Agai 1:9 - Ebaibul

⁹ Ayoŋ Ekapolon ŋolo Etiron abala nen, ipotu iyes kiwara aryamun akimuj ŋina alalan, nai kiŋolikisi, abu toruwor ŋina edit, ani iyaunete iyes akimuj ŋin lore, abu ayoŋ okuta akimuj ŋin nariet. Kaanukiro? Erae aŋuna eriŋaakar Akai kaŋ eritakina, ido itiŋiyara iyes daadaŋ aŋuna a ŋakais kus a ŋikulepek.

Agai 1:9 Iomraidhean Croise

2 Sam. 21:1

Alokaru a ŋulu araakar Daudi ekepukan, abu eron toropik eyai nakwap keŋ ŋikaru ŋiuni; aŋun, abu Daudi kiŋit Ekapolon ŋakiro a ŋironia a ŋul. Toboŋok Ekapolon iŋes tema, “Erae aŋuna iilitor Saul ka ekal keŋ aŋuna aponiata toara Ŋigibeoni.”

2 Sam. 22:16

Ekaku a ŋun, apotu ŋakadipaalae ŋuna ka anam totakanut, tolemarae ibore ŋini arapit akisyakinet ka akwap. Arae apaki ŋin ŋina ikilyakinia iyoŋ ŋimoe kon, okoe Ekapolon, arae apaki ŋin ŋina eŋenyakinia Akuj ŋimoe keŋ eŋoit.

2 Ŋirw. 19:7

Kiira, abuni ayoŋ elope akisiirar erwosit ka Asiriya ŋakiro ŋuna itorotokinete iŋes toboŋo nakwap keŋ, ido ani edoli iŋes inaa, etaari ayoŋ ŋituŋa iŋes.’ ”

Yob 10:2

Alimokini ayoŋ Akuj atemar, nyikitubok ayoŋ; kimyekinae ayoŋ oyenu ŋuna ikitiŋitor iyoŋ ayoŋ ikiremokino.

Ŋakit. 11:24

Einanakinete ŋituŋa ŋice ŋiboro kec neni a ŋuluce pa etacitae, ido iatakin nabo ŋice neni kec tobara nooi; ewounitotor ŋice ŋiboro kec ainakin ŋuluce, ido eruwonor ŋituŋa ŋul ŋikulyakanotin.

Ŋakit. 27:20

Nyimwokeneneete akibois a ŋikatwak ka atwanare. Ikoni nenipei nen ekibure ŋolo eyakar ituŋanan.

Ekal. 1:8

Erae ibore daadaŋ ŋini etuupan; ŋini emam ituŋanan erubakini irworo aŋuna a ibore a ŋin. Nyetemanari akoŋu etemokin akitere; kori nyilelebunun ŋakiro ŋuna epupi akit nakit.

Isa. 40:7

Einiyarete ŋinya, ido toraraun ŋatur, itiyakin ŋun apaki ŋina iyakuunia Ekapolon ekuwuam tokutak ikes; kire jik, edaunun ŋituŋa ikwa ŋinya.

Isa. 5:10

Alomanikor a ŋikito a epiini a ŋolo erae ŋiekae ŋitomon, ekoniuni epiini ŋolo ecuunio ŋilitae ŋulu eapiyarito ŋatomoniarei ka ŋiarei. Eekinio ŋikinyom ŋulu eapiyarito ŋakiloi ŋamiae ŋaarei ka ŋatomoniarei, nai elemunio ŋulu eapiyarito ŋakiloi ŋatomon bon.”

Yer. 12:13

Apotu ikes toekis ŋikinyom ŋulu ikote erau, nai alemut ŋikukwa, apotu ikes kitiyata etic ka agogoŋ, nai mam ibore aryamut. Aŋuna ka aŋoit a ŋina a Ekapolon, mam ibore elemunete ikes alomanikorin kec.”

Esek. 21:31

Abukuni ayoŋ neni kus anyunyura ka akakutakini ayoŋ iyes anyunyura ŋina amwanan pe. Ekepotokini ayoŋ iyes nakan a ŋiryenyaanotin a ŋulu eyenete nooi epite ŋolomunaaret.

Ŋilep. 19:25

Nai ani epete ŋikaru ŋikan, emaikina iyes tonyama ŋaraito ŋun. Alopite a ŋol, iyatakinio nyikinyom ŋulu ilemete iyes. Arae ayoŋ Ekapolon Akuj kus.

Agai 1:4

“Erae mono na apaki kus ŋina iboiyoto iyes anakais a ŋuna edukuk ejok tari kidiama, kiboiye Akai na eritakina a?”

Agai 1:6

Idaut iyes akitare akimuj ŋina alalan, nai ilemut adio cici; imujete iyes, nai nyeryamuna iyes akimuj ŋina ikitemokino; imasete iyes, nai nyeryamuna iyes ŋimaten ŋulu ikitemokino, inapete iyes ŋilowi, nai mam ipei daŋ ŋini nyenyamit akaterot ka iyes ŋulu iryamununeete eropit, iryamununeete eropit kus, nai iroporito ŋisiliŋa alocweei kus.”

Mal. 2:2

Ani pa kiwuapa iyes iŋes ka ani pa kikitopoloosi iyes ayoŋ alotai kus, eyakuuni ayoŋ ŋicen neni kus, ido alemari ayoŋ ŋarereŋisyo ŋuna iryamunete iyes, toryamut ŋicen nabo daŋ adau ayoŋ alemar ŋarereŋisyo ŋun, anerae nyikitopoloorito iyes ayoŋ alotai kus.

Ŋikis. 28:38

“Iekinete iyes ŋikinyom ŋulu alalak lomanikorin kus, nai ilemunete ŋidikudyo, anerae irikari emaase ikes.

Akis. 2:4

Nai eketoroniyarit ayoŋ iyoŋ a ŋakiro a nu: iesik iyoŋ akonimina ŋina paaran sek ikiminar iyoŋ ayoŋ.

Akis. 3:19

Eyayakini ka esicani ŋulu amina ayoŋ; aŋun, tomwakutu tokiwa!