Abak. 1:3 - Ebaibul

³ Kaanukiro ikimyekinia iyoŋ ayoŋ ete itiyao ŋakiro ŋuna nyiyookino? Kaanukiro icamakinitor iyoŋ ŋuna nyiyookino? Eyakasi diyete kaŋ amunyaro ka aryenyeo; elalak nooi ŋijiesyo ka ŋiburasinei.

Abak. 1:3 Iomraidhean Croise

Ekal. 4:1

Abu nabo ayoŋ oŋoleŋolek, eŋolik epite daadaŋ ŋolo atiŋitere ŋituŋa anakwap a na erono. Abu ayoŋ eŋolik ŋakiyo a ŋulu atiŋitae erono, amamukatar ikes ituŋanan ŋini isirworiuni ikes; ayai apedori neni a ŋulu ainakinito ŋican neni kec, mam ituŋanan arae ikesirworiunan ŋulu atiŋitae erono ŋul.

Ekal. 5:8

Ani kiŋolik anakibois etiŋitae ŋulu a ŋican erono ka emam atubonokin anakiyookino ka akiwuapit ŋuna iyookino, nyiumok aŋuna a ŋakiro a ŋun, anerae ite ŋini epol ŋuna itiyae ŋini nyepol akilo iŋes ka eyai ice ŋini epol akilo ikes.

Isa. 46:12

“Iyes ŋituŋa ŋulu egogoŋ ŋakyes, iyes ŋulu ilwaka analakuno!

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Yer. 15:10

Mam alakara ayakar ayoŋ! Kaanukiro kekedounio ayoŋ toto kaŋ ekewuak nakwap na? Arae ayoŋ ekile ŋolo ekesiburao ka eketepegitae anakwap a daadaŋ! Nyidenikino ayoŋ idiobore neni a ituŋanan ka nyideniuno ayoŋ idiotuŋanan ibore, nai ekecenete ikes daadaŋ ayoŋ.

Yer. 20:18

Kaanukiro ekedounere ayoŋ akiŋolikin ŋican ka akiyaloloŋ, ido oyar ŋirwa ŋulu a akiyar kaŋ daadaŋ ayakar ŋileec.

Yer. 20:8

Apaki daadaŋ ŋina alimunio ayoŋ ŋadikiro, emaikina ayoŋ ekalou, emaikina ayoŋ ocelu abala, “Aryanyeo ka akinyasuno!” Aruwor akirot a Ekapolon aneni kaŋ ibore ŋini ekeyanyere ayoŋ ka ŋini akajamuwaritere apaaran jwii.

Esek. 2:6

Nai iyoŋ lokoku a ituŋanan, nyikuryaniar aŋuna kec, kori nyiker ŋakiro kec tari kiyai iyoŋ nakitukuruworeta ka kepipil ŋakiro kec ikwa ŋikukwa, kori kiboi iyoŋ alokidiŋ ŋituŋa ŋulu ikote ŋitwania. Nai nyikuryaniar aŋuna a ŋakiro kec ka nyikitubulo ikes iyoŋ iŋolikini, anerae erae ikes ekal ŋolo aŋeron.

Mat. 10:16

“Topupokisi, ekeyakiyarit ayoŋ iyes ikwa ŋamesekin alokidiŋ ŋipeei. Topiiryaka ikwa ŋimuno ka kiyapara alopitesyo kus ikwa ŋakuryo.

2 Pet. 2:8

Eboi Lot ŋolo ewuapit epite ŋolo ecamit Akuj ka ikes, nai eyaloloŋi iŋes a ŋinakoloŋit a ŋakiro a ŋuna aronok, a ŋuna ete ka topupi itiyaete ikes.