Agai 2:22 - Ebaibul

²² ido olema ŋikepukak a ŋapukasinei; eapi ayoŋ amunaar agogoŋu a ŋapukasinei a ŋakwapin, akimasar ŋagaari ka ŋikametok kec, imasarosi ŋaŋolei ka ŋikametok kec, eari ŋinituŋanan lokaato keŋ ka atum.”

Agai 2:22 Iomraidhean Croise

2 Ŋakiro a ŋirwa 15:6

Aarete ŋituŋa ka akwap ka apei ŋulu ka akwap a ŋinace, aarete ŋulu ke etaun ke epei ŋulu a ŋoloce, etiyasi ŋun, anerae Akuj abu yau neni kec ŋican ŋul ka ŋakiro ŋun ŋuna aronok daadaŋ.

2 Ŋakiro a ŋirwa 20:22

Ani isyakinete ikes aeo ka akipuro, abu Ekapolon kiwuak ŋituŋa tourumikis ŋasigarya a Ŋiamoni ka Ŋimoabi ta ŋuna aponito alomoru Seir akirem Yudaya, ido aponi toreunae ŋasigarya ŋun.

2 Ŋakiro a ŋirwa 20:23

Apotu ŋasigarya a Ŋiamoni ka ŋuna a Ŋimoabi kitijikis ŋasigarya ŋuna aponito alomoru Seir, tomunyasi daadaŋ; ani kedaut ikes amunyar ŋasigarya ŋun daadaŋ, apotu Ŋiamoni ka Ŋimoabi tolukinos make tomunyaros.

Ŋikiru. 46:9

Itasalununui iŋes ŋijiesyo anakwap; ebilibili ŋakausinei a ŋikaleŋeleŋe, kimasana ŋakwaaras, ido kicuny ŋaupala.

Ŋikiru. 76:6

Anakiŋenyakinet kon, okoe Akuj a Yakob, apotu ŋaŋolei kaapei ka ŋikametok kec topero alokwap etwakito.

Awos. 14:17

Etogogoŋi ayoŋ ŋakyes a Ŋijipitian, tolomasi nanam kiwuapakis Ŋisirael. Eketopoloorete ayoŋ Parao ka ŋasigarya keŋ daadaŋ; ŋikametok ŋagaari keŋ ka ŋikametok ŋaŋolei keŋ.

Awos. 14:28

Toboŋokis ŋakipi ayakau lopite ŋolopei sek ayakatar, toburusiyasi ŋagaari ka toara ŋikametok kec kaapei ka ŋasigarya a Parao daadaŋ ŋuna sek ewuapito Ŋisirael alokidiŋ Anam, mam ipei daŋ abu kidoŋ.

Awos. 15:19

Ani elomarete ŋaŋolei ka ŋagaari ta ŋikametok ŋaŋolei a Parao Nanam, kinyakak Ekapolon ŋakipi ka Anam lopite ŋolopei sek ayakatar, toburusiyasi ŋakipi Ŋijipitian. Nai apotu Ŋisirael todoka Anam ŋin eonit neni etorete ikes.

Awos. 15:4

Emasak iŋes ŋagaari ka ŋasigarya a Parao Nanam. Etamat Anam ŋina Areŋan ŋikapolok ŋulu ekinyomitae nooi ŋulu epukatotor Parao.

Isa. 19:2

Etidiŋakini ayoŋ Ŋijipitian make, ido ejikinosi ikes make, ejikinosi ikidunyet ka ikidunyet, ejikinosi ŋituŋa a etaun a epei ka ŋituŋa a ŋoloce, ejikinosi ŋituŋa a apukan ka apei ka ŋulu a ŋinace.

Isa. 60:12

Emunyaryo ŋituŋa a akwap, kori a apukan a ŋina nyikitiyanakini iyes; inyasunio nooi ŋakwapin ŋun.

Isa. 9:19

Aŋuna ka aŋoit a Ekapolon a ŋolo a ŋajoresyo, abu akim tonomiya akwap, kikwaanikin ŋituŋa ka ŋakito ŋuna inokere akim, mam ituŋanan abu toesik ŋinice.

Esek. 21:27

Ibore koŋin! Ibore koŋin! Eturuwori ayoŋ iŋes ibore koŋin! (Nyituruworyo iŋes ŋinapei ibore koŋin,) akitodol ŋina ebunio ŋini aseu ayoŋ akisican iŋes; neni a ŋin iŋes epotokini ayoŋ etaun ŋol.’ ”

Esek. 26:16

Apaki ŋin, eŋerete ŋirwosi daadaŋ ŋulu a ŋiculeta ka anam araakau ŋirwosi, elacarete ŋikaasoi kec ŋulu eraakatar ŋirwosi, elacarete ŋilowi kec ŋulu isibusitae. Emaranikinete ikes ebulit nooi ka iboikinosi kwap; emini amaran neni kec a ŋinapaki iŋolikinete ŋican ŋulu iryamut iyes.

Esek. 38:21

Anyarauni ayoŋ ŋituŋa alokamukumukui kaŋ a daadaŋ potu toara Gog a ekileŋ. Imani ŋinituŋanan akiar lokaato keŋ a ekileŋ.

