Agai 1:11 - Ebaibul

¹¹ Adau ayoŋ anyarare aonite min lomanikorin ka lokamukumukui, ido tonom ŋikinyom, ŋikito a epiini, ŋikito ŋulu a Olipa ka ibore daadaŋ ŋini eraununui analup, tonom ŋituŋa ka ŋityaŋ ta ibore daadaŋ ŋini itiyaete ikes.”

Agai 1:11 Iomraidhean Croise

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

2 Ŋirw. 8:1

Alimokinit sek Elisa aberu ŋina abu iŋes kiteyaru lokoku keŋ tema, “Tonyoutu ka ekal kon, tolomiyasi neni daadaŋ icamito; enyaraunit Ekapolon eron abunore nakwap na, eron ŋolo eropari ŋikaru ŋikanikaarei.”

Yob 34:29

Ani kerubaki Akuj ililiŋi, ŋae epedori akitoroniyar Akuj? Ani kiwua iŋes ereet keŋ, ŋae epedori akiŋolikin iŋes?

Yer. 14:2

Iyaloloŋete ŋituŋa a Yudaya, enyasun ŋitaunio kec, eperete ŋituŋa a Yudaya alokwap iyaloloŋete ka arem akigworo a ŋituŋa a Yerusalem kidiama.

Aum. 1:21

“Adaut ŋituŋa akiirar aumen kosi, nai mam ŋini ebuni akisirworiun isua. Adaut ŋimoe kosi daadaŋ akiirar ŋican kosi; elelyanete ikes aŋuna idau iyoŋ akitiya. Kitodolu kareca akoloŋit ŋina sek ilimunit iyoŋ, ikotere ŋimoe kosi ekwaanikinos ka isua.

Amos 5:8

Ekapolon Akuj iŋes asubuni ŋikacer ŋuluuni ka ŋulu enyaritae ŋiremotom, iŋes ilocokini akuwar toruwor apaaran ka akuwar toruwor apaaran, iŋes iteleleiyari ŋakipi ananam neni eonit,

Amos 7:4

Abu nabo Ekapolon ekesileerek ayoŋ ŋakiro nu: Abu ayoŋ eŋolik Ekapolon itemonokini akim akisicania Ŋisirael. Abu akim ŋin tonom anam ŋina alotooma akwap ka abu tonom akwap daadaŋ.

Amos 9:6

Eduki iŋes ere keŋ nakuj, kiwuak kidiama toruwor ariwo alokidiama akwap; iŋes einakini ŋakipi a anam toleleiyasi nakwap neni eonit. Erae ekiro keŋ Ekapolon.

Agai 2:17

Abu ayoŋ ekesican iyes, eyakuu ekuwuam ŋolo akusi nooi ka ekurut ŋolo abu kitubuta ŋimomwa kus, abu daŋ eyakuu ŋakako, nai nyekiwa iyes.

Agai 2:19

Tari kemam tokona ŋikinyom anatukito kus, tari pa keraito ŋikito lu: Ŋulu ke epiini, ŋiboboryo, ŋikito ŋulu ikwaan ka ekacikicikit ŋulu enyaritae Pomegrate ka ŋulu enyaritae Olipa, Ameun akoloŋit na tari momit, eketerereŋi ayoŋ iyes.”

Mal. 3:11

Euryari ayoŋ ŋiboorei ŋulu enyamete ŋikinyom nyenyam ŋikinyom kus, ido ŋimanikorin kus ŋulu ke epiini ebwaŋete epiini nooi.

Mal. 3:9

Iruworosi iyes ŋulu aŋicen, iyes daadaŋ anakwap kus, anerae ikikokoyete iyes ayoŋ.

Ŋikis. 28:22

Ikisicani Ekapolon iyes a edeke a ŋolo ikididiiyari, a edeke a ŋolo itomwani akuwan, a edeke a ŋolo itubui akuwan; ikisicani Ekapolon iyes a amwanis ka aonite, a eremonu ka ebuta a ŋimanikorin kus. Erubakinete ŋakisicaneta ŋun aneni kus tari ŋina imunyarotor iyes daadaŋ.