Akis. 1:1 - Ebaibul

¹ Erae ekitaabo lo ŋolo igiritae ŋakiro ŋuna abu Yesu Kristo kisileereu. Abu Akuj inak iŋes akiseleerekinet na, ikotere iseleerekinio ŋiketiyak keŋ ŋuna itemokino totakanut atipei. Abu Kristo kiyakiya emalaika keŋ neni a Yoana ke eketiyan keŋ akiteyenikin iŋes ŋakiro nu.

Akis. 1:1 Iomraidhean Croise

Ŋikiru. 25:14

Erae Ekapolon ekone a ŋulu itopoloorito iŋes, ido itatamununui Ekapolon ikes acamunet keŋ.

Dan. 8:16

Abu nai eira etoil a ituŋanan ebunit alodiyete aŋolol Ulai, anyara etoil ŋol ebala, “Gabriel kiŋarak ituŋanan en toyenu apolou akisileerekinet a ŋina abu iŋes kiŋolik anakiruja.”

Dan. 9:21

ka ani eriŋa ayoŋ erworo elipi, bu Gabriel ŋolo sek eŋolikinit ayoŋ anakisileerekinet neni kaŋ ekeri nooi topori, abu iŋes bu neni kaŋ, apaki ŋina einanakinere amuronot ŋina ke eboŋ.

Dan. 9:23

Apaki ŋina igeunia iyoŋ adyekanar ilipi, ibu iyoŋ tolimu akirot, abu tokona ayoŋ alimokin iyoŋ aboŋokinet a akirot a ŋin, anerae ikiminae iyoŋ nooi. Aŋun totamatama ŋuna ka akirot a ŋin, ido toyenu akisileerekinet.

Amos 3:7

“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.

Yoa. 12:49

Anerae nyerworo ayoŋ aŋuna ka apedor kaŋ bon, erae Papa ŋolo ekeyakuunit ayoŋ, iŋes ekecikakinit ŋakiro ŋuna itemokino olimu ka erwor.

Yoa. 15:15

Nyeriŋa ayoŋ akanyarit iyes ŋiketiyak, anerae nyeyeni eketiyan ŋuna itiyae ekapolon keŋ, nai tokona akanyarit ayoŋ iyes ŋikonei, anerae akalimok ayoŋ iyes ŋuna daadaŋ eira aneni a Papa kaŋ.

Yoa. 17:8

Anerae alimok ayoŋ ikes ŋakiro ŋuna ikilimokini iyoŋ ayoŋ, ka acamut ikes. Ayenut ikes atemar, abunit ayoŋ kire aneni kon, ka anupa atemar, iyoŋ ikiyakuuni ayoŋ.

Yoa. 3:32

iŋes irworo ŋuna adau akiteyenun ka ŋuna eira aina. Nai emam ituŋanan acamu ŋuna iteyenunit iŋes.

Yoa. 8:26

Ayakar ayoŋ ŋakiro ŋuna alalak ŋuna kirworo aŋuna kus ka ŋuna tubokinet iyes. Nai ŋolo ekeyakuunit ayoŋ, iŋes erae ŋolo a kire; alimonokini ayoŋ akwap ŋuna eira ayoŋ aneni keŋ.”

Ŋirom. 16:25

Oinakisi akipuro neni ka Akuj! Epedori iŋes akiturubakin iyes inupito alopite a ŋolo a Ŋakiro a ŋuna Ajokak a ŋuna a Yesu Kristo, ŋuna etatami ayoŋ ka alopite a ŋolo ka akitoodikinet a ŋakiro a ŋuna koloŋ emunonitae.

Ŋigal. 1:12

Pa aryamuni ayoŋ ikes aneni a idiotuŋanan kori pa abu idiotuŋanan eketatamik ayoŋ ŋakiro ŋun. Arae Yesu Kristo elope iŋes abu totakanu neni kaŋ, eketeyenik ayoŋ ŋakiro ŋun.

Ŋiep. 3:3

Arae nakitoodikinet abunio Akuj ekesileerek ayoŋ ŋakiro keŋ ŋuna imunono, ŋuna ŋoon sek abu ayoŋ egir euruwuaka.

