Akis. 1:16 - Ebaibul

¹⁶ Anakan keŋ a ŋina aloteten, adakit ŋikacer ŋikanikaarei; anakituk keŋ, tolomu atum ŋina akwaka ŋiwaetin daadaŋ. Acai ereet keŋ ikwaŋina ecaya akoloŋ kidiŋ apaaran.

Akis. 1:16 Iomraidhean Croise

Yob 38:7

Ani eriŋa ataparacu a akoloŋit ŋina etiyaere ŋun, apotu ŋikacer ŋulu ka ataparacu toeo kaapei ka apotu ŋimalaikan daadaŋ tocelut ka alelyanu.

Ŋikiru. 45:3

Toenik ekileŋ kon losyepi kon erwosit ŋolo etiron irae iyoŋ erwosit ŋolo iyakar apolou ka ailiil.

Eete a Ŋie. 6:10

“Ŋae ŋin ŋina ebunit ikwa akiwalaret, ŋina ecai ereet ikwa elap, ŋina ikinwaki ereet ikwa akoloŋ, ŋina ailiilon a ereet ikwa ŋasigarya ŋuna etenito alosit lojie?”

Isa. 11:4

Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Isa. 24:23

Ereŋuni elap puu ka iryoniar akoloŋ cuc; anerae Ekapolon ŋolo a ŋajoresyo iŋes ipukae alomukura Sion ka alo Yerusalem, ido itoodikini iŋes apolou keŋ neni a ŋikapolokinitok a ŋituŋa.

Isa. 49:2

Abu iŋes kitipipil ŋakiro ŋuna alimuni ayoŋ ikwa ekileŋ ikiduŋi, abu iŋes ekemuko ayoŋ alotolim a akan keŋ, abu iŋes ekesikwaanik ayoŋ ka ekaleŋeleŋet ŋolo epwasitae, abu iŋes ekeŋadaa ayoŋ ikwa ekaleŋeleŋet ŋolo iŋadaaritae natoros,

Dan. 12:3

Ecaunete ŋikaosok lopite ŋolo ecaya akoloŋ alokidiama, ido ecaunete ŋikaru ka ŋikaru ŋulu erikunete ŋulu alalak nakiyookino lopite ŋolo ecayata ŋikacer.

Dan. 8:10

Abu amomwara ŋin tooyaar nooi todol kidiama neni a ŋimalaikan ka ŋikacer, tocaku ŋimalaikan ka ŋikacer ŋice kwap, kipuda ikes alokwap.

Mal. 4:2

Nai iyes ŋulu itopoloorito ekiro kaŋ, elomuni apedor kaŋ ŋina aiunan ikoni akoloŋ, ido bu apedor neni kus ikoni ŋikoi ŋulu ka akoloŋ, ikitaŋaleun iyes. Iruworosi iyes ŋulu ilacakina, ŋulu ilakara ikwa ŋimanaŋ ŋulu elacakinitae, ŋulu eŋaaritae ananok.

Mat. 17:2

Kilocokin akuwan keŋ alokiŋaren kec, tocau ereet keŋ ikwa akoloŋ ka tokwaŋiata ŋilowi keŋ ikwa akica.

Ŋitic. 26:13

Erwosit Agripa, ani edoli kidiŋ apaaran, abu ayoŋ oanyua eriŋa alosi alorot akica ŋina aŋesun atipei anakuj, ŋina acai akilo akoloŋ. Tocau ekenuak ayoŋ kaapei ka ŋulu ikirukitor.

Ŋiep. 6:17

Tocamutu aiuno ikwa akopiya ŋina iuryarit akou nyewana; totiŋa ikwa atum akirot ka Akuj, ŋina ikiinakini iyes Etau ŋolo ka Akuj.

Ŋibur. 4:12

Eyari akirot ŋina ka Akuj ka itiyae daŋ ka agogoŋu, iloit akwanis keŋ ŋina ka atum a ŋina ekwaka ŋiwaetin keŋ daadaŋ. Eduŋi todol tari neni iryamiryameta akiyar ka etau kori tari neni eya ŋakilenyet ka asumet, isileereununui ŋatameta ka ŋakiro ŋuna elosikinit etau.

