Agai 1:4 - Ebaibul

⁴ “Erae mono na apaki kus ŋina iboiyoto iyes anakais a ŋuna edukuk ejok tari kidiama, kiboiye Akai na eritakina a?”

Agai 1:4 Iomraidhean Croise

2 Sam. 7:2

tema erwosit neni a Nasan a ekadwaran, “Kiŋolik, eboi tokona ayoŋ alokai a ŋina edukitoe a ŋakito a cedar, nai eyai Asaduku ŋina ka Acamunet loeema.”

2 Ŋirw. 5:26

Nai kiŋit Elisa iŋes tema, “Ikwa pa ikirukit ayoŋ ka iyoŋ alotau apaki ŋina adokunia ituŋanan anagaari a ŋaŋolei akisiryam iyoŋ a? Erae mono na apaki ŋina emaikina kijaununeere ŋisiliŋa, ŋilowi, ŋimanikorin ŋulu a ŋikito ka akimyet, epiini, ŋamesekin, ŋimoŋin, ŋipi ka ŋapi a?

Ŋikiru. 102:14

anerae eminasi ŋiketiyak kon Sion; nyelakara ikes aŋuna ka akinyasuno keŋ.

Ŋikiru. 74:7

Ecunyakis ikes Akai kon; amunaasi ikes akibois ŋina sek ikilipere iyoŋ.

Ekal. 3:3

eyai apaki ŋinaaret ka eyai apaki ŋina kitaŋaleet; eyai apaki ŋina etiyaarere ibore min kwap ka eyai apaki ŋina edukokinere;

Yer. 22:14

Ekaŋ iyoŋ ituŋanan ŋini ibala, ‘Adukokini ayoŋ aŋuna kaŋ akai ŋina aloloman, ŋina eya ŋagulei ŋuna apolok kidiama,’ iwuanakini iyoŋ ŋidirisae kai ŋin, topetanak ŋakito ŋuna a Cedar nen ka kiwosak eraŋgi ŋolo areŋan nen.

Yer. 26:18

“Abu koloŋ Mika ŋolo abunit alo Moreses, ŋolo adwarenene alorwa a ŋulu epukator erwosit Esekia ŋolo a Yudaya, tolimok ŋituŋa a Yudaya daadaŋ tema, ‘Ŋakiro ŋuna irworo Ekapolon ŋolo a ŋajoresyo ikes nu: Eruwor Sion neni itao ikwa emanikor, eruwor Yerusalem neni etukotor ŋamoru ŋuna eritakina kwap ka eruwor emukura ŋolo ka Akai ka Akuj amoni.’

Yer. 26:6

esikwaanikini nai ayoŋ Akai na ka Silo ka eturuwori ayoŋ etaun lo ŋolo icenen aŋuna a ŋituŋa a ŋakwapin a daadaŋ anakwap.’ ”

Yer. 33:10

“Alimu Ekapolon atemar, anakibois a na a ŋina irworotor iyes ibasi, ‘Erae ereŋorot neni emam ŋituŋa ka ŋityaŋ’ alotaunio a Yudaya ka lorotin a Yerusalem a ŋulu tokona esilok, a ŋulu emam ŋituŋa, kori ŋityaŋ eya, iiraryo nabo,

Yer. 33:12

“Alimu Ekapolon ŋolo a ŋajoresyo atemar, eyakaun nakibois na ŋina tokona erae ereŋorot, ŋina emam ŋituŋa ka ŋityaŋ eyakasi ka lotaunio keŋ daadaŋ neni iyokiyoto ŋikeyokok ŋamesekin kec.

Yer. 52:13

Kicunyak Nebusaradan Akai ka Akuj ka akai a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Aum. 2:7

Aŋer Ekapolon Namuroet keŋ, emyek akibois keŋ ŋina asegan. Acamaki ŋimoe ebwaŋabwaŋaarete ŋarwatatain a ŋakais a ŋuna iboiyoto ŋirwosi, ecelasi ŋimoe alo Kai ke Ekapolon itoodiunito atemar adaut ikes akiloun, ecelasi lopite ŋolo sek ecelatar ŋituŋa apaki ŋina a ŋasuban.

Aum. 4:1

Ekwaanikin tokona ŋituŋa kosi ka egolid ŋolo aaŋoryan. Ekwaanikin ŋituŋa kosi ielara ka ŋamoru ŋuna ka Akai ka Akuj ŋuna tokona ielakina lorotin ŋulu ke etaun.

Esek. 24:21

“Tolimok Ŋisirael atemar ebala Ekapolon Akuj ebe, ‘Eapi ayoŋ amunaar akibois kaŋ ŋina asegan, ŋina erae iŋes iryamunitotor iyes agogoŋu ŋina iturotor, akibois ŋina ikibobokinit iyes akitere ka ŋina iburit ŋitai kus. Earyo a ekileŋ ŋidwe kus ŋulusapa ka ŋulupesur ŋulu ipotu iyes kimyekis alo Yerusalem.

Ŋilep. 19:25

Nai ani epete ŋikaru ŋikan, emaikina iyes tonyama ŋaraito ŋun. Alopite a ŋol, iyatakinio nyikinyom ŋulu ilemete iyes. Arae ayoŋ Ekapolon Akuj kus.

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Agai 1:3

Abu nai akirot ke Ekapolon bu neni kec aneni a ekadwaran Agai ebala,

Agai 1:5

Aŋun nai tokona, ŋuna alimu Ekapolon ŋolo Etiron ikes nu ebe, “Totamatamata mono iyes ejok nooi epite ŋolo iyakatar iyes.

Agai 1:9

Ayoŋ Ekapolon ŋolo Etiron abala nen, ipotu iyes kiwara aryamun akimuj ŋina alalan, nai kiŋolikisi, abu toruwor ŋina edit, ani iyaunete iyes akimuj ŋin lore, abu ayoŋ okuta akimuj ŋin nariet. Kaanukiro? Erae aŋuna eriŋaakar Akai kaŋ eritakina, ido itiŋiyara iyes daadaŋ aŋuna a ŋakais kus a ŋikulepek.

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Ŋipil. 2:21

Anerae emitakinit ŋinituŋanan ŋakiro keŋ a ilope, nyemitakinit ŋuna a Yesu Kristo.