikiru. 72:11

Emaikina kilounae ŋirwosi daadaŋ alokiŋaren keŋ, emaikina kitiyata ŋituŋa a ŋakwapin a daadaŋ neni keŋ.

Ŋikiru. 89:27

Eturuwori daŋ ayoŋ iŋes lokoku kaŋ ŋolokiyae ka eturuwori ayoŋ iŋes erwosit ŋolo itopolooritae nooi alorwosi a ŋulu ka akwap.

Ŋakit. 14:5

Nyirworo esuuda ŋolo ikinyoma alyokonu, nai alyokonu bon irworo esuuda ŋolo nyikinyoma.

Isa. 55:4

Kiirasi, abu ayoŋ eturuwo Daudi esuuda aneni a ŋituŋa, ekarikon ka ekepukan a ŋituŋa.

Dan. 2:2

Aŋun, abu erwosit tolimu atemar tonyaraunae ŋikekukujak, ŋimurok ka ŋimurok ŋulu enyaraeneneete ŋimuno tolimokis iŋes ŋakiro ŋuna erujat iŋes. Ani epote ŋituŋa ŋul, apotu towua alokiŋaren erwosit.

Dan. 7:14

Aponi inakinae iŋes apukan ka apolou ta arwosiyo, ikotere itiyanakineta iŋes ŋituŋa daadaŋ, ŋakwapin ka ŋituŋa ŋulu irworosi ŋaŋajepa ŋuna egelegelya. Erae apukan keŋ ŋina a ŋikaru ka ŋikaru, ŋina nyedaun ka nyemunaaryo apukan keŋ.”

Ŋilep. 13:58

Nai elou kori elou ŋolo imanyumanyunitae, kori ŋolo edonyunitoe, kori ibore ca daadaŋ ŋini itiyaunitae alolou a ibarasit, ŋolo nyeriŋa ikunoikinit kedaun akilotar, emaikina kilotarae nabo, ido eruwor ŋolo nyitoroniyaritae.”

Sakar 13:1

“Akoloŋit ŋin, eŋakinio elelya neni a ŋituŋa a ekal a Daudi ka neni a ŋulu iboiyete alo Yerusalem, ikotere kitaleun ikes anasecit ka anaronis.”

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

Mat. 28:18

Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap.

Yoa. 13:1

Ani eapuuni apaki ŋina a ŋasuban a Paska, toanyu Yesu atemar kedol apaki ŋina esikinet akwap na, toboŋo neni a Papa. Amina jwi jwi Yesu ŋulu keŋ ŋulu ayakasi nakwap, akitodol tari natwanare.

Yoa. 13:34

Akainakini tokona akiciket ŋina kitete: tominin make; ikwaŋina akaminar ayoŋ iyes, iyes daŋ tominin make.

Yoa. 15:9

Akamina ayoŋ iyes ikwaŋina akaminar ayoŋ Papa kaŋ, kidoŋo namina kaŋ.

Yoa. 18:37

Kiŋit Pilato iŋes tema, “Iŋes atemar irae iyoŋ erwosit a?” Toboŋok Yesu iŋes tema, “Iyoŋ ilimu atemar arae ayoŋ erwosit. Aponi ekedoun ayoŋ ka abunit ayoŋ nakwap na aŋuna a ipeibore: akiteyenun ŋuna a kire. Ituŋanan daadaŋ ŋini eyai tooma ŋuna a kire, epupi ŋakiro kaŋ.”

Yoa. 3:11

Akalimokini ayoŋ iyoŋ kire atemar, ikirworo isua ŋuna ikiyeni ka ikiteyenunit daŋ ŋuna ikianyu, nai nyicamunito iyes ŋuna ikiteyenunit isua.

Yoa. 3:16

Kire, abu Akuj tomina akwap nooi, tojal tari Lokoku keŋ ŋolo donupei, ikotere ŋini enupi iŋes nyebukori, nai toryamu akiyar ŋina nyedaun.

Yoa. 3:32

iŋes irworo ŋuna adau akiteyenun ka ŋuna eira aina. Nai emam ituŋanan acamu ŋuna iteyenunit iŋes.

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

Ŋitic. 26:23

Abasi ikes ebe itemokino Kristo kisicanae ka toruwor ŋolo ke ekiŋaren ayarun alokatwak, kiserau nai akica ŋina ka aiuno neni a Ŋiyudayan ka ŋulu nyerae Ŋiyudayan daŋ.”

Ŋirom. 3:25

Abu Akuj kipoto Yesu Kristo, ikotere akeetwanare eruwor ŋina isyoniyere ŋasecisya a ŋituŋa a ŋulu enupete iŋes. Abu Akuj kitiya ŋun, ikotere kitoodiunia atemar iyookino iŋes alope. Koloŋ sek abu Akuj totitinyik ka nyemitak ŋasecisya a ŋituŋa.

