Abak. 3:6 - Ebaibul

⁶ Ani ewoi iŋes tomaranik akwap; ani eŋoleŋolekini iŋes tomaranikis ŋituŋa. Ielielaari iŋes ŋimoru ŋulurubae; esiporete ŋikamukumukui ŋuluŋorok, ŋulu koloŋ etorenene iŋes.

Abak. 3:6 Iomraidhean Croise

Akisy. 49:26

Epolok nooi ŋarereŋisyo ŋuna ikigatakinit iyoŋ papa kon, iloito tari ŋarereŋisyo ŋuna a ŋimoru a ŋulu a ŋikaru ka ŋikaru, iloito tari alalau a ŋiboro a ŋimukura a ŋulu a ŋikaru ka ŋikaru; elipi toryamu Yosepu ŋarereŋisyo ŋun, aŋuna eraakar iŋes aponi tosetarae apolokin ŋikaitotoi keŋ.

Yob 21:18

Ŋarwa ŋayai eryamunitotor ikes ŋican lopite ielielya ekuwuam ŋanya? Kori lopite ŋolo ekutarya ekuwuam ŋolo ekusi nooi ŋamilo?

Yob 9:5

Eukonori Akuj ŋimoru emam ituŋanan elimokinitae atemar eukoryo, apaki ŋina eukorya ikes aŋuna ka anyunyura keŋ;

Ŋikiru. 103:17

Nai ani eruwor ŋulu itopoloorito Ekapolon, erubakini aneni kec amina ŋina ke Ekapolon ŋina nyiryaŋiryaŋa ŋikaru ka ŋikaru. Erubakini akiyookino ŋina ke Ekapolon aneni a ŋipapae kec ŋanyameta daadaŋ,

Ŋikiru. 104:32

Ani iŋolikini Ekapolon akwap, emaranikini akwap, ani etapi Ekapolon ŋimoru epuruunete.

Ŋikiru. 35:5

Kimyek ikes kielarae lopite ŋolo ielarya ekuwuam ŋamilo, kimyek emalaika kirit ikes tomunya.

Ŋikiru. 68:16

Kaanukiro irakaanikinitotor iyes ŋituŋa ŋulu ilipete alomoru Basan ŋituŋa ŋulu ilipete alomoru a ŋolo aseu Akuj akiboiyo ŋikaru ka ŋikaru?

Ŋikiru. 90:2

Eriŋa ŋimoru nyitiyauna, kori eriŋa ŋalup ka akwap nyetakanuna ikwapei eyakatar, irae iyoŋ Akuj ŋina a jik.

Ŋikiru. 97:5

Etalarete ŋimoru alokiŋaren Ekapolon, etalarete ikes ikwa amanok alokiŋaren Ekapolon ŋolo ka akwap a daadaŋ.

Awos. 15:14

Iirarete ŋituŋa a ŋakwapin ŋakiro nu tomaranikis make; ikamuni ekabule Ŋipilistin.

Awos. 15:15

Ebuli nooi ŋirwosi ŋulu ke Edom, ikamuni ekabule ŋikarikok ŋulu a Moab; eemete Ŋikanaani daadaŋ nariet.

Awos. 15:17

Iyai iyoŋ ŋituŋa kon kisiboik ikes lomukura kon a elope, nakibois ŋina ibu iyoŋ Ekapolon kituruwo ŋina kon, nakibois ŋina asegan ŋina ibu iyoŋ Ekapolon kitemok a ŋakan kon.

Awos. 19:18

Apaki ŋin, aburusiyarit apuru emoru Sinai, anerae abu Ekapolon min nen kidiama keŋ eyai nakim. Topuruu apuru a nen torem kidiama ikwa ŋina ke ekitet a ŋolo icunyere ŋasuwa. Apaki ŋinapei, amarani emoru nooi neni aronon.

Awos. 21:31

Emaikina kiwuapae ekisil lopei lo erae kicum emoŋ ikoku ŋinisapat, kori ŋinipese.

