Abak. 3:2 - Ebaibul

² Okoe Ekapolon, adau ayoŋ akiirar ŋuna ka arwonu kon, ido aumokinit ayoŋ aŋuna a ŋiticisyo kon. Kitiya tokona nabo alorwa kosi ŋun, kisileereu tokona nabo ŋiticisyo kon ŋul. Toyakaunor akisyon, tari anapaki a ŋina iŋoitor.

Abak. 3:2 Iomraidhean Croise

Esir 9:8

Nai tokona, alotooma apaki ŋina euruwuana, ikiminak iyoŋ isua Ekapolon Akuj kosi, iyoŋ ŋolo ibu ikimyek isua ikirae ŋipiya ka ikiinak isua akiboi ikirae ŋulu ikiuna anakibois kon a ŋina asegan, ikotere ikiinakinia isua akiboi emam ŋace ka akiyar ŋina kitete anakiyar a na a ŋina ikiraakar ŋipi.

Yob 42:5

Eira ayoŋ ŋakiro kon ŋuna akalimokinete ŋituŋa ŋuluce, nai tokona ekeŋolik ayoŋ iyoŋ.

Ŋikiru. 119:120

Emarani akuwan kaŋ aŋuna akakeritor ayoŋ iyoŋ, eketubulito ayoŋ ŋatubonokineta kon.

Ŋikiru. 25:6

Okoe Ekapolon, totamunite akisyon kon ŋina apolon ka amina kon ŋina nyiryaŋiryaŋa, anerae itoodiunit iyoŋ ŋun neni kosi ŋinapei koloŋ.

Ŋikiru. 38:1

Okoe Ekapolon, nyikiŋenyak ayoŋ anaŋoit kon, kori nyikisican ayoŋ ananyunyura kon,

Ŋikiru. 44:1

Okoe Akuj ikidau isua akiirar a ŋaki kosi, adaut atapapaa kosi alimokin isua ŋuna kibu iyoŋ kitiya alorwa kec, alorwa a ŋulu koloŋ.

Ŋikiru. 71:20

Ikisiŋolik iyoŋ ayoŋ ŋican ŋulu alalak ŋulu apipilak; ikisimukekini iyoŋ ayoŋ nabo; ikiuryari iyoŋ ayoŋ ikotere nyatwana.

Ŋikiru. 78:38

Nai arae Akuj ŋina esyonon; abu kisyoni aronis kec, ido abu nyemunya ikes; abu a ŋinapaki kililiŋia aŋoit keŋ, ido abu nyenyunyurikin ŋituŋa keŋ.

Ŋikiru. 85:6

Nyikirimakini mono iyoŋ isua nabo, ikotere ŋituŋa kon elelyanete aŋuna kon a?

Isa. 53:1

Ŋae anup ŋakiro ŋuna aponi isua kiirarae? Neni a ŋae aponi kitoodikinae apedor a Ekapolon?

Isa. 54:8

Abu ayoŋ ananyunyura kaŋ a ŋina alalan ewua ereet kaŋ aneni kon, nai anamina kaŋ a ŋina a ŋikaru ka ŋikaru, ekesyoni ayoŋ iyoŋ.

Isa. 63:15

Ekapolon kiŋoliu alokidiama, ido ikiŋolik, kiŋoliu anakibois kon a ŋina asegan ka a ŋina ka apolou. Ai eyai alelakinit kon isua ka apedor kon ŋina etiron? Ai eyai arimao ŋina a etau kon ka akisyon kon? Ilema iyoŋ ŋun aneni kaŋ.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Yer. 10:24

Ekapolon kisicanae isua, nai anakiyookino, nyikisican isua anaŋoit kon, anerae acepaki ikimunyari iyoŋ isua daadaŋ.

Yer. 10:7

okoe erwosit a ŋituŋa a ŋakwapin, ŋae nyikikerit iyoŋ, anerae emaikina ikikeritae iyoŋ alokidiŋ ŋikaosok anakwapin ka anapukasinei kec a daadaŋ, mam ituŋanan ikwaan ka iyoŋ.

Yer. 29:10

Ŋakiro a Ekapolon ŋuna alimu Ekapolon ikes nu ebe, “Abuni ayoŋ neni kus kelunyar ŋikaru ŋatomonikanikaarei ikipukat iyes erwosit a Babilon, esiyookini nai ayoŋ akiikinet kaŋ, ido ekenyaku iyes nakibois na.

Yer. 46:28

Ŋituŋa kaŋ ŋiletok a Yakob, nyikuryaketa, anerae ikirukit ayoŋ ka iyes amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Aum. 3:32

Epedori Ekapolon ayaun aryeba neni yok, nai ikisyoni iŋes iwon anamina keŋ a ŋina nyiryaŋiryaŋa.

Dan. 8:17

Aŋun, abu Gabriel toapu neni awoya ayoŋ, ani ebuni iŋes, abu okobul ayoŋ nooi, oper ka akook alokwap. Nai abu iŋes tema neni kaŋ, “Okoe lokoku a ituŋanan, toyenu atemar erae akisileerekinet ŋin ŋina a ŋakiro a ŋuna ka asalunet a akwap.”

Dan. 9:2

abu ayoŋ Daniel, ekaru ŋol oyenu alokitaaboi ŋakiro a Ekapolon aneni a Yeremia a ekadwaran, ŋakiro ŋuna ebookoi idoŋi Yerusalem esil ŋikaru ŋatomonikanikaarei.

Abak. 3:1

Erae na akilip ŋina ka Abakuk a ekadwaran.

Abak. 3:16

Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.

Sakar 1:12

Kiŋit nai emalaika Ekapolon tema, “Ekapolon ŋolo Etiron, tari ori iwounit iyoŋ ainakin akisyon neni a Yerusalem ka lotaunio ŋulu a Yudaya, ŋulu irubak iyoŋ iŋoikinit tari tokona ŋikaru ŋatomonikanikaarei?”

Yoa. 10:10

Elomuni ekokolan akoko bon, akiar ka akinyasun ŋamesekin; nai abunit ayoŋ ainakin ikes akiyar, akiyar ŋina ka akileile.

Ŋirom. 10:16

Nai meere daadaŋ acamut Ŋakiro ŋuna Ajokak. Aŋun, abala ekadwaran Isaya ebe, “Ekapolon, ŋae enupi ŋakiro kosi?”

Ŋipil. 1:6

Ayeni ayoŋ kire atemar irikakini Akuj ŋina ageikini akitiya etic ŋolo ajokan lo aneni kus Akoloŋit ŋina eboŋunio Yesu Kristo.

Ŋibur. 11:7

Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.

Ŋibur. 12:21

Kire, ŋuna apotu totakanikis neni kec, arae ŋuna etubulok nooi; aŋun, abu Moses tolimu tema, “Amarani ayoŋ alokabule!”

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”