Abak. 3:16 - Ebaibul

¹⁶ Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.

Abak. 3:16 Iomraidhean Croise

Yob 30:17

Akaryebete ayoŋ ŋakoyo kaŋ nakwaare, erubakinit aryeba ŋina eketeryamunit ŋican eyai neni kaŋ akuwar kya.

Yob 30:30

Eryoniar amuny a akuwan kaŋ, edalaciyanar bon, emwakununeete ŋakoyo kaŋ pe.

Ŋikiru. 119:120

Emarani akuwan kaŋ aŋuna akakeritor ayoŋ iyoŋ, eketubulito ayoŋ ŋatubonokineta kon.

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Ŋakit. 12:4

Erae aberu ŋina ajokan akituro ka alelyanu aneni alokile keŋ, Erae aberu ŋina eaunit ŋileec, ikwaan ka edeke nolo nyeŋaleununui ŋolo edyaka lokile keŋ.

Ŋakit. 14:30

Ani emam ŋakiro isicanito ŋatameta, etumi akuwan, nai ikwaan arakao ka edeke ŋolo emam ekitoe.

Isa. 21:3

Aŋun, eryeba akuwan kaŋ, akanomo ayoŋ aryeba ŋina ikoni aryeba a aberu a ŋina eapi akidoun, apapanu ayoŋ nyeriŋa apupi ŋakiro, akakadaki ayoŋ nyeriŋa ete ibore.

Yer. 23:9

Aŋuna a ŋikadwarak: Alilimiyo etau kaŋ, emaranete ŋakoyo kaŋ daadaŋ; aŋuna a Ekapolon ka aŋuna a ŋakiro keŋ a ŋuna asegak, Ikikwaanikin ayoŋ ka ituŋanan ŋini emera, ituŋanan ŋini alema epiini agogoŋu.

Yer. 30:7

Ekaŋ iyes! Ebunit akoloŋit ŋina apolon nooi, mam akoloŋit ace ikwaanatar, erae apaki ŋina ka akiyaloloŋ a ŋiletok a Yakob; nai eiunio ikes alocan a ŋul.”

Yer. 4:19

Aryeba ayoŋ! Aryeba ayoŋ! Akanomo ayoŋ apipilu! Akanyamete ŋakiro etau! Idoŋae etau kaŋ nooi, nyapedori ayoŋ akililiŋ, anerae apupi ayoŋ eruye ŋolo amomwara a emesek, apupi ayoŋ eli ŋolo ke ejie.

Yer. 5:15

Okoe ŋituŋa a Isirael, eyakuuni ayoŋ neni kus ŋituŋa ŋulu ka akwap a ŋina alwanan, erae ikes ŋituŋa ka akwap a ŋina agogoŋon ka ŋinaŋorot, erae ikes ŋituŋa ŋulu nyiyenete iyes aŋajep kec, kori nyipedorete iyes ayenun ŋakiro ŋuna irworosi ikes.

Aum. 1:13

“Abu Ekapolon kiyaku akim alokidiama, abu akim ŋin itonom isua todol tari nakoyo. Abu Ekapolon topeta atibait keŋ akikamunia ŋakejen kosi kiŋoliyarae neni sek aponere. Abu Ekapolon ikimyek isua make, eryebae apaaran jwii.

Aum. 1:20

“Kiŋolik mono iyoŋ okoe Ekapolon epite ŋolo ikiryamunitor isua ŋican, ikiryebete isua ŋakiro nooi; emam akinapakina eyai lotai kosi, anerae aponi isua toruworotei ŋikaŋerok. Ani ikilomari isua kiŋa ikiari; ani ikiboi alotooma ŋakais daŋ ikiwuapunit atwanare.

Esek. 3:14

Abu nai Etau ŋolo ka Akuj ekekyaa ayoŋ kidiama okoya a nen, abu ayoŋ onyunyur ka abu etau kaŋ toŋo aŋuna eketiŋakinitor Ekapolon ayoŋ ŋuna acamit iŋes.

Dan. 10:8

Aŋun, abu ayoŋ edoŋ bon, ikotere eŋolikini akisileerekinet ŋina etubulon ŋin. Abu agogoŋu todaun aneni kaŋ, kilocokin etakane kaŋ, tolilimiyo akuwan kaŋ.

Dan. 10:9

Abu nai eira etoil, ani eirari ayoŋ ŋakiro ŋuna erworo ekile ŋol, apotu ŋajo ekekamut ayoŋ ojotoor nooi, oper ayoŋ alokwap abuburiyara.

Dan. 8:27

Aŋun, abu ayoŋ Daniel eyaloloŋ nooi, odyakakin oper ŋirwa ŋulu alalak; ekaku abu ayoŋ onyou, olot akitiya ŋiticisyo a erwosit. Nai abu akisileerekinet anakiruja a ŋin okoinak ayoŋ akitakadakinet, ido pa apedorit ayoŋ ayenun apolou keŋ.

Abak. 3:2

Okoe Ekapolon, adau ayoŋ akiirar ŋuna ka arwonu kon, ido aumokinit ayoŋ aŋuna a ŋiticisyo kon. Kitiya tokona nabo alorwa kosi ŋun, kisileereu tokona nabo ŋiticisyo kon ŋul. Toyakaunor akisyon, tari anapaki a ŋina iŋoitor.

Luk. 21:19

Ani kidaŋidaŋakis iyes ŋun, iunete akusikiyar.