Agai 1:6 - Ebaibul

⁶ Idaut iyes akitare akimuj ŋina alalan, nai ilemut adio cici; imujete iyes, nai nyeryamuna iyes akimuj ŋina ikitemokino; imasete iyes, nai nyeryamuna iyes ŋimaten ŋulu ikitemokino, inapete iyes ŋilowi, nai mam ipei daŋ ŋini nyenyamit akaterot ka iyes ŋulu iryamununeete eropit, iryamununeete eropit kus, nai iroporito ŋisiliŋa alocweei kus.”

Agai 1:6 Iomraidhean Croise

2 Sam. 21:1

Alokaru a ŋulu araakar Daudi ekepukan, abu eron toropik eyai nakwap keŋ ŋikaru ŋiuni; aŋun, abu Daudi kiŋit Ekapolon ŋakiro a ŋironia a ŋul. Toboŋok Ekapolon iŋes tema, “Erae aŋuna iilitor Saul ka ekal keŋ aŋuna aponiata toara Ŋigibeoni.”

1 Ŋirw. 17:12

Nai toboŋok aberu ŋin tema, “Ikwapei eyarya Ekapolon Akuj kon, mam ayoŋ amugati epot, ŋakirya ŋadi bon eya ayoŋ locwee ka akimyet adio cici eyai namot. Ekeyeni tokona ayoŋ ŋakito ŋadi a ne, ikotere oboŋo lore epou ŋun aŋuna kaŋ ka aŋuna lokoku kaŋ, emuja ani ekaku eriyaros.”

Neem. 5:2

Aya ŋulu abasi, “Ikilalak isua ka ŋidwe kosi, ŋulusapa ka ŋulupesur, emaikina isua oryamutu ŋikinyom, ikotere isua ikimuji oyara.”

Yob 20:22

Eryamunete ikes ŋican ŋulu itemokino ikes toryamut, ebuni neni kec aryenyeo daadaŋ ŋina a ŋican.

Yob 20:28

Itoŋopiyario ŋiboro ŋulu eya nakais kec, eŋopiyarete ŋul akoloŋit ŋina ebunio Akuj ananyunyura keŋ akitub ŋakiro.

Ŋikiru. 107:34

Abu kituruwo ŋalup ŋuna ajokak acumbi koŋin, anerae apotu ŋituŋa ŋulu eboiyete a nen toruwor ŋulu aronok.

Ŋakit. 11:24

Einanakinete ŋituŋa ŋice ŋiboro kec neni a ŋuluce pa etacitae, ido iatakin nabo ŋice neni kec tobara nooi; ewounitotor ŋice ŋiboro kec ainakin ŋuluce, ido eruwonor ŋituŋa ŋul ŋikulyakanotin.

Isa. 5:10

Alomanikor a ŋikito a epiini a ŋolo erae ŋiekae ŋitomon, ekoniuni epiini ŋolo ecuunio ŋilitae ŋulu eapiyarito ŋatomoniarei ka ŋiarei. Eekinio ŋikinyom ŋulu eapiyarito ŋakiloi ŋamiae ŋaarei ka ŋatomoniarei, nai elemunio ŋulu eapiyarito ŋakiloi ŋatomon bon.”

Yer. 12:13

Apotu ikes toekis ŋikinyom ŋulu ikote erau, nai alemut ŋikukwa, apotu ikes kitiyata etic ka agogoŋ, nai mam ibore aryamut. Aŋuna ka aŋoit a ŋina a Ekapolon, mam ibore elemunete ikes alomanikorin kec.”

Yer. 14:4

Alalata ŋakabaae anakwap, anerae mam akiru ayakaun nakwap, akadaki ŋiketak, aruwor ŋulu imukito ŋakyes kec.

Yer. 44:18

Nai ameun anapaki a ŋina ajoŋoere isua ainanakin ŋainakineta neni a arwosit a ŋina anakuj ka ainanakin iŋes ŋainakineta ŋuna a ŋimaten, ecanakinoi isua ŋiboro daadaŋ ka ikiari a ekileŋ ka eron.”

Osea 4:10

Imujete iyes, nai nyimwokete, itiyaete iyes ŋuna ka amalao, nai nyipitunete, anerae imyekis iyes Ekapolon aŋuna ka akiwuap ŋakujo ŋace ka aŋuna ka amalao.

