Akis. 1:13 - Ebaibul

¹³ Alokidiŋ ŋawuoeta ŋun ayai ŋini ekoni ituŋanan, ŋini anapit elou ŋolo aoyan, ŋolo adolit kwap ŋakejen keŋ ka tonapite alokore keŋ arokoba ŋina etiyaunitae a egolid.

Akis. 1:13 Iomraidhean Croise

Awos. 39:5

Ekwaan arokoba ka arapet a ŋin isibusitae a ŋiboro lu a ŋulu etiyaunitere arapet: Egolid, ŋanaŋgae ŋunapusiyek, ŋunakipura-areŋak ka ŋuna areŋak ta ŋuna amilimilak ŋuna adonyuno ejok; lopite ŋolo ecikitor Ekapolon Moses.

Isa. 11:5

Eruwor akiyookino arokoba keŋ, eruwor akikinyoma arokoba ŋina ka acir keŋ.

Dan. 10:16

Tosodi a nen, abu emalaika ŋolo esibit ituŋanan okotap ayoŋ ŋipon, ido abu ayoŋ oŋaa akituk kaŋ ikotere erworikini, olimok nai ayoŋ ŋolo awoi alodiyete kaŋ otema, “Ekapolon kaŋ, ekeilosi ayoŋ ŋakiro ŋuna ka akisileerekinet a ŋina abu ayoŋ eŋolik, ido adaun agogoŋ aneni kaŋ.

Dan. 7:13

Ani ete ayoŋ ŋakisileerekineta ŋun nakwaare, abu ayoŋ eŋolik ibore ŋini ekwaan ka ituŋanan ebunit eyai kidiŋ ŋidouwon. Abu iŋes tolot neni a ŋolo iboi ŋikaru ka ŋikaru ka aponi yaarae iŋes neni ayai ŋolo iboi ŋikaru ka ŋikaru.

Dan. 7:9

“Ani eriŋa ayoŋ ete, aponi kiwuakinae nen ŋikicoloŋo ŋulukipukaet, ido abu ŋolo iboit ŋikaru ka ŋikaru kiboikin lokicoloŋ keŋ, akwaŋak ŋilowi keŋ ekwaan ka ŋalepan, akwaŋak ŋitim a akou keŋ ekwaan ka ŋajul a ŋamesekin a ŋuna ekwaŋak kya. Acai ekicoloŋ keŋ ekwaan ka arira a akim ka acai neni irimi anakejen a ekicoloŋ keŋ ekwaan ka akim ŋina enepi.

Ŋilep. 8:7

Kitanapik Moses Aron esati, toenik arokoba nacir ka Aron, kitanapik ekaaso, ido kitanapik arapet, kimijak arapet nacir ka Aron a arokoba a ŋina adonyunitoe isibusitae ejok nooi.

Ŋibur. 4:15

Erae Esacaradoti ŋolo Apolon nooi ŋolo isyonit kire apalagu yok ŋina a ŋitai. Esacaradoti ŋolopei ŋol abu Satan kitem alopitesyo a daadaŋ a ŋulu ikitemio iŋes iwon, nai abu iŋes nyesec.

Akis. 14:14

Abu eŋoliya oanyuwa edou ŋolo akwaŋan, alokidiama edou ŋol, eboi ŋini ekoni ituŋanan, tonapite ebokot ŋolo etiyaunitae a egolid, toyakar ekileŋ ŋolo ŋeret ŋolo emilia nakan keŋ.

Akis. 15:6

Apotu ŋimalaikan ŋulukanikaarei ŋulu ayakatar ŋakisicaneta ŋunakanikaarei tolomut alo Kai ka Akuj enapito ŋilowi ŋulu asegak ŋulu amilimilak, tonapito ŋarokobae ŋuna ke egolid anatorobwo kec.

Akis. 2:1

“Kigir neni ke emalaika a ŋolo ka atukot a Ŋikristo alo Epeso atemar: “Erae ŋakiro nu ŋuna eponito aneni a ŋolo edakit ŋikacer ŋikanikaarei anakan keŋ a ŋina aloteten, ka ŋolo elosi alokidiŋ ŋawuoeta a ŋitaae ŋunakanikaarei ŋuna itiyaunitae a egolid.