Abak. 2:6 - Ebaibul

⁶ Eŋoikinete ŋituŋa ŋulu aponi toreunae ŋulu apotu kikamasi ŋakwapin kec, ido ejamuarete temasi, “Ipotu iyes yaasi ibore ŋini pa arae ŋini kus, aŋun, ikisicani Akuj iyes!” Irubakinete iyes tari ori itukete ebari anareikinit ŋulu ideniyorito ŋiboro kus akitac ikes?

Abak. 2:6 Iomraidhean Croise

Ŋikiru. 94:3

Okoe Ekapolon, apaki ŋina etya ai erubakiniata ŋulu aronok? Apaki ŋina etya ai erubakiniata ikes elakara?

Ŋakit. 22:16

Ituŋanan ŋini edemanari ŋikulyak ŋiboro kec aŋuna ka abarya ka ŋini einanakini ŋikabarak ŋiboro keŋ, eruwor ŋul daadaŋ ŋikulyakanotin.

Isa. 10:13

Anerae ebala erwosit ka Asiriya, “Abu ayoŋ etiya ŋun a agogoŋu kaŋ a elope ka a aosou kaŋ, anerae ayakar ayoŋ ayenut. Adau ayoŋ alemar ŋikukworwo a ŋituŋa a ŋakwapin ka abu oŋata ŋisiliŋa kec. Lopite ŋolo ereunia emaanik ŋuluce, abu ayoŋ oreu ŋikepukak ŋuluce.

Isa. 44:20

Emam atyeketait eyai neni a ituŋanan a ŋin ka ŋini enyami ekuron. Ebatasi ituŋanan ŋini itiyae ŋun ŋatameta keŋ ŋuna ka abaŋao, ido nyepedori aiun bon, kori nyepedori acamun atemar erae akuj ŋina eyakar iŋes akoŋinait.

Isa. 5:8

Ekaŋ iyes ŋulu iasete ŋakais nakais kus, ŋulu iasete ŋimanikorin lomanikorin kus, akitodol ŋina eruworor iyes make iboiyete anakwap a ŋin, ikimyekin iyes make iboiyete a nen!

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Yer. 17:11

Ikwaan ŋini ecuni abaru alorotin a ŋulu nyiyookino ka ikenyit ŋini ebekuni ŋabeyei ŋuna pa arae iŋes auruuni, edaun abaru ŋin apaki ŋina eapuunia iŋes amojoŋ, ani ekaku, eruwor ituŋanan ŋin ibaŋaanot.

Yer. 29:22

Tosodi aŋuna kec, elimunete ŋituŋa ŋulu aponi torikoroe alo Yerusalem tari Babilon ŋilam lu ebe, ‘Elipi ikisican Ekapolon iyes lopite ŋolo esicania Sedekia ka Aab ŋulu abu erwosit a Babilon tope anakim eyarete,’

Yer. 50:13

Aŋuna ka anyunyura a ŋina ke Ekapolon, emamukaun ŋituŋa iboiyete anakwap kus, nai eruwor iŋes ereŋorot ŋolo asilon nooi, ebuli ituŋanan daadaŋ ŋini itori diyete Babilon, ijutujutakini aŋuna ka akinyasuno keŋ a daadaŋ.

Esek. 32:21

Etemarete ŋikarikok ŋulu a agogoŋok ŋulu eya nakibois a ŋikatwak neni a Ijipit ka neni a ŋulu ariitoror Ijipit ebe, ‘Apotu ikes daŋ nakibois a ŋikatwak, eperete kaapei ka ŋulu nyenupito neni ka Akuj ŋulu aponi toarae a ekileŋ.’

Mika 2:4

Ŋina edolunio apaki ŋin, isitiyate ŋituŋa ŋatyokisyo ŋuna ipotu iyes toryamut, ikikyenatar iyes eosi, etemarete, ‘Ikimunaar isua jik, alema Ekapolon akwap kosi, ainaki neni a ŋulu apotu itorikosi isua ikirae ŋirikon.’ ”

Abak. 1:15

Ikami erwosit a Babilon ŋituŋa a ŋikodoce, esibit erae ŋikolya. Irikiŋa ŋulu adau iŋes akikamun, ido tocunak iwapei, tocelu elelyani.

Abak. 2:12

Ekaŋ iyes ŋulu idukete etaun anabukonor ŋaokot, idaut iyes akiduk etaun kus anakitiya aronis.

Abak. 2:13

Etiyata ŋituŋa ŋulu ikamasi iyes etic ŋolo a ikoŋin, anerae ibore daadaŋ ŋini etiyata ikes, icunyaryo, Ekapolon ŋolo Etiron iŋes itiyae ŋun.

Ekim. 23:18

Kirwor Balaam ŋakiro keŋ nu tema, “Bua Balak, ido kiira, topupokinae ayoŋ, okoe lokoku a Sipor.

Ekim. 23:7

Tosodi kirwor Balaam ŋakiro ŋuna kebu Akuj tolimok iŋes tema, “Akayau ayoŋ Balak alo Aram, akayau ayoŋ erwosit a Moab alomoru a ŋulu alo Kide ebala, ‘Bua, kicen ŋituŋa a Yakob aŋuna kaŋ, bua, kisitak Ŋisirael.’

Luk. 12:20

Nai tolimok Akuj iŋes tema, ‘Iyoŋ ebaŋaanot! Lolo nakwaare iitanio akiyar kon; ŋae irumi ŋiboro daadaŋ ŋulu icunit iyoŋ aŋuna ka akonikiyar?’ ”

1 Pet. 4:7

Aapuu asalunet ŋina a ŋiboro a daadaŋ. Aŋun, itemokino iyes iyokiuno make ka itenito, topedorito akilip.