Abak. 3:4 - Ebaibul

⁴ Ikoni akwaŋis a akica keŋ ŋina ka akoloŋ; eponito ŋikoi a akica anakan keŋ, aneni eyai apedor keŋ ŋina imunono.

Abak. 3:4 Iomraidhean Croise

Neem. 9:12

Ibu daŋ iyoŋ kiŋarenik ikes naparan isibit adis ka nakwaare isibit arira, itoodikinit ikes neni kitoro.

Yob 26:14

Erae ŋun ŋakitoodikineta ŋadi ŋuna a ŋakiro a ŋuna etiya Akuj, ekudyoko ŋakiro ŋuna ajipar iwon ŋuna irworo Akuj. Ŋae epedori kire ayenun agiro ŋina ka apedor ka Akuj?”

Ŋikiru. 104:2

Ikimukorit iyoŋ akica ikwa imukoritor elou ituŋanan, ibu iyoŋ topeta kidiama ikwa eema,

Ŋikiru. 18:12

Alotooma akwaŋis kya ŋina ayai kiŋaren keŋ apotu ŋakako ka akimilya ŋina ekoni akim todout alodowuon a ŋulukiryonok cuc.

Awos. 13:21

Ani elosete Ŋisirael naparan, eŋarenikinit Ekapolon ikes esibit adis eyai kiŋaren kec itoodikinit ikes nenikitoro. Ani nakwaare, eŋarenikinit Ekapolon ikes esibit arira itoodikinit ikes nenikitoro, ikotere ikes epedorete alosit naparan ka nakwaare.

Awos. 14:20

alokidiŋ ajore a Ŋijipitian ka ŋina a Ŋisirael, akuwar kya abu adis ŋin yau akiryonut lowae ŋolo a Ŋijipitian ka akica lowae ŋolo a Ŋisirael; apotu ŋajorei ŋun nyeapikin akuwar daadaŋ.

Ŋakit. 18:10

Eyai agogoŋu ŋina apolon nooi lokiro ŋolo a Ekapolon, ekerete ŋulu iyookino lokiro a Ekapolon, ido eiuna.

Esek. 1:27

Abu ayoŋ eŋolek ibore ŋini asibit acir keŋ alokidiama anakuwan a etorube a ŋol, atakani ikwaan ka asuwat ŋina enepi ŋina eyai nakim; ameun a nen tari kwap keŋ, atakani esibit akim. Ayai etorube ŋol kidiŋ akica ŋina akwaŋan kya.

Esek. 43:2

eŋolik ayoŋ a nen akica ŋina ka Akuj a Isirael ebunit alo Kide. Ekwaan eruye keŋ ka ŋolo a ŋakipi a ŋuna alalak a ŋuna ipumasi, abu akica ŋina ka Akuj kinwak akwap.

Mat. 17:2

Kilocokin akuwan keŋ alokiŋaren kec, tocau ereet keŋ ikwa akoloŋ ka tokwaŋiata ŋilowi keŋ ikwa akica.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.

Akis. 22:5

Nyeyakaun nabo jik akuwar ace, nyiitanete ikes ŋitaae kori akoloŋ, anerae eruwor Ekapolon Akuj akica kec ka ipukaete ikes ŋikaru ka ŋikaru.