Agai 1:2 - Ebaibul

² Ŋakiro nu ikes abu Ekapolon ŋolo Etiron tolimok Agai tema, “Ebasi ŋituŋa lu eriŋa nyedolo apaki ŋina edukokinere Akai ke Ekapolon nabo.”

Agai 1:2 Iomraidhean Croise

2 Ŋirw. 12:7

Tosodi iŋes anyaraun Yeoida kaapei ka ŋisacaradotin ŋuluce kiŋit tema, “Kaanukiro nyesubanakinere iyes neni emunaara alo Kai ka Akuj? Tojoŋoto tokona nai akiŋad ŋisiliŋa ŋulu ikiinakinete ŋikeŋadak, itemokino kipotosi tosubanakinere Akai ka Akuj.”

Esir 4:23

Tosodi ani eswomakinio abaruwa a erwosit Aritaseses neni a Reum ka neni a Simisai a ekegirigiran ka neni a ŋirukitos kec a ŋuluce, toloto ikes atipei neni Ŋiburaniyae Yerusalem, kitiŋakis Ŋiburaniyae ka agogoŋu akimyekin etic kec ŋolo ka akiduk nabo etaun.

Neem. 4:10

Nai apotu ŋituŋa a Yudaya temasi, “Adaun agogoŋu aneni a ŋiketiyak, ido elalak ŋatunyeny ka nyikipedorit iwon arubakin ikiduki arwatata.”

Ŋakit. 22:13

Ebala ituŋanan ŋini ekalanyana ebe, “Eyai eŋatuny kiŋa!” kori ebala, “Akaarete ayoŋ ŋituŋa kaloma kiŋa!”

Ŋakit. 29:25

Erae akuryanu emoit a ituŋanan, nai ituŋanan ŋini ikinyomit neni a Ekapolon, iuryaryo erae ŋini eiuna.

Ekal. 11:4

Ituŋanan daadaŋ ŋini idarit ekuwuam tojoŋo akikut, ido kita, mam akimuj itauni; ituŋanan daadaŋ ŋini iteonori ŋidouwon, mam akimuj elemuni alomanikor keŋ.

Ekal. 3:3

eyai apaki ŋinaaret ka eyai apaki ŋina kitaŋaleet; eyai apaki ŋina etiyaarere ibore min kwap ka eyai apaki ŋina edukokinere;

Ekal. 9:10

Etic daadaŋ ŋolo itiyaete iyes kitiyata anagogoŋu kus a daadaŋ, anerae emam etic, kori atamatam, kori ayenut, kori aosou anakibois a ŋikatwak a ŋina ilosete iyes alomar.

Agai 1:1

Ani edolete ŋikaru ŋulu araakar Darius erwosit a Perisia ŋiarei, ŋirwa ke elap epei elap ŋolo a ŋikanikapei, bu akirot ka Akuj aneni a ekadwaran a Agai neni a ekepukan a Yudaya a ŋolo anyaritae Serubabel lokoku Sealtiel ta neni a esacaradoti a ŋolo Apolon nooi a ŋolo anyaritae Yosua a lokoku a Yeosadak.

Agai 1:3

Abu nai akirot ke Ekapolon bu neni kec aneni a ekadwaran Agai ebala,

Ekim. 13:31

Temasi nai ŋikilyok ŋulu alosito ka iŋes akireb akwap ŋin, “Nyikipedori iwon akitijikin ŋituŋa ŋul, anerae egogoŋ ikes akilo iwon.”