Esek. 39:20

Inyamete iyes alomesa kaŋ akiriŋ a ŋaŋolei ka ŋina a ŋikametok kec, akiriŋ a ŋikajiok a ŋulu agogoŋok ka ŋina a ŋikabilae a daadaŋ a ŋasigarya.’ ”

Dan. 8:25

Alotooma epali keŋ, ituruwori iŋes amodiyo ibore ŋini erubakini elosi kiŋaren anapedor keŋ, itopoloor iŋes nooi anatameta keŋ. Emunyari iŋes ŋikalalak pa elimokinit atemar edyakarito ka itijikini iŋes tari erwosit ŋolo epol akilo ŋirwosi daadaŋ, inyasunio iŋes, nai meere ka apedor a ituŋanan.

Amos 2:15

ebwaŋasi ŋikajiok a ŋikaleŋeleŋe, nyepedorete tari ŋituŋa ŋulu apiranak aiun, nyepedorete tari ŋituŋa ŋulu emeto ŋaŋolei aiun.

Mika 5:10

Ebala Ekapolon ebe, “Ani edoli akoloŋit ŋin, alemari ayoŋ ŋaŋolei kus, amunaari ayoŋ ŋagaari kus.

Mika 5:15

Anaŋoit kaŋ a ŋina apolon nooi, esicani ayoŋ ŋakwapin daadaŋ ŋuna awout akiwuap ayoŋ.”

Mika 5:8

Alokidiŋ ŋakwapin eyakaun ŋipiya a Yakob, eyakaun ikes kidiŋ ŋituŋa ŋulu alalak, ededeŋiata ikwa eŋatuny alokidiŋ ŋityaŋ ŋulu ka amoni, ikwaanikin ka iŋatuny ŋini eyai kidiŋ esipan a ŋamesekin, ŋini ani eporokini amesek, iimakini kwap toryeta ka tonyilinyiliya, todaun ikaiunan amesek.

Mika 5:9

Ereunete Ŋisirael ŋimoe kec, emunyarete daadaŋ.

Mika 7:16

Iŋolikinete ŋakwapin ŋakiro ŋuna itiya iyoŋ, ido kiruma ŋileec, tari sek daŋ kerae ŋakwapin ŋun ŋuna egogoŋ, ebunete ikes ŋakituka kec ka erapete ŋaki kec.

Sepan. 3:8

Ebala Ekapolon ebe, “Aŋun kidarunae ayoŋ akoloŋit ŋina awuoya okolimonok ŋakiro kus ŋuna ayeni. Adau ayoŋ atubun acunakin ŋakwapin, acunakini ŋapukasinei, ido etaanyuwa ikes anyunyura kaŋ, aŋoit daadaŋ ŋina ka aryenyeo kaŋ. Amunyari ayoŋ ŋituŋa ka akwap a daadaŋ alotooma aŋoit ŋina ka alilit kaŋ.”

Sakar 10:11

Ani itorunete ikes nanam ŋina nyepatana akitor, ayoŋ Ekapolon etidipokini ekuwuam ananam, ido etooni neni ecukul anaŋolol a ŋina a Nile, itiditeunio ŋituŋa ka Asiriya ŋulu sek iturosi, edaun agogoŋu eyakar Ijipit ŋina sek egogoŋ.

Sakar 10:5

Eruwor ŋituŋa a Yuda ŋikelounak ikwaanikin ikes ka ŋasigarya ŋuna ipudakinete ŋimoe kec locoto ŋolo a ŋirotin ke etaun. ejiete ikes ka agogoŋu, anerae erukito ikes ke Ekapolon; ereunete ikes tari ŋimoe ŋulu isitiyaete ŋaŋolei.’

Sakar 12:9

Apaki ŋin, amunyari ayoŋ akwap daadaŋ ŋina ikatakini akisiiryakin Yerusalem.

Sakar 14:3

Ebuni nai Ekapolon alosit akitijiore ŋakwapin ŋun, lopite ŋolo sek abunio iŋes akitijio ŋimoe keŋ.

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Sakar 9:10

Ebala Ekapolon ebe, “Alemari ayoŋ ŋagaari ŋuna ke ejie alo Epuraim, alemari ayoŋ ŋaŋolei ŋuna ke ejie alo Yerusalem, amunaari ayoŋ ŋiboro ŋulu isitiyao alojiesyo. Eyauni erwosit kus ekisil nakwapin; ipukae iŋes ameun ananam tari nanam, ameun anaŋolol Eupurate tari nakisalet ka akwap.

Mat. 24:7

Ejikinosi ŋituŋa aŋakwapin, ejikin apukan ka apukan, eyakaun ŋironia ka emaranikini akwap anakiboisyo a ŋuna egelegelya.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Ŋikat. 7:22

Ani ekutakinete Gideon ka ŋirukitos keŋ ŋamomwar a ŋimesekin ŋun ŋamiae ŋauni kisicumak Ekapolon Ŋimidian make, kicumucumas daadaŋ a ŋileŋia. Toema ŋajorei a Ŋimidian todolo Bes-Sita ekerete lowae ŋolo a Sesira todolo tari lotaun Abel-Meola ŋolo eyai diyete Tabas.

1 Sam. 14:16

Kirereut ŋiketeok a ere a Saul alo Gibea anakibois a ŋina alo Benjamin, kiŋolikis epite ŋolo ealarotor Ŋipilistin ekerete kiŋaren ka toboŋete kaku.