Abak. 2:19 - Ebaibul

¹⁹ Ekaŋ iyes, ŋulu ibasi neni ka akitoe ebe, “Tonyou!” Kori neni ka amoru ebe, “Tonyou!” Epedori mono akuj ŋina itiyaunitae alimokin iyoŋ ŋakiro ŋadi a? Epedoryo akuj ŋin bon akitiyaun ke esilipa, kori ke egolid, nai mam akiyar eyai tooma keŋ.

Abak. 2:19 Iomraidhean Croise

Ŋikiru. 135:15

Erae ŋakujo a ŋakwapin esilipa ke egolid, erae ŋuna itiyaunito ŋituŋa.

Ŋikiru. 135:17

eyakatar ŋaki, nai nyepupete, emam tari ekuwuam elomununui anakituka kec.

Ŋikiru. 97:7

Isurumitae daadaŋ ŋileec ŋulu ilipete neni a ŋakujo, ikes ŋulu iturosi aŋuna a ŋakujo aŋunacaryo a ŋun; iyes ŋakujo daadaŋ toryediko, kilipa neni ka Akuj!

Isa. 26:14

Nyeyarete ŋikatwak, nyeboŋununeete nakwap ŋitorubei a ŋikatwak, anerae ibu iyoŋ kisican ikes ka tomunya ikes, kitoŋopiya ikes tojoŋoi atamunit jik.

Isa. 40:19

Nyikwaan iŋes ka etorube a akuj a ŋina itiyaunio tosipokinae, ido bu eketiyan egolid toburusik egolid kidiama keŋ ka kitanapik ŋiriko ŋulu itiyaunitae a esilipa.

Isa. 41:26

Ŋae alimori anakisyakinet ŋakiro ŋun, ikotere isua ikiyenuni, ŋae alimori ikes ekiŋaren,’ ikotere isua ikitemari, ‘Iyookinit iŋes?’ Mam ituŋanan abu tolimu ŋakiro ŋun, mam ituŋanan abu kiserau ŋun, mam ituŋanan abu kiira ŋakiro kus.

Isa. 44:17

Akitoe a ekitoe a ŋol nenice daadaŋ, ituruwori iŋes akuj, akuj keŋ, eryediki kijuuru alokiŋaren kilip neni keŋ, etemari iŋes ilipi neni keŋ ebe, “Toiunae ayoŋ, anerae irae iyoŋ akuj kaŋ.”

Isa. 46:6

Eyakasi ŋituŋa ŋulu ebukununuyete egolid alocweei kec, ido kipima esilipa anakiloi kec; kipaŋgata eketyakan egolid kitiyau akuj, tosodo toryediko alokiŋaren akuj ŋin kilipa neni keŋ.

Isa. 57:6

Eyakasi ŋakujo kus neni eya ŋamoru ŋunasulut anayona, ŋakujo ŋun ikes iŋatarito iyes; iinanakinete iyes ikes ŋainakineta ŋuna a ŋimaten, iyaasi iyes neni kec ŋainakineta ŋuna a ŋikinyom. Apedori mono ayoŋ alakar aŋuna a ŋakiro a ŋun a?

Yer. 10:14

Imasimasit ŋituŋa daadaŋ ka emamukatar aosou; irumete ŋileec ŋituŋa ŋulu itiyaununete ŋakujo a egolid, anerae erae ŋitorubei kec ŋulu ka alyokonu ka emam ekieŋanu eyai lotorubei ŋul.

Yer. 10:3

Erae ŋitalyo a ŋituŋa ŋikoŋinae, eyepunete ikes ekitoe anamoni, ido kiceu ka aep ituŋanan ŋini eyeni akicere ibore;

Yer. 10:4

tosodo ŋituŋa kisibusa iŋes a esilipa ka a egolid, toruconokis akitoe ŋin a ŋisumari ka a enyondo, ikotere nyepedo akiloiloo.

Yer. 10:9

Erae ŋakujo ŋun esilipa ŋolo ityekunitae alo Tarisis, erae egolid ŋolo alo Upas. Erae ŋikaramak ŋitorubei eramunito, erae ikes etic a ŋulu ityekete ŋiboro a egolid; erae ŋilowi kec ŋulupusiyek ka ŋulu kipura-areŋak ŋituŋa ŋulu eyenete akitiya ŋiboro ikes etiyaunete ŋilowi ŋul.

