Abak. 1:9 - Ebaibul

⁹ Elosete ŋasigarya kec ŋaren ikamanarete ŋakwapin daadaŋ ka aryenyeo, ido emini akuryanu neni a ŋinituŋanan apaki ŋina edolunioto ikes. Ecunete ikes ŋirikon kec ikwa ecunere asinyon.

Abak. 1:9 Iomraidhean Croise

Akisy. 41:49

Kidyat Yosepu akimuj ŋina alalan nooi ŋina atya asinyon a anam, tojoŋo tari akipim etyae, anerae pa apedorit iŋes akipim.

2 Ŋirw. 12:17

Alorwa a ŋul, abu Asael ŋolo arae erwosit ka Aram torem etaun ŋolo anyaritae Gas, kikama. Ani irikakin, kiitan akirem Yerusalem.

Yob 29:18

“Abu ayoŋ olimu alotau kaŋ otema, ‘Atwani ayoŋ arae ŋolo eketopolooritae ekaku a ŋirwa a ŋulu alalak nooi.’

Ŋikiru. 139:18

Kerae emarenenee ayoŋ ikes, kelal ekimar kec akilo asinyon; ani akyenyuni ayoŋ, aryamuni atemar eriŋa ayoŋ ikirukit ka iyoŋ.

Isa. 27:8

Abu Ekapolon kisican ŋituŋa keŋ kimyek kiritarae ka torikoroe nakwap ace erae ŋirikon ananyunyura keŋ, abu iŋes kirita ikes akoloŋit ŋina a ekuwuam a ŋolo alo Kide a ŋolo akusi nooi.

Yer. 15:8

Alalata ŋapuseru anakwap kec akilo asinyon ŋina alokipetot a ŋanamyo. Adau ayoŋ ayaun ekamunyaran ŋisorok kec kidiŋ apaaran, oinak atatoto kec toryamut ŋican, adau ayoŋ ayaun aryeba ka ekabule toyakaun neni kec pa eyenete ikes.

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 34:22

Alimokini ayoŋ ikes toboŋut lotaun lo, itijikinete ikes ŋituŋa a etaun a lo, ido kikamasi etaun ka kicunyakis a akim. Eturuwori ayoŋ ŋitaunio a Yudaya ŋireŋoroto, neni emam ŋituŋa eya.”

Yer. 4:11

Apaki ŋin, elimokinio ŋituŋa a Yerusalem atemar ekutunit ekuwuam ŋolo amwanan aneni kaŋ, ekutunit alomoru a ŋulu emam ŋikito, ekutunit analoŋisat neni a ŋituŋa kaŋ a ŋulu eya locan, meere akutar ŋulu aronok, kori akitojokun.

Yer. 4:7

Elomunit anakibois keŋ ekenyasunan ŋakwapin lopite ŋolo elomunia eŋatuny anamoni, aloma iŋes anakibois keŋ akituruwor akwap kus acaryoit; eruwor ŋitaunio kus ŋulu inyasunitae, ŋulu emam ŋituŋa iboiyoto.

Esek. 17:10

Ee, tari kire keduparitae ekitoe ŋol, epedori nai kire iŋes akiyar ka apol a? Nyeiniyari mono iŋes apaki ŋina ekutakinia ekuwuam ŋolo ebunit alo Kide a? Nyeiniyari mono iŋes aneni sek elomunitor a?’ ”

Esek. 19:12

Nai apotu ŋituŋa ŋulu aŋoito torutut iŋes, kimasakis kwap. Abu ekuwuam ŋolo akutunit alo Kide kitooniyo iŋes, toraraar ŋaraito keŋ, toiniya atorom keŋ ŋin ŋina agogoŋon, ido abu akim tonomiya.

Dan. 11:17

Iwuakini iŋes natameta keŋ abunore a agogoŋ a ŋituŋa a akwap keŋ a daadaŋ; eyauni iŋes ŋakiro ŋuna a ekisil ka itiyakini iŋes ŋun. Einakini erwosit ŋolo alo Kuju nakoku keŋ neni a erwosit a ŋolo alowae a ŋolo alo Kwap aŋuna ka akikamarya apukan keŋ, nai nyiyookin ayeunet keŋ ka nyiŋarakinete iŋes ŋun.

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Osea 13:15

Tari kelalata ŋituŋa a Isirael aneni a ŋikaitotoi kec, eyakuuni ayoŋ ekuwuam bu alo Kide, ebuni ekuwuam ŋolo ke Ekapolon analoŋisat itooni ekuwuam ŋol ŋiitan kec ka ŋakare kec, epyaari ekuwuam ŋol ibore ŋini ajokan daadaŋ anakwap kec.

Abak. 1:17

Erubakini mono iŋes jik isitiyae ŋileŋia keŋ ka emunyanari ŋituŋa a ŋakwapin emam akisyon a?

Abak. 1:6

Ainakini ayoŋ ŋituŋa a Babilon apedor ŋinakipukaet, ainakini apedor lotuŋa ŋul ŋulu aryenyaanak, ŋituŋa ŋul nyiyeŋununeete. Elosete ikes etubete akwap, aŋuna ka akikamanar ŋakwapin toruworos ŋuna kec.

Ŋirom. 9:27

Abu ekadwaran Isaya kisileereu ŋakiro a Ŋisirael tema, “Tari kelalak ŋituŋa ŋulu a Isirael ketya asinyon ŋina ka anam, ŋidikudyo bon eiunio;

Ŋikat. 7:12

Alalak nooi Ŋimidian, Ŋiamaleki ka ŋituŋa a ŋikabilae a ŋulu a lo Kide, apetakina akadipaalat daadaŋ esibit emaase, pa apedoryo akimarun ŋikaala kec, alalak nooi asibit asinyon alodiyete anam.