Akis. 1:10 - Ebaibul

¹⁰ Anakoloŋit a ŋina ke Ekapolon, abu apedor ŋina ke Etau a ŋolo Asegan min neni kaŋ, abu eira etoil alokaku kaŋ ŋolo ereta ikwa arupepe.

Akis. 1:10 Iomraidhean Croise

Ekim. 24:2

Abu Balaam kiŋolik Ŋisirael etukonoro a ŋikabilae, ido abu etau ŋolo ka Akuj bu neni keŋ,

Mat. 22:43

Kiŋit Yesu ikes tema, “Nyo bo nai itanyaritor Etau ŋolo ka Akuj Daudi iŋes Ekapolon? Ebala Daudi,

Yoa. 20:19

Ataboŋ ŋinapei ŋin, ŋina ke Esabit, atukokina ŋikasyomak a Yesu tooma akai ŋina agolitoe ŋipukei, anerae akuryakito ikes aŋuna a ŋikarikok a Ŋiyudayan. Abu Yesu towo alokidiŋ kec tolimok ikes tema, “Toyai ekisil neni kus.”

Yoa. 20:26

Kelunyar esabit epei, eboiyete ŋikasyomak nabo kaapei, torukito ka Tomas daŋ alokai a ŋina agolol ŋipukei. Totakanu Yesu neni kec tema, “Toyai ekisil neni kus.”

Ŋitic. 20:7

Akoloŋit ŋina ke Esabit, apaki ŋina ikiyakar isua iwapei akinumunum Akimuj ŋina ke Ekapolon, abu Paulo kirwor neni a ŋikanupak a ŋulu a nen akitodol kidiŋ akuwar, aŋuna arotokinitor iŋes taparacu keŋ.

1 Ŋikor. 12:3

Aŋun, acamit ayoŋ iyes toyenut atemar emam ituŋanan ŋini irworo a Etau a ŋolo ka Akuj epedori alimun ebe, “Itemokino kicenoi Yesu!” Nabo, emam ituŋanan epedori alimun ebe, “Erae Yesu Ekapolon”, mati erae Etau ŋolo Asegan erikit iŋes.

1 Ŋikor. 16:2

A ŋinakoloŋit a Esabit, itemokino ŋinituŋanan kus toseta nawae ŋisiliŋa ŋidi lotyae ŋolo ke ebari keŋ, kidiatakinos, ikotere ani abuni ayoŋ, nyecuni nabo ŋice.

Akis. 17:3

Abu Etau min neni kaŋ, okoya emalaika naloŋisat. Oanyuwa ayoŋ aina aberu ŋina eboi alokidiama etyaŋ ŋolo areŋan ŋolo egiritae lowaetin keŋ daadaŋ ŋirorwa ŋulu iyanyitere Akuj. Ayakar etyaŋ ŋakyes ŋakanikaarei ka ŋamomwar ŋatomon.

Akis. 21:10

Abu Etau min neni kaŋ, okoya emalaika tari moru ŋolo aoyan nooi. Eketoodik Yerusalem etaun ŋolo apolon ŋolo ka Akuj ebunit alokidiama aneni ka Akuj,