Tito 1:1

Ayoŋ Paulo eketiyan ŋolo ka Akuj ka ekiyakia ŋolo a Yesu Kristo egirit abaruwa na. Abu Akuj okoseu ayoŋ, ekeyakia daŋ akiŋarakin ka akitogogoŋ anupit a ŋituŋa keŋ a ŋulu seuna ka akirik ikes toyenut ejok ŋakiro ŋuna a kire ŋuna eyenuniata ikes akerit Akuj ejok;

Akis. 1:19

Aŋun, kigir tokona ŋuna daadaŋ iŋolik iyoŋ, ameun ŋuna itiyakin tokona ka ŋuna itiyakin tari rwanu.

Akis. 1:9

Ayoŋ Yoana lokaato kus ikimori kaapei ka iyes atitinyikinit ŋican ŋulu eryamunito ŋituŋa ŋulu erae ŋulu ka Apukan a Yesu. Abu oyakaun loculat ŋolo ka anam ŋolo enyaritae Patimos aŋuna a ŋakiro a ŋuna ka Akuj ka aŋuna ka akiteyenunet a ŋina a Yesu.

Akis. 17:1

Abu epei a ŋimalaikan a ŋulukanikaarei a ŋulu ayakatar ŋabakulei ŋakanikaarei, bu neni kaŋ tema, “Bua, eketoodikini ayoŋ iyoŋ epite ŋolo isicanere amalaat ŋina yenen, etaun ŋolo apolon ŋol, ŋolo edukitoe diyete ŋaŋololin ŋuna alalak.

Akis. 19:10

Abu oramakin kwap nakejen keŋ akilip, nai abu iŋes tema, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon, ŋulu erae ŋisuudae a Yesu. Kilip neni ka Akuj!” Anerae ŋuna iteyenunit Yesu ikes isirworete ŋikadwarak.

Akis. 19:9

Okolimok nai emalaika tema, “Kigir nu: erereŋ ŋulu enyaritae nasuban ŋuna ke ekiitanu a Imesek.” Tema nabo emalaika, “Erae ŋakiro ŋun ŋuna a kire ŋuna ka Akuj.”

Akis. 21:2

Abu oanyuwa Etaun ŋolo apolon ŋolo ka Akuj, Yerusalem ŋolokitete, ebunit alokidiama aneni ka Akuj, itemokino ikwa ateran ŋina esirit aŋuna ka akisiryam lokile keŋ.

Akis. 21:9

Abu nai emalaika epei a ŋulukanikaarei, ŋolo ayakar ŋabakulei ŋunakanikaarei ŋuna eleleba ŋakisicaneta ŋunakanikaarei ŋuna esidyok, bu neni kaŋ tema, “Bua, eketoodikini ateran, aberu a Imesek.”

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.

Akis. 22:16

“Ayoŋ Yesu eyakuunit emalaika kaŋ akiteyenun iyes ŋakiro nu anatukon a Ŋikristo. Arae ayoŋ ataagoroit ka alyasit--eletonit ŋolo anateker a Daudi; arae ayoŋ etop ŋolo ka ataparacu ŋolo enepi nooi.”

Akis. 22:6

Okolimok emalaika ayoŋ tema, “Iyookino ŋakiro ŋun erae ŋuna a kire, ŋuna epedoryo akikinyom. Abu Ekapolon Akuj, ŋina einanakini etau keŋ neni a ŋikadwarak, kiyakiu emalaika keŋ akitoodikin ŋiketiyak keŋ ŋakiro ŋuna itemokino kitiyakin anapaki a ŋina eapi.”

Akis. 22:8

Ayoŋ Yoana eira ka eŋolik ŋakiro ŋun daadaŋ. Ani kadau akiirar ka akiŋolikin, abu oramakin kwap nakejen ke emalaika a ŋolo eketoodikini ayoŋ ŋakiro ŋun ka adikino ayoŋ elipi neni keŋ.

Akis. 22:9

Nai tema iŋes neni kaŋ ebe, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon ŋikadwarak ta ŋulu daadaŋ ŋulu iwuapito ŋakiro ŋuna ke ekitaabo a lo. Kilip neni ka Akuj!”

Akis. 4:1

Ani kelunyar ŋun, abu oanyuwa ekek eŋaara anakuj! Abu nabo eira etoil ŋolo sek aris ayoŋ keira irworo neni kaŋ ikwa arupepe ebala, “Bua laalo eketoodik ŋuna itemokino totakanut ekaku a nu.”

Akis. 5:7

Abu Imesek tolot, tolemu ekitaabo anakan a ŋina aloteten a ŋolo eboi alokicoloŋ.