Akis. 1:20

Apolou ŋina a ŋikacer a ŋulu ŋikanikaarei a ŋulu ite iyoŋ, anakan kaŋ a ŋina aloteten ka ŋina a ŋawuoeta a ŋitaae a ŋuna itiyaunitae a egolid iŋes na: erae ŋikacer ŋulukanikaarei ŋimalaikan ŋulu a ŋatukon a Ŋikristo a ŋunakanikarei ka erae ŋawuoeta ŋunakanikaarei ŋatukon ŋunakanikaarei.”

Akis. 10:1

Abu nabo ayoŋ oanyuwa emalaika ŋolo agogoŋon ebunit anakuj. Anapit iŋes edou, kirimokinite alokakinet akou keŋ, kikoni ereet keŋ akoloŋ, kikote ŋakejen keŋ arira ŋina eremit kidiama.

Akis. 12:1

Totakanu aanyunet ŋina apolon ŋina ka aumokin anakuj. Ayai aberu ŋina arae ekeelou akoloŋ ka ayakar elap kwap ŋakejen keŋ ka ebokot ŋolo a ŋikacer a ŋitomon ka ŋiarei nakou keŋ.

Akis. 19:15

Alomunit anakituk keŋ atum ŋina akwaŋan ŋina ilounia iŋes ŋakwapin. Ipukae iŋes ikes ka aryenyeo ka ecuuni a ŋakejen keŋ epiini anacuet a ŋina ke epiini, ŋina erae anyunyura ka Akuj a ŋina etiron.

Akis. 19:21

Aponi ŋasigarya kec toarae ka atum a ŋina alomuni anakituk a ŋolo amet aŋole, tonyama ŋikyeny daadaŋ ŋawat kec lopite ŋolo apedoritotor.

Akis. 2:1

“Kigir neni ke emalaika a ŋolo ka atukot a Ŋikristo alo Epeso atemar: “Erae ŋakiro nu ŋuna eponito aneni a ŋolo edakit ŋikacer ŋikanikaarei anakan keŋ a ŋina aloteten, ka ŋolo elosi alokidiŋ ŋawuoeta a ŋitaae ŋunakanikaarei ŋuna itiyaunitae a egolid.

Akis. 2:12

“Kigir neni ke emalaika a ŋolo ka atukot a Ŋikristo alo Perigamo atemar: “Erae ŋakiro nu ŋuna eponito aneni a ŋolo eyakar atum ŋina ekwaka ŋiwaetin daadaŋ.

Akis. 2:16

Toki nai tokona! Ani pa kikii, abuni ayoŋ neni kon atipei akitijiyore iyoŋ ka atum a ŋina elomuni anakituk kaŋ.

Akis. 3:1

“Kigir neni ke emalaika a ŋolo ka atukot a Ŋikristo alo Sardis atemar: “Erae ŋakiro nu ŋuna eponito aneni a ŋolo eyakar ŋitai ŋulu ka Akuj ŋulukanikaarei ka ŋikacer ŋulukanikaarei. Ayeni ayoŋ ŋiticisyo kon; itakani iyoŋ iyari, nai itwanit.

Ŋikat. 3:16

Abu Eud kitiyau aŋuna keŋ ekileŋ ŋolo epenitae ŋiwaetin daadaŋ, ŋolo arae aoyau keŋ ŋasentimitae ŋatomonikan, abu iŋes tonap ekileŋ ŋol anamuro keŋ a ŋina aloteten, alotooma ŋilowi ŋulu anapit iŋes.

Ŋikat. 5:31

Okoe Ekapolon, elipi tomunyaros ŋimoe kon daadaŋ lopite ŋol! Nai elipi kiyata agogoŋu a ŋituŋa a ŋulu ikiminasi iyoŋ, lopite ŋolo iyatar amwanis elomuni akoloŋ.” Abu akwap kieŋa ejie ŋikaru ŋatomoniomwon.