Osea 8:7

Eeyanakinete ŋituŋa a Isirael ekuwuam ŋolo ekusi iwadio lomanikorin kec, aŋun, elemunete ekuwuam ŋolo ekusi nooi kipiripiri, nyesuronorete ŋikinyom alomanikorin kec, emam akimuj eryamunio alomanikorin kec, ani kerae toraunito, keponito ŋituŋa ŋuluce alemar.

Ŋilep. 26:20

Eruwor ŋiticisyo kus ŋicaryo, anerae nyerayete ŋikinyom kus, nyerayete tari ŋikito ŋulu ka ariet.

Ŋilep. 26:26

Ani etasaluni ayoŋ akimuj aneni sek ilemyata iyes, ipoete ŋaberu ŋatomon akimuj alokeno ke epei, ido ikikorakinete ikes iyes akimuj ipimanaritae. Imujete iyes akimuj ŋin, nai erubakini akoro ikinyamit.

Agai 1:10

Aŋakiro aŋun, awounia kidiama ŋakipi keŋ, awout ŋalup akitara ŋinyomen.

Agai 1:5

Aŋun nai tokona, ŋuna alimu Ekapolon ŋolo Etiron ikes nu ebe, “Totamatamata mono iyes ejok nooi epite ŋolo iyakatar iyes.

Agai 1:7

Ŋuna alimu Ekapolon ŋolo Etiron ikes nu ebe, “Totamatamata mono iyes ejok nooi epite ŋolo iyakatar iyes.

Agai 1:9

Ayoŋ Ekapolon ŋolo Etiron abala nen, ipotu iyes kiwara aryamun akimuj ŋina alalan, nai kiŋolikisi, abu toruwor ŋina edit, ani iyaunete iyes akimuj ŋin lore, abu ayoŋ okuta akimuj ŋin nariet. Kaanukiro? Erae aŋuna eriŋaakar Akai kaŋ eritakina, ido itiŋiyara iyes daadaŋ aŋuna a ŋakais kus a ŋikulepek.

Agai 2:16

Apaki ŋin, ani kelot ituŋanan idio natukot a ŋikinyom etami akilelebikin loguniyae ŋatomoniarei, ilelebikini iŋes lotomon bon. Kelot ituŋanan ice neni ecuyere epiini etami akilelebikin namoti ŋatomonikan anataker a epiini, ilelebikini iŋes ŋatomoniarei bon.

Agai 2:17

Abu ayoŋ ekesican iyes, eyakuu ekuwuam ŋolo akusi nooi ka ekurut ŋolo abu kitubuta ŋimomwa kus, abu daŋ eyakuu ŋakako, nai nyekiwa iyes.

Sakar 5:4

Alimu Ekapolon ŋolo Etiron ŋakiro nu ebe, ‘Eyakiyari ayoŋ ŋicen ŋul, ido epete ŋicen ŋul kai a ŋolokokolan ka kai a ŋini ikoŋi alyokonu alokiro kaŋ. Erubakinete ŋicen ŋul anakais a ŋul, ido emunaarete ŋakito kaapei ka ŋamoru a ŋakais kec.’ ”

Sakar 8:10

Ani eriŋa apaki ŋin nyedolo, mam ituŋanan apedorit aryamun ŋisiliŋa ŋulu kipaŋgaet ŋituŋa, kori ŋibaren, ido mam ituŋanan ayakar akinapakina, anerae abu ayoŋ eturuwo ŋituŋa ŋulu imanan make.

Mal. 2:2

Ani pa kiwuapa iyes iŋes ka ani pa kikitopoloosi iyes ayoŋ alotai kus, eyakuuni ayoŋ ŋicen neni kus, ido alemari ayoŋ ŋarereŋisyo ŋuna iryamunete iyes, toryamut ŋicen nabo daŋ adau ayoŋ alemar ŋarereŋisyo ŋun, anerae nyikitopoloorito iyes ayoŋ alotai kus.

Ŋikis. 28:17

“Ilami Ekapolon ŋibukito kus ka ŋiboro ŋulu emunaere ŋakirya.