Akis. 1:18 - Ebaibul

¹⁸ Arae ayoŋ ŋolo ayari; abu ayoŋ otwana, nai tokona ayari ŋikaru ka ŋikaru! Ayoŋ epukat atwanare ka akwap ŋina a ŋikatwak.

Akis. 1:18 Iomraidhean Croise

Yob 19:25

“Anerae ayeni ayoŋ atemar eyari ekalakunan kaŋ ka ayeni ayoŋ atemar apaki ŋina esidyon ebuni iŋes nakwap akitub ŋakiro kaŋ akaikinit ayoŋ.

Yob 38:17

Eyai ituŋanan ikidodik iyoŋ ŋipukei ŋulu elomarere nakibois a ŋikatwak a? Kori iŋolikinit iyoŋ akibois ŋina ka akiryonut cuc a?

Ŋikiru. 18:46

Eyari Ekapolon! Kipuroe ataaba kaŋ ŋina kiupala, kitopolooroe Akuj kaŋ ŋina ka aiuno kaŋ.

Ŋikiru. 68:20

Akuj yok iŋes erae Akuj ŋina aiunan; ido neni ka Akuj Ekapolon iŋes ikiryamunia aiun anatwanare.

Isa. 22:22

Ainakini ayoŋ iŋes kipuka ŋiletok a Daudi, ŋuna ecamit iŋes akitiyakin mam ŋini eŋeri ka ŋuna nyecamit iŋes akitiyakin, mam ŋini itiyakini.

Mat. 11:23

Ani bo iyoŋ Kaperenaum! Icamit iyoŋ akitopolooro kon todol nakuj a? Ikilemaryo iyoŋ anakwap, ikimasar nakibois ŋina a ŋikatwak! Anerae kerae koloŋ kitiyatetei ŋakujuwuanisya ŋuna etiyakin neni kus, keriŋa Sodoma eyai tari tokona!

Mat. 16:19

Akainakini ayoŋ iyoŋ ŋikipuŋguwoi ŋulu ka Apukan a ŋina anakuj; ŋuna nyicamakini iyoŋ anakwap nyecamakinio tari anakuj; ka ŋuna icamakini iyoŋ anakwap ecamakinio anakuj.”

Luk. 24:5

Tobul ŋaberu nooi kijuuroto; kiŋita ŋikilyok ŋul ikes temasi, “Kaanukiro iwaritotor iyes ituŋanan ŋini eyari lotuŋa ŋulu etwakito?

Yoa. 11:25

Tolimok Yesu iŋes tema, “Arae Ayoŋ ayarun ka akiyar, ŋinituŋanan akanupi ayoŋ, eyaruni tari ketwana daŋ.

Yoa. 14:19

Apaki adio cicinyekeŋolikinete nabo ayoŋ ŋituŋa ŋulu ka akwap a na, nai ikiŋolikinete iyes ayoŋ ka aŋuna ayarya ayoŋ, iyarete iyes daŋ.

Ŋirom. 6:9

Anerae ikiyeni iwon atemar aponi kiteyarunae Kristo alokatwak ka nyetwani nabo; nyipukae atwanare iŋes nabo jik.

2 Ŋikor. 13:4

Tari kibubukinitoe iŋes lomusalaba anapalagu, eyari iŋes aŋuna ka apedor a ŋina ka Akuj. Ikipalag iwon daŋ anakimorikina ka Kristo; nai ani kikitiya isua alokidiŋ kus, ikimori apedor ŋina ka Akuj, anakiyar a ŋina a Kristo.

Ŋigal. 2:20

Aŋun nai, nyarubakinit ayoŋ arae ŋolo ayari, nai Kristo eyari alotooma kaŋ. Akiyar kaŋ ŋina anakwap a na, ayari ananupit Lokoku ka Akuj, ŋolo abu okominak ayoŋ ka tojal akiyar keŋ aŋuna kaŋ.

Ŋikol. 3:3

Anerae itwakito iyes ka iwuaitae akiyar kus kaapei ka Kristo alotooma Akuj.

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Ŋibur. 7:16

Pa abu iŋes toruwor esacaradoti alopite a ŋolo acamakinitotor Ŋikisila aŋuna ka ateker keŋ, nai abu toruwor esacaradoti aŋuna ka apedor a ŋina ka akiyar a ŋina nyedaun.

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

Akis. 10:6

Abu iŋes kikoŋ alokiro ka Akuj a ŋina eyari ŋikaru ka ŋikaru, a ŋina asubuni nakuj, akwap, anam ka ibore daadaŋ ŋini eyai tooma kec; tema, “Emam nabo apaki ace ŋina idaryo.”

Akis. 15:7

Abu epei alotooma ŋisubuna ŋuluomwon ŋulu eyarete inak ŋimalaikan ŋulukanikaarei ŋabakulei ŋakanikaarei ŋuna etiyaunitae a egolid ŋuna eleleba anyunyura ŋina ka Akuj a ŋina eyari ŋikaru ka ŋikaru.

Akis. 2:8

“Kigir neni ke emalaika a ŋolo ka atukot a Ŋikristo alo Simirina atemar: “Erae ŋakiro nu ŋuna eponito aneni a ŋolo erae ŋolo Eŋarenon ka ŋolo Esidyon, ŋolo abu totwan ka toyaru nabo.

Akis. 20:13

Toleku anam ŋikatwak ŋulu ayakasi tooma keŋ. Tolekut Atwanare ka Akibois ŋina a ŋikatwak daŋ ŋikatwak ŋulu ayakasi neni kec. Aponi totubokinae ikes daadaŋ ikwaŋina kitiyatotor ikes.

Akis. 20:14

Kimasakinae nai Atwanare ka Akibois ŋina a ŋikatwak nanam ŋina ka akim. (Erae anam ŋina ka akim ŋin atwanare ŋina a ŋaarei.)

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.

Akis. 4:9

Apaki daadaŋ ŋina ipurioto, ŋina itopolooryata ka ŋina italakaryata ŋisubuna ŋul ŋini iboi alokicoloŋ ka ŋini eyari ŋikaru ka ŋikaru,

Akis. 5:14

Apotu ŋisubuna ŋulu eyarete ŋuluomwon toboŋokis temasi, “Amen!” Ido toramakinos ŋikatukok kwap, kilipa.

Akis. 6:8

Ani eŋoliyari, oanyuwa aŋole ŋina nyaŋaliban; anyaritae ekiro ke ekameton aŋole ŋin Atwanare, totupite akwap ŋina a ŋikatwak iŋes. Aponi inakinae ikes apedor ŋinakipukaet atutubet ŋina a ŋaomwon ŋina ka akwap, akiar alotooma ejiye ka eron ka edeke ka ŋityaŋ ŋulu adedeŋak.

Akis. 9:1

Abu emalaika ŋolo a ŋikan tokutak arupepe keŋ. Oanyuwa etop ŋolo kebu kimasun anakuj kwap, ainakinitae etop ŋol ekipuŋguwo ŋolo ŋaaret auwuat ŋina aoyan ŋina nyesalunit alokwap.

1 Sam. 2:6

Earenene Ekapolon ka iteyarununui; eayenene ŋituŋa nakibois a ŋikatwak, ido inyakununui ikes a nen.