Ŋirom. 8:37

Nai alotooma ŋakiro ŋun daadaŋ, ikiloit iwon tari ŋikelounak aŋuna a ŋolo abu ikiminak iwon.

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

Ŋigal. 2:20

Aŋun nai, nyarubakinit ayoŋ arae ŋolo ayari, nai Kristo eyari alotooma kaŋ. Akiyar kaŋ ŋina anakwap a na, ayari ananupit Lokoku ka Akuj, ŋolo abu okominak ayoŋ ka tojal akiyar keŋ aŋuna kaŋ.

Ŋiep. 2:4

Nai epol nooi akisyon ŋina ka Akuj ka epol nooi amina keŋ ŋina ikiminar iwon:

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

Ŋikis. 18:2

nai nyeryamunete ikes akwap ŋina eruwor ŋina kec lopite ŋolo eryamuniata Ŋisirael ŋuluce; Ekapolon iŋes erae akorakinet kec, lopite ŋolo eikinitor Ekapolon ikes.

Ŋikis. 23:5

(Kikote neni daŋ, abu Ekapolon nyiira ŋakiro a Balaam, abu Ekapolon Akuj kus kilocok ŋicen toruwor arereŋu aneni kus, anerae ikimina iyes Ekapolon Akuj kus)

Ŋikis. 7:8

Nai arae aŋuna ikiminar Ekapolon iyes ka aŋuna ewuapitor akiikinet ŋina abu iŋes kikoŋ neni atapapaa kus, ŋakiro ŋun ikes ikiyaunia Ekapolon iyes ka apedor keŋ a ŋina etiron ka ikilaku iyes anakwap a ŋina ka apitoonut, anapedor a Parao a erwosit a Ijipit.

Ŋikol. 1:18

Iŋes erae akou ŋina ka akuwan keŋ; a ŋina erae Ŋikristo; iŋes erae akisyakinet, aponi kiteyarunae iŋes alokatwak, aŋun, erae iŋes ŋolo esyaunio akidoun nakiyar ŋina kitete; ikotere toruwor iŋes ŋolo iŋarenikinit ŋiboro daadaŋ.

1 Tim. 6:13

Alokiŋaren Akuj ŋina einanakini akiyar neni a ŋinibore daadaŋ ka alokiŋaren Yesu Kristo ŋolo abu kisera anupit keŋ alokiŋaren Ponitio Pilato, ekecikakini ayoŋ iyoŋ

1 Tim. 6:15

Eyauni Akuj atakanun ŋina a Yesu Kristo anapaki a ŋina itemokino, Akuj ŋina erereŋ ka ŋina erae iŋes bon erae Ekapolon, Erwosit ŋolo a ŋirwosi ka Ekapolon ŋolo a ŋikapolok.

Ŋibur. 10:29

Ikokini nai ai ituŋanan ŋini ejamuwarit Lokoku ka Akuj? Ŋini itusubunit koŋin ŋaokot ŋuna ka Acamunet a ŋina ka Akuj ŋuna etesegunere iŋes anasecisya, ŋini nabo iyanyi Etau ŋolo etoodikini ajokis neni keŋ? Totama mono iyes, etya ai akisicanet ŋina eryamuni ituŋanan ŋin!

Ŋibur. 9:14

Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.

1 Pet. 1:19

arae ŋaokot a Kristo ŋuna epol egyelit, ŋuna ekwaan ka ŋuna a imesek a ŋini emam nyeŋwalit kori nyitoronitae.

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

1 Yoa. 4:10

Nu ikes erae amina: meere atemar iwon ikipotu ominakisi Akuj, nai Akuj iŋes abu ikiminak iwon, kiyaku Lokoku keŋ, toruwor erot ŋolo isyoniyere ŋasecisya yok.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 11:3

Eyakuuni ayoŋ ŋikadwarak kaŋ ŋuluarei enapito ŋiguniyae, elimonokinete ikes ŋakiro ŋuna ka Akuj alorwa a ŋulu ka apeiliput a ŋamiae ŋaarei ka ŋatomonikanikapei.”

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”

Akis. 2:13

Ayeni ayoŋ neni iboiyo iyoŋ; erae neni ipukat Satan. Nai irubakinit iyoŋ ikinupit ayoŋ, ibu iyoŋ nyiŋer anupit ayoŋ tari alorwa a ŋulu aarere Antipa, esuuda kaŋ ŋolo anupit nooi aina, anakwap a ŋina iboiyo Satan.

Akis. 3:14

“Kigir neni ke emalaika a ŋolo ka atukot a Ŋikristo alo Laodikeya atemar: “Erae ŋakiro nu ŋuna eponito aneni a ŋolo enyaritae Amen, esuuda ŋolo ikinyomitae ka ŋolo a kire ŋolo erae akisyakinet ŋina a ŋisubuna ka Akuj.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.