Abak. 1:4 - Ebaibul

⁴ Aŋun, nyeriŋa emisitae ŋuna ebasi ŋikisila, emam ŋuna iyookino ŋuna itopolooritae, irikaete ŋulu aronok ŋulu iyookino. Aŋun, emanar akiyookino kaku.

Abak. 1:4 Iomraidhean Croise

1 Ŋirw. 21:13

Potu nai ŋikesitakinak a Nabos ŋasyanisya ŋunaarei kiboikinos epeiwae Nabos, ido kisitakis ŋasyanisya ŋun Nabos alokiŋaren ŋituŋa temasi, “Adau Nabos akicen Akuj ka erwosit.” Aŋun apotu ikes yaasi Nabos kiŋa etaun tocaka iŋes a ŋamoru.

Yob 21:7

Kaanukiro erubakinitotor ŋikaronok eyarete iatatar ŋikaru ŋulu ka apolou kec ka eruwonorotor ikes ŋulu etirok anapedor?

Ŋikiru. 11:3

Ani kemunaar ŋakiro daadaŋ, nyo epedori ituŋanan ŋini iyookino akitiyakin?”

Ŋikiru. 119:126

Okoe Ekapolon, adol apaki ŋina emaikina iyoŋ kitiyakinia ŋun, anerae abili ŋikisila kon.

Ŋikiru. 22:12

Ekerimokinito ayoŋ ŋimoe ŋulu alalak; ekerimokinito ayoŋ ŋimoe ŋulu agogoŋok, ŋulu ikote egogoŋ ŋimaaniko ŋulu a Basan.

Ŋikiru. 22:16

Ekerikaut ayoŋ ŋimoe kaŋ, ekerikau ayoŋ ajore a ŋituŋa a ŋulu aronok. ecumucumasi ikes ŋakan ka ŋakejen kaŋ.

Ŋikiru. 59:2

Tolakunae ayoŋ aneni a ŋulu itiyaete aronis toiunae ayoŋ aneni a ŋulu ebobokinit akiar ŋituŋa.

Ŋikiru. 59:4

Emam ŋuna adyekarit ayoŋ, nai etenito ikes akisiryakin ayoŋ. Bua Ekapolon ikiŋarak ayoŋ; kiŋolik epite ŋolo aryamunitor ayoŋ ŋican.

Ŋikiru. 94:3

Okoe Ekapolon, apaki ŋina etya ai erubakiniata ŋulu aronok? Apaki ŋina etya ai erubakiniata ikes elakara?

Awos. 23:2

Kimyekisi akiwuapit ŋasepico a ŋituŋa a ŋulu ecamito akitiya aronis. Ani ilimorete iyes ŋakiro kus aloikiiko, nyimunono ŋuna iyookino, ido nyirworo alyokonu iriito ka ŋikalalak.

Awos. 23:6

Nyimunono aloikiiko ŋakiro ŋuna iyookino apaki ŋina isitakinitere ŋikulyak esecito.

Isa. 5:20

Ekaŋ iyes ŋulu ibasi ŋuna aronok ejokak ka ŋuna ajokak eroko, iyes ŋulu itusubut akica akiryonut ka itusubut akiryonut akica, iyes ŋulu ituruwosi ibore ŋini abobon ŋini edwar ka ituruwosi ibore ŋini edwar ŋini abobon!

Isa. 59:12

Elal isua abilibil ŋikisila alokiŋaren kon, ikisitakinito isua ŋasecisya kosi. Kire ikibilibilit isua ŋikisila anepei a ne ka ikiyeni isua ŋasecisya kosi,

Yer. 12:1

Okoe Ekapolon, irae iyoŋ jwi jwi ŋolo iyookino, ani kekesitak ayoŋ iyoŋ; esyakini nabo ayoŋ akirworo ŋuna ka akiyookino kon. Kaanukiro erubakinitotor ŋipitesyo a ŋulu itiyaete ŋuna aronok elosete kiŋaren ejok? Kaanukiro erubakinitotor ŋulu nyikinyomitae eyakatar akiyar ŋina ajokan?

Yer. 12:6

Anerae tari ŋiyeneta kon ka ŋituŋa a ekal kon ikilukis iyoŋ; igworosi ikes ikitoroniarito iyoŋ; nyinup ŋakiro kec tari kirworosi ikes ŋakiro ŋuna ka akoneo neni kon.”

Yer. 26:8

Ani kedau Yeremia akirwor ŋakiro daadaŋ ŋuna ecikit Ekapolon iŋes alimokin ŋituŋa daadaŋ, apotu ŋisacaradotin, ŋikadwarak ka ŋituŋa daadaŋ kikamut Yeremia temasi, “Emaikina iyoŋ totwan!

Yer. 8:7

Eyeni tari ŋina erae acolikokot ŋapakio keŋ ka iyokiyete ŋakuryo, ŋikaporookokoe ka ŋiwalui apaki ŋina eponiata, nai nyeyenete ŋituŋa kaŋ ŋikisila a Ekapolon.

Esek. 9:9

Abu Akuj okoboŋok ayoŋ tema, “Epol nooi asecit ŋina itiyato ŋituŋa a Isirael ka ŋulu a Yudaya, elal nooi akiar ŋituŋa anakwapin kec ka elal nooi akitiya ŋuna nyiyookino alo Yerusalem, anerae ebasi ikes, ‘Nyeriŋa Ekapolon emitakinit akwap yok, nyeriŋa Ekapolon ite ŋuna ikitiyae iwon.’

Osea 10:4

Irworosi ikes ŋakiro ŋuna nyitiyakinite, ikoŋete ikes alyokonu, ido tocamunos. Aŋun, alalaar akisitanakin a ŋakiro a ŋunacaryo, lopite ŋolo epetakinor edowan neni itatae.

Amos 5:12

Kire, ayeni ayoŋ alalau a ŋasecisya kus ka epite ŋolo iseceneneata iyes a ŋinapaki; isicanete iyes ŋituŋa ŋulu iyookino, ijaanarete ŋakaluŋuluŋui, nyetubonokinio iyes ŋikulyak anakiyookino aloikiikoi kus.

Amos 5:7

Ekaŋ iyes ŋulu ilocete akiyookino toruwor ibore ŋini nyejok, iyes ŋulu itojokito aronis, iyes ŋulu imyekinito akitiya ŋuna iyookino!

Mar. 7:9

Tolimok nabo Yesu ikes tema, “Iyenete iyes kire epite ŋolo ŋeryet ŋakiciketa ŋuna ka Akuj, ikotere iricakiniata ŋitalyo kus.

Ŋitic. 7:52

Eyai mono ekadwaran epei daŋ ŋolo apotu atapapaa kus nyisicana a? Apotu ikes toara tari ŋulu adwarete abunore ŋina a ŋolo Iyookino, a ŋolo tokona idaut iyes alukin ka akiar.

Ŋitic. 7:59

Ani erubakinete ikes ecakete iŋes, kilip tema, “Ekapolon Yesu, kijaa etau kaŋ!”

Ŋirom. 3:31

Itoodiunito nai ŋun atemar ikijamuwarit iwon Ŋikisila aŋuna ka anupit a ŋin a? Mam jik! Akilo, ikitopoloorit iwon Ŋikisila.

Ŋikis. 16:19

Tocoito ilocete ŋakiro ŋuna iyookino, totubete ŋakiro anakiyookino emam ariit ka ice, nyicamut ŋakaluŋuluŋui, anerae iteesikini akaluŋuluŋut ŋikaosok akitiya ŋuna iyookino ka iloci ŋakiro a ŋulu iyookino.