Abak. 2:1 - Ebaibul

¹ Awoi ayoŋ eteu, adokari neni irereere eboikin nen, ido eteu eira ŋuna akalimokini Ekapolon ayoŋ eira ŋuna akaboŋokini iŋes ayoŋ alotooma akiŋuruŋura kaŋ.

Abak. 2:1 Iomraidhean Croise

2 Sam. 18:24

Apaki ŋin, kiboi Daudi alokidiŋ ŋipukei ŋiarei ŋulu a etaun ŋolo alotooma ka ŋolo alokiŋa. Kebu eketen etaun todoka kidiama arwatata ŋina ke epuke akirerekin etaun, ani irereiyori iŋes kiŋa, kiŋolik ekile emotuno bon.

2 Ŋirw. 17:9

Etiyato Ŋisirael anakimunonit ŋakiro ŋuna aronok aneni ke Ekapolon Akuj kec. Adukito ikes aŋuna kec neni elipeneneere ŋakujo lotaunio kec daadaŋ ameun alotaunio a ŋulu cicik akitodol ŋulu apolok.

2 Ŋirw. 9:17

Ayai Yesireel, eketeon etaun ŋolo erere alokidiyama adukeetait ŋina aoyan. Kirereiyo iŋes kiŋolik Yeu ka ŋituŋa keŋ eponito, tosodi tocelu tema, “Ete ayoŋ ŋituŋa edokito ŋaŋolei eponito.” Tolimu erwosit Yoram tema, “Kiyakiya ituŋanan tomea aŋole, tolot kisiryam ikes kiŋit tema, ‘iponito iyes a ekisil kori ejie?’ ”

Yob 31:35

“Okoe, kerae ca oyakar ayoŋ ipei ŋini iirari ŋakiro kaŋ! (Erae nu ŋakiro ŋuna alimu ayoŋ etogogoŋit, emaikina Akuj ŋina etiron okoboŋok ayoŋ.) Okoe kerae ca kigiritetei ŋakiro ŋuna ekesiitakinitor ayoŋ emoit kaŋ.

Yob 31:37

keteyenik ayoŋ ŋini iirari ŋakiro kaŋ daadaŋ ŋuna ka akiyar kaŋ, kawo ayoŋ aloŋaren keŋ ikwa ekarikon.

Ŋikiru. 5:3

Okoe Ekapolon, ipupi iyoŋ etoil kaŋ a ŋina taparacu; akalimonokini ayoŋ iyoŋ a ŋina taparacu ŋuna acamit, ido edarununui egeno atemar aryamuni.

Ŋikiru. 85:8

Apupokini ayoŋ ŋuna elimuni Akuj Ekapolon, anerae iikini; iŋes ekisil neni a ŋituŋa keŋ, neni a ŋulu ikinyomito iŋes neni a ŋulu ekiyete alotai kec tonupa Akuj.

Ŋikiru. 85:9

Kire, etenit Akuj aiun ŋulu itopoloorito iŋes, ikotere erubakini apolou keŋ eyai nakwap yok.

Isa. 21:5

Esubanakinete ŋituŋa ŋimesae epetanakinete ŋakitambarae ŋuna enyamuna lomesae, imujete ka emasete. Iyes ŋikapolokinitok a ŋajoresyo tonyoutu, kiosa ka akimyet ŋaupala kus!

Isa. 21:6

Adau Ekapolon alimokin ayoŋ ebe, “Ape, kiwuak ekeyokon a akibois, emaikina tolimok ŋituŋa ibore daadaŋ ŋini iŋolikini iŋes.

Isa. 21:8

Abu nai ekeyokon a akibois ŋol kiorou tema, “Okoe Ekapolon kaŋ, awoi ayoŋ anaduketait a ŋinakirereet ŋirwa daadaŋ naparan, ayai ayoŋ nakibois kaŋ akuwar kya.

Isa. 62:6

Okoe Yerusalem, ewuak ayoŋ ŋikererok narwatatain kon, nyililiŋete ikes naparan ka nakwaare. Iyes ŋikererok anarwatatain ŋulu inyarito Ekapolon, nyieŋut

Yer. 12:1

Okoe Ekapolon, irae iyoŋ jwi jwi ŋolo iyookino, ani kekesitak ayoŋ iyoŋ; esyakini nabo ayoŋ akirworo ŋuna ka akiyookino kon. Kaanukiro erubakinitotor ŋipitesyo a ŋulu itiyaete ŋuna aronok elosete kiŋaren ejok? Kaanukiro erubakinitotor ŋulu nyikinyomitae eyakatar akiyar ŋina ajokan?

Yer. 6:17

Abu daŋ ayoŋ oseu aŋuna kus ŋiketeok akwap okolimok iyes ebe, ‘Totenito akiirar eruye amomwara a emesek!’ Nai apotu ŋituŋa temasi, ‘Nyetenio isua.’

Esek. 3:17

“Lokoku a ituŋanan, eketuruwo ayoŋ iyoŋ ekeyokon Ŋisirael, apaki daadaŋ ŋina iirarya iyoŋ ŋakiro aneni kaŋ, emaikina iyoŋ tolimok ikes ŋuna abala ayoŋ tocoikisi.

Esek. 33:7

“Aŋun, iyoŋ lokoku a ituŋanan, eketuruwo ayoŋ iyoŋ eketen Ŋisirael; apaki daadaŋ ŋina iirarya iyoŋ ŋakiro aneni kaŋ, emaikina iyoŋ tolimok Ŋisirael ŋuna abala ayoŋ ikes tocoikis.

Mika 7:7

Nai ani eruwor ayoŋ edarit ayoŋ anakigeno Ekapolon, edarit ayoŋ Akuj akaiunan kaŋ; ekeirari ayoŋ Akuj kaŋ.

2 Ŋikor. 13:3

Ipote iyes ayenun kire atemar irworo Kristo aneni kaŋ. Nyepalag Kristo ŋina itiyaa aneni kus, nai itiyae apedor keŋ alotooma kus.