Yer. 2:27

ŋulu ebasi neni a ekitoe ebe, ‘Irae iyoŋ papa kosi’ ka neni a amoru ebe, ‘Iyoŋ ikiuruuni isua’ Irworosi ikes ŋun, anerae akamuleno ikes ayoŋ ka nyeketeete ikes ayoŋ. Nai apaki ŋina eyakatar ikes locan elimunete ikes ebe, ‘Bua, toiunae isua.’

Yer. 2:28

Nai ai eyakasi ŋakujo kus ŋuna ipotu iyes kitiyaut aŋuna kus? Kimyekisi ikes potu kepedorete ikes aiun iyes apaki ŋina iyakatar iyes locan, anerae iyakatar iyes ŋakujo ŋuna alalak ŋuna etya ŋitaunio ŋulu iyakatar iyes, okoe ŋituŋa a Yudaya.

Yer. 51:17

Ebaŋaaka ŋituŋa daadaŋ ka emamukatar ayenut isirumete ŋakujo ŋulu eyeete ikes a egolid ŋileec, anerae erae ŋitorubei kec ŋicaryo, emamukatar ŋitorubei ŋul ekieŋanu.

Yer. 51:47

“Kire jik, eponito ŋirwa ŋulu esicania ayoŋ ŋakujo a Babilon, isirumyo akwap a Babilon daadaŋ ŋileec, earyo ŋituŋa daadaŋ alotooma keŋ.

Dan. 3:1

Abu erwosit Nebukadinesar kitiyau etorube a egolid. Arae aoyau keŋ alokwap tari kidiama ŋimitae ŋatomoniarei ka ŋikanikaarei ka arae alowae ke epei tari ŋoloce ŋimitae ŋiuni. Abu iŋes tosipok etorube ŋol nadipo a Dura a akibois a ŋina ayai nakwap a Babilon.

Dan. 3:18

Ani kemam, toyenu nu okoe erwosit atemar nyikitiyanakini isua ŋakujo kon ka nyikilipi neni a etorube a ŋolo a egolid a ŋolo idau iyoŋ asipokin.”

Dan. 3:29

Aŋun, alimu ayoŋ ŋakiro nu: Ituŋanan daadaŋ, kori ŋakwapin, kori ituŋanan a aŋajep adio, ŋulu iyanyete Akuj a Sadirak, Mesak ka Abedinego, etubutubooryo ŋakejen ka ŋakan ka ituworyo akai keŋ ŋamoru ŋuna etukosi koŋin, anerae emam akuj ace ŋina epedori alakun lopite lo.”

Dan. 3:7

Aŋun, ani iirarete ŋituŋa daadaŋ eruye amomwara a emesek, a apilu, a agita, a aujiwij, a aduŋgu, a ebur ka ŋolo a ŋiboro a daadaŋ a ŋulu eore, apotu ŋituŋa daadaŋ ka ŋakwapin daadaŋ ta ŋulu irworosi ŋaŋajepa ŋuna egelegelya toryediko ka kilipa neni a etorube a egolid a ŋolo kebu erwosit Nebukadinesar tosipok.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Dan. 5:4

Apotu ikes tomata epiini kipuro ŋakujo ŋuna etiyaunitae a egolid, a esilipa, a eburonis, a asuwat, a akitoe ka amoru.

Yona 1:5

Tobul ŋikametok ameeli, kiworou ŋolokile neni ka akuj keŋ. Kimasasi ikes ŋiboro anameeli nanam ikotere towowoku ameeli. Nai keberakin sek Yona alomar neni esibit akai anameeli neni ajotoo iŋes nooi.

Ŋitic. 17:29

Ikwaŋinapei ikiraakar iwon ŋiletok ŋulu ka Akuj, nyitemokino iwon ikitami atemar ikwaan eyakae keŋ ka etorube ŋolo eyeunitae ke egolid kori ke esilipa kori ka amoru--etorube ŋolo eyeuni ituŋanan ka aosou keŋ.

Akis. 17:4

Anapit aberu ŋilowi ŋulu kipura-areŋak ka ŋulu areŋak, kisibusite akuwan keŋ a ŋinapen a ŋulu etiyaunitae a egolid, a ŋamoru a ŋuna epol egyelit ka ŋakamilimili. Ayai nakan keŋ ekopo ŋolo etiyaunitae a egolid, kileleba aronis ka asiilyo ŋina ka amalao keŋ.