Isa. 51:6

Kireosi kidiama, toripiyasi kwap ŋalup; anerae eŋopiyarete ŋisubuna ŋulu alokidiama lopite ŋolo eŋopiyarya apuru, enyamun akwap lopite ŋolo enyamunor elou ka etwakete ŋulu iboiyete anakwap lopite ŋolo etwakyata ŋikamicirwa. Nai erubakini aiuno ŋina ebunit aneni kaŋ ŋikaru ka ŋikaru ka nyedaun alakuno ŋina ebunit aneni kaŋ jik.

Isa. 51:8

anerae irikari ekurut ikes lopite ŋolo irikarya abebe elou, irikari ekurut ikes lopite ŋolo irikarya ŋajul a amesek; nai erubakini alakuno ŋina ebunit aneni kaŋ ŋikaru ka ŋikaru ka eropari aiuno ŋina ebunit aneni kaŋ ananyameta a daadaŋ.

Mika 5:8

Alokidiŋ ŋakwapin eyakaun ŋipiya a Yakob, eyakaun ikes kidiŋ ŋituŋa ŋulu alalak, ededeŋiata ikwa eŋatuny alokidiŋ ŋityaŋ ŋulu ka amoni, ikwaanikin ka iŋatuny ŋini eyai kidiŋ esipan a ŋamesekin, ŋini ani eporokini amesek, iimakini kwap toryeta ka tonyilinyiliya, todaun ikaiunan amesek.

Naum 1:5

Emaranikinete ŋimoru alokiŋaren Ekapolon ka ecelarete ŋikamukumukui; emaranikini akwap alokiŋaren keŋ kaapei ka ŋinibore daadaŋ eyai nen.

Abak. 1:12

Ekapolon, ŋina pei anakisyakinet irae iyoŋ Akuj, irae iyoŋ Akuj kaŋ ŋina asegan ka ŋina a ŋikaru ka ŋikaru. Okoe Ekapolon Akuj kaŋ ka ekeuryaran kaŋ, idau iyoŋ aseun ŋituŋa a Babilon ka itogogoŋ iyoŋ ikes, ikotere ikisicanete isua.

Abak. 3:10

Apotu ŋimoru tomaranikis ikiŋolikinete iyoŋ; apotu ŋakipi todout alo kidiama, apotu ŋakalele anauwata kisyakis arwore. Abu akoloŋ tojoŋo akica.

Mat. 24:35

Edaunosi nakuj ka akwap, nai nyedaunosi ŋakaakiro jik.

Luk. 1:50

Eyai akisyon keŋ neni a ŋulu ekerito iŋes ananyameta a daadaŋ.

Ŋitic. 17:26

Abu Akuj tosub ŋibukui a ŋituŋa daadaŋ alokile ke epei, kisiboik ikes nakwap daadaŋ, kedau atubun apaki ŋina eyaryata ka neni iboikinosi.

Ŋikis. 32:8

Apaki ŋina akorya Akuj ŋina alokidiama nooi akwap a Ŋisirael, apaki ŋina atyakatyakaa iŋes Ŋisirael, abu kiwuak ŋikukorin a ŋakwapin a Ŋisirael iwuapit ekimar a ŋidwe a ŋulusapa a ŋulu a Isirael.

Ŋikis. 33:15

Elipi kiterereŋ Ekapolon akwap a Yosepu a ŋiboro a ŋulu ajokak a ŋulu alomoru a ŋuluruba ka a ŋaraito a ŋuna ajokak a ŋuna alokamukumukui a ŋulu a ŋikaru ka ŋikaru; kiterereŋ Ekapolon ikes a ŋiboro a daadaŋ a ŋulu ka akwap a ŋulu ajokak ka a ajokis a Akuj a ŋina iboi alo Sinai.

Ŋibur. 13:8

Nyiloconokin Yesu Kristo jik, ikoni nenipei ayakar bien, nakoloŋit na ka rwanu daŋ.

Yos. 10:42

Kilou Yosua ŋirwosi ŋul daadaŋ ka ŋakwapin kec alotooma akitijikinet apei bon, anerae eŋarakinit Ekapolon ŋolo erae Akuj a Ŋisirael ŋituŋa keŋ.

Ŋikat. 5:5

Apotu ŋimoru tomaranikis alokiŋaren Ekapolon, ŋolo a Sinai tomaranikis ŋimoru alokiŋaren Ekapolon Akuj ŋina a Ŋisirael.