Abak. 2:5 - Ebaibul

⁵ Emodiyana ebari. Ŋiyeŋunenete ŋituŋa ŋulu eturok, eŋaamete ikes nooi ikwa akibois a ŋikatwak, ŋakiro ŋun iŋes ikamanaryata ikes ŋakwapin ka ŋakwapin kituruwosi ŋuna kec.

Abak. 2:5 Iomraidhean Croise

2 Ŋirw. 14:10

Idau kire iyoŋ akiloun ŋituŋa a Edom, ido iturokin. Kimomwor aŋuna ilounia iyoŋ, nai kiboikin lore kon! Kaanukiro iwaritor iyoŋ egurigur ŋolo ikicakari iyoŋ kaapei ka ŋituŋa kon alo Yudaya?”

Ŋikiru. 138:6

Tari daŋ keyai Ekapolon kidiama, iŋarakinit iŋes ŋulu epapanunito, nai ite iŋes aneni alwanan nooi ŋiketurok itiyaete ŋuna aronok.

Ŋakit. 20:1

Ituruwori akimat epiini ŋolo alalan ituŋanan ibaŋaanot, ituruwori akimat ŋagwe ŋuna alalak nooi ituŋanan ikacalan, ituŋanan daadaŋ ŋini itali akimat epiini, kori ŋagwe, erae ŋini nyeos.

Ŋakit. 21:24

Ituŋanan ŋini eturon, ŋini isupana, ŋini enyaritae ebe, “Eketuron,” erae ŋini itiyae ituro ka isupa.

Ŋakit. 27:20

Nyimwokeneneete akibois a ŋikatwak ka atwanare. Ikoni nenipei nen ekibure ŋolo eyakar ituŋanan.

Ekal. 5:10

Ituŋanan ŋini emina ŋisiliŋa, nyetemari aryamu ŋisiliŋa ŋulu itemokino, tari ŋini emina ebari, nyeryamuni ibore daadaŋ ŋini ecamit iŋes aryamun.

Isa. 14:6

a ŋulu kepotu kisicana ŋituŋa anaryenyeo a ŋina pa eeŋanaryo, a ŋina epukatotor ikes ŋituŋa anaŋoit.

Isa. 16:6

Temasi ŋituŋa a Yudaya neni a ŋituŋa a Moab, “Aponi isua kiirarae epite ŋolo iturotor ŋituŋa a Moab, isupasi ikes nooi, iturosi ka eŋoito, nai erae akituro kec koŋin.”

Isa. 2:17

Itiditeunio apolou a ŋituŋa a daadaŋ a ŋulu itopolooro ka ejamuwaryo akituro a ŋulu iturosi. Tosodi Ekapolon bon itopolooryo akoloŋit ŋin.

Isa. 21:5

Esubanakinete ŋituŋa ŋimesae epetanakinete ŋakitambarae ŋuna enyamuna lomesae, imujete ka emasete. Iyes ŋikapolokinitok a ŋajoresyo tonyoutu, kiosa ka akimyet ŋaupala kus!

Isa. 5:14

Aŋun, eitan nooi akwap ŋina a ŋikatwak ikes aŋaar ŋalup nooi aŋuna kec, elomarete tooma ŋalup ŋikapolok a Yerusalem ka ŋituŋa ŋulu alalak kaapei ka asepic ŋina sek ecela a nen ta ŋulu sek itopoloorito iŋes.

Isa. 5:8

Ekaŋ iyes ŋulu iasete ŋakais nakais kus, ŋulu iasete ŋimanikorin lomanikorin kus, akitodol ŋina eruworor iyes make iboiyete anakwap a ŋin, ikimyekin iyes make iboiyete a nen!

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Yer. 51:39

Ani imuete ikes ŋagwe, ainakini ayoŋ ikes ŋagwe etemerak ikes, tari ŋina elakarator, tosodi tojotooros ŋajo ŋuna a jik, nyekyenyut nabo.

Abak. 1:15

Ikami erwosit a Babilon ŋituŋa a ŋikodoce, esibit erae ŋikolya. Irikiŋa ŋulu adau iŋes akikamun, ido tocunak iwapei, tocelu elelyani.

Abak. 1:17

Erubakini mono iŋes jik isitiyae ŋileŋia keŋ ka emunyanari ŋituŋa a ŋakwapin emam akisyon a?

Abak. 2:4

Ŋakiro ŋun ikes nu, ‘Nyeyarete ŋulu itiyaete aronis, nai eyarete ŋulu iyookino, anerae ikinyomito Akuj.’ ”

1 Ŋites. 4:11

Kiwara nooi epite ŋolo ajokan ŋolo kiboiyet; itemokino ŋinituŋanan tomitak ŋuna keŋ a ilope, kitiyau a ŋakan keŋ ibore daadaŋ ŋini iitanit iŋes aŋuna ka akiyar keŋ, ikwapei sek ikilimokinitor isua iyes.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”