Agai 2:15 - Ebaibul

¹⁵ “Nai tokona, ekelipit ayoŋ iyes totamatamata nu nooi alotai kus, ageun akoloŋit na tari ŋirwa ŋulu eponito, totamatamata epite ŋolo eyakaunotor ŋakiro nyedukokina amoru kidiama amoru ŋinace alo Kai ke Ekapolon.

Agai 2:15 Iomraidhean Croise

Esir 3:10

Ani edukokinete ŋikadukok akisyakinet a Akai ka Akuj, awuasi ŋisacaradotin enapito ŋilowi kec aŋuna ka akipuro Ekapolon ekusete ŋarupepe, toramete ŋilepi ŋipapae ka Asap ŋitworoi lopite ŋolo alimokinitor erwosit Daudi ŋolo a Isirael.

Esir 4:24

Apaki ŋin, aponi kimyekinae etic ŋolo ka akiduk a Akai ka Akuj, torubak jik etic ŋol egolokinitoe akitodol ekaru ŋolo a ŋiarei ipukat erwosit Darius ŋolo a Perisia.

Ŋikiru. 107:43

Emaikina ituŋanan daadaŋ ŋini eos topupok ŋakiro ŋun, totamatama ŋuna ka amina; ke Ekapolon a ŋina nyiryaŋiryaŋa.

Isa. 5:12

Iyes ŋulu ani itiyaete ŋasuban toyakas ŋiboro lu: ŋagitae, ŋaduŋgui, ŋiburin, ŋapilui ta epiini. Nai nyimisito akiwuap ŋuna etiya Ekapolon, kori nyimisito akiŋolikin ŋiticisyo keŋ.

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

Agai 1:5

Aŋun nai tokona, ŋuna alimu Ekapolon ŋolo Etiron ikes nu ebe, “Totamatamata mono iyes ejok nooi epite ŋolo iyakatar iyes.

Agai 1:7

Ŋuna alimu Ekapolon ŋolo Etiron ikes nu ebe, “Totamatamata mono iyes ejok nooi epite ŋolo iyakatar iyes.

Agai 2:16

Apaki ŋin, ani kelot ituŋanan idio natukot a ŋikinyom etami akilelebikin loguniyae ŋatomoniarei, ilelebikini iŋes lotomon bon. Kelot ituŋanan ice neni ecuyere epiini etami akilelebikin namoti ŋatomonikan anataker a epiini, ilelebikini iŋes ŋatomoniarei bon.

Agai 2:18

Nai ageun akoloŋit na, ŋina eraakar ŋirwa ke elap ŋatomoniarei ka ŋiomwon, elap ŋolo a ŋikanikaomwon, totamatamata nooi ŋuna ka akoloŋit a ŋina egeunere akiduk Akai ke Ekapolon.

Sakar 8:10

Ani eriŋa apaki ŋin nyedolo, mam ituŋanan apedorit aryamun ŋisiliŋa ŋulu kipaŋgaet ŋituŋa, kori ŋibaren, ido mam ituŋanan ayakar akinapakina, anerae abu ayoŋ eturuwo ŋituŋa ŋulu imanan make.

Sakar 8:11

Nai tokona nyetiyae ŋuna aronok neni a ŋipiya a ŋituŋa a Yerusalem lopite ŋolo abunio etiyaa neni atapapaa kec.

Ŋirom. 6:21

Nyo nai ipotu iyes toryamut apaki ŋina itiyaata iyes ŋakiro ŋun ŋuna tokona ikirumitotor iyes ŋileec? Atwanare iŋes abu bu anakiro a ŋun!

1 Ŋikor. 11:31

Kerae esyemem iwon mono make, pa kikitubok Akuj iwon.