Abak. 2:3 - Ebaibul

³ Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Abak. 2:3 Iomraidhean Croise

2 Ŋirw. 6:33

Ani eriŋa Elisa irworosi ka ŋikasikou, todolu erwosit, kirworik tema, “Ekapolon iŋes ayau ŋican lu! Anukiro tokona eriŋa ayoŋ egenor Ekapolon”

Ŋikiru. 102:13

Ibuni iyoŋ, ido kisyoni Sion, anerae adolu apaki ŋina isyonio iyoŋ iŋes. Adolu apaki ŋina etemokinitoe,

Ŋikiru. 27:14

Kidar Ekapolon! Togogoŋ ka kimyek etau kon tomukyaan, kidar Ekapolon!

Awos. 12:41

Ani edaun ŋikaru ŋul, akoloŋit ŋina jik aŋetakinotor, apotu ŋatukon ŋuna asibito ŋajoresyo ŋuna ke Ekapolon torotokis anakwap a Ijipit.

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 7:4

tolimok iŋes atemar, totenite, kililiŋ, nyikuryaniar ka totitinyor aŋuna a erwosit Resin ka erwosit Peka ta Aram ta lokoku a Remalia nyepedorete ikes akiwan iyoŋ, anerae ikwaan ikes ka ŋakito a akim ŋaarei ŋuna epuruyete koŋin.

Isa. 8:17

Edarit ayoŋ Ekapolon ŋolo iwuait ereet keŋ aneni a ŋituŋa a Yakob ka egenokin ayoŋ neni keŋ.

Yer. 27:7

Itiyanakinete iŋes ka lokoku keŋ ta lopapait keŋ ŋituŋa a ŋakwapin a daadaŋ akitodol apaki ŋina ilounere akwap keŋ, ido nai kituruwosi iŋes ŋakwapin ŋuna alalak ka ŋirwosi ŋulu apolok epito kec.’

Esek. 12:25

Nai ayoŋ Ekapolon alimuni ŋuna alimuni, ido isiyookinio. Emam nabo nyitididiyo ŋun; nai alorwa kus iyes ŋituŋa a Isirael ŋulu ikiŋero ayoŋ, alimuni ayoŋ akirot ka esiyookini.’ ”

Esek. 30:9

“Akoloŋit ŋin, elosete aneni kaŋ ŋikiyakia edokito ŋameeli, kitukuryana ŋituŋa a Kuc ŋulu atenito akinup ŋakiro. Emini ekabule neni kec akoloŋit ŋina isicanere Ijipit, ebunit kire jik akoloŋit ŋin.

Dan. 10:14

ido abu ayoŋ neni kon akiŋarakin iyoŋ toyenu ŋakiro ŋuna epote akitiyakin neni a ŋituŋa kon alorwa a ŋulu esidyok, anerae eyai akisileerekinet ace aŋuna a ŋirwa a ŋul.”

Dan. 11:27

Iboikinosi iwapei ŋirwosi ŋuluarei ŋul ŋulu iwuakinito ŋuna aronok natameta kec, ido kirworo emodyanakin make. Nai mam ibore itiyakin anakiro a ŋuna eyeete ikes, anerae ebuni asalunet anapaki a ŋina itemokinitoe.

Dan. 11:35

Earyo ŋice a ŋikaosok a ŋul, ikotere ikes itojokunio, italeunio ka itesegunio akitodol apaki ŋina ka asalunet, anerae erae ŋun ŋuna itiyakin anapaki a ŋina etubunitoe.

Dan. 8:17

Aŋun, abu Gabriel toapu neni awoya ayoŋ, ani ebuni iŋes, abu okobul ayoŋ nooi, oper ka akook alokwap. Nai abu iŋes tema neni kaŋ, “Okoe lokoku a ituŋanan, toyenu atemar erae akisileerekinet ŋin ŋina a ŋakiro a ŋuna ka asalunet a akwap.”

Dan. 8:19

Okolimok nai iŋes ayoŋ tema, “Topupok, akalimokini ayoŋ iyoŋ ŋakiro ŋuna itiyakin moi anapakio a ŋuna ka anyunyura, anerae erae ŋakiro akisileerekinet ŋuna ka apaki a ŋina esalunia akwap.

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Mika 7:7

Nai ani eruwor ayoŋ edarit ayoŋ anakigeno Ekapolon, edarit ayoŋ Akuj akaiunan kaŋ; ekeirari ayoŋ Akuj kaŋ.

Sepan. 3:8

Ebala Ekapolon ebe, “Aŋun kidarunae ayoŋ akoloŋit ŋina awuoya okolimonok ŋakiro kus ŋuna ayeni. Adau ayoŋ atubun acunakin ŋakwapin, acunakini ŋapukasinei, ido etaanyuwa ikes anyunyura kaŋ, aŋoit daadaŋ ŋina ka aryenyeo kaŋ. Amunyari ayoŋ ŋituŋa ka akwap a daadaŋ alotooma aŋoit ŋina ka alilit kaŋ.”

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Luk. 2:25

Ayai Yerusalem ekile ŋolo anyaritae Simeon. Arae iŋes ekile ŋolo eyookino ŋolo ainakina neni ka Akuj; edarit iŋes akoloŋit ŋina eiunere Isirael, nabo ayai Etau ŋolo Asegan neni keŋ.

Ŋitic. 1:7

Tolimok Yesu ikes tema, “Etubunit Akuj Papa ŋirwa ka ŋapakio keŋ. Nyerae ŋuna kus ayenut ŋuna itemokinit iŋes anapedor keŋ.

Ŋitic. 17:26

Abu Akuj tosub ŋibukui a ŋituŋa daadaŋ alokile ke epei, kisiboik ikes nakwap daadaŋ, kedau atubun apaki ŋina eyaryata ka neni iboikinosi.

Ŋigal. 4:2

Ani eriŋa iŋes edit, eyakasi ŋikilyok ŋulu iyokiyete iŋes, topolokinito ŋakiro keŋ daadaŋ akitodol apaki ŋina itemokinit papa keŋ.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!

2 Pet. 3:9

Nyedidi Ekapolon akitiyakin ŋakiro ŋuna adau iŋes akiikin ikwa etamiata ŋice. Ikidaŋit iŋes iyes daadaŋ pa ikirikira, anerae nyecamit iŋes idiotuŋanan inyasunio, nai ecamit iŋes daadaŋ tokiwa ŋasecisya kec.