Abak. 2:16 - Ebaibul

¹⁶ Iyes daŋ ekaku, ikiboŋokinete ŋileec akilo akitopolooro. Imasete iyes ŋikulepek ŋun kiteritereonor. Ikitamasi Ekapolon iyes aronis kus a ŋikulepek, ido kilocokinoe akitopolooro kus make toruworos ŋicaryo.

Abak. 2:16 Iomraidhean Croise

Ŋikiru. 75:8

Eŋoit Ekapolon, eŋoit iŋes nooi, eakik iŋes anyunyura keŋ neni a ŋulu aronok; esunyuak iŋes aŋoit keŋ daadaŋ neni kec.

Ŋakit. 3:35

Eryamunete ŋikaosok akitopolooro, nai erubakinete ŋileec iatasi neni a ŋibaŋaanotin.

Isa. 20:4

ebuni erwosit ka Asiriya arikor Ŋijipitian erae ŋienan ka ŋituŋa ka Esiopia erae ŋirikon, erikoryo ŋituŋa ŋul ŋisorok kaapei ka ŋikasikou, erikoryo ikes daadaŋ elerete ka emam ŋamuk enapito, totakanete ŋikaosios, itoodiunito ŋileec aŋuna a ŋituŋa a Ijipit.

Isa. 47:3

Ilerokinete iyes alokiŋaren ŋituŋa ka iŋolikinete ŋituŋa ŋileec kus. Alosi ayoŋ akinyaŋar, tosodi mam ituŋanan aesikini ayoŋ.

Isa. 49:26

Etanyami ayoŋ ŋulu ikisicanito iyes ŋawat kec a ŋilopeyek, emerakinosi ikes a ŋaokot kec pei lopite ŋolo emeratar a epiini. Eyenunete nai ŋituŋa daadaŋ atemar arae ayoŋ Ekapolon Ekaiunan kus ka Ekalakunan kus Ekapolon ŋolo etiron ŋolo a Yakob.

Yer. 25:15

Abu Ekapolon Akuj a Ŋisirael okolimok ayoŋ tema, “Tolema anakan kaŋ ekopo lo ŋolo ileleba epiini ŋolo ka anyunyura kaŋ, inak ŋituŋa a ŋakwapin a daadaŋ a ŋuna ekeyakiyari ayoŋ iyoŋ neni kec tomata epiini ŋol.

Yer. 25:17

“Aŋun, abu ayoŋ ejau ekopo anakan a Ekapolon, oinak ŋituŋa daadaŋ a ŋakwapin a ŋuna abu Ekapolon ekeyakiya ayoŋ neni kec, apotu ikes tomata epiini ŋolo ayai lokopo ŋol.

Yer. 51:57

Etemerakini ayoŋ ŋikapolok a Babilon ka ŋikasikou keŋ, kaapei ka ŋikepukak keŋ ka ŋulu iwuapito ŋul anapukan ta ŋikajiok keŋ; ejotoorosi ikes ŋajo ŋuna nyekyenyuniata nabo jik ŋikaru ka ŋikaru.” Erwosit, ŋolo erae ekiro keŋ Ekapolon ŋolo a ŋajoresyo, iŋes alimu ŋakiro ŋun.

Yer. 51:7

Ekwaan sek Babilon aneni kaŋ ka ekopo ŋolo eyai nakan kaŋ, ekopo ŋolo itiyaunitae a egolid, abu iŋes kitemerak ŋituŋa a akwap a daadaŋ apotu ŋituŋa a ŋakwapin tomata epiini keŋ aŋun, abu kimatimataa ŋituŋa a ŋakwapin nooi.

Aum. 4:21

Tolelyana ka tolakaros iyes ŋituŋa ke Edom ka ŋituŋa ŋulu iboiyete alo Us. Imerakinosi iyes, ilosete ilerete iteriterosi.

Esek. 23:33

Elalaar aneni kon ameranu ka akiyaloloŋ. Iryamuni iyoŋ ŋican alonyas ka anakimyekino koŋin, arae ŋul ŋican ŋulu abu nakaato kon Samaria toryamu.

Osea 4:7

Ani ilalakunete iyes ŋisacaradotin, tolalata ŋasecisya daŋ ŋuna eseceseceneneo neni kaŋ, eturuwori ayoŋ apolou kus acaryoonut.

Osea 7:5

Akoloŋit ŋina enumunumere ŋasuban ŋuna a erwosit, apotu ŋikapolok tomata epiini tomerakinos nooi erwosit daŋ tomerakin nooi, tobaŋaaniyasi kaapei ka ŋulu akyenatar iŋes.

Abak. 2:10

Adaut ŋiticisyo kus ayaun ŋileec lokalya kus aŋuna tokona imunyaryata iyes ŋakwapin ŋuna alalak; idaut iyes ayaun ŋican nawat kus.

Abak. 2:15

Ekaŋ iyes ŋulu ipotu anaryenyeo kus kitemerakis ŋikidunyet kus; ipotu iyes inakis ikes akiteritereonor esibit ŋikamerak. ikotere ikienatar ikes.

Ŋipil. 3:19

Inyasunio ikes, anerae ekibure ŋolo a ŋawat kec iŋes erae akuj kec; iturosi ikes kan ibore ŋini itemokino kirumyata ŋileec ikes, ka eyakasi ŋatameta kec loboro ŋulu ka akwap a na bon.

Akis. 18:6

Kitiyata neni keŋ lopite ŋolopei abunio iŋes kitiyaa neni kus. Totaca iŋes ŋatacet ŋaarei aŋuna ke etic a daadaŋ a ŋolo etiya iŋes. Kitemokisi epiini ŋolo adwaran lokopo keŋ ŋarwa ŋaarei ikwa epiini ŋolo abu iŋes kitemok aŋuna kus.