3 Yoa. 1:2 - Ebaibul

² Ekaakone ŋolo minat, elipit ayoŋ atemar tomameete ŋace ŋuna aronok aneni kon, ka toŋalee iyoŋ ejok; ayeni ayoŋ atemar iŋale iyoŋ alotau kon.

3 Yoa. 1:2 Iomraidhean Croise

Mat. 9:12

Ani iirari Yesu ŋakiro kec, toboŋok tema, “Nyiitanito ŋituŋa ŋulu eŋaleete emuron, nai ŋulu edyakasi.

Ŋipil. 2:27

Kire adyaka iŋes ka adikino etwani. Nai abu Akuj kitimok iŋes nooi; meere iŋes bon, nai abu eketimok ayoŋ daŋ, ikotere nyiyatakin akiyaloloŋ kaŋ.

Ŋipil. 2:4

Nyitemokino idio alokidiŋ kus etamuna bon, nai itemokino totamunite ŋuluce daŋ.

2 Ŋites. 1:3

Ŋikaitotoi, itemokino isua olakaros neni ka Akuj ŋapakio daadaŋ aŋuna kus. Iyookino ŋun, anerae iyata anupit kus nooi ka daŋ epoloe amina ŋina iyakatar iyes alokidiŋ kus make.

2 Ŋites. 2:13

Ŋikaitotoi, itemokino isua olakaros neni ka Akuj ŋapakio daadaŋ aŋuna kus a ŋulu ikimina Ekapolon. Anerae abu Akuj itoseu iyes anakisyakinet aŋuna ka aiuno alotooma akiteseguno kus aneni ke Etau a ŋolo Asegan ka alotooma anupit kus ŋakiro ŋuna a kire.

Yak. 5:12

Nai ŋuna apolok nooi, ŋikaitotoi, ani iikinete iyes ibore idio, nyikoŋ nakuj kori akwap kori nyilimu akikoŋiet ace. Temasi iyes “Ee,” torae kire ee ka “Mam,” torae kire mam, ikotere nyilomasi natubokino ŋina ka Akuj.

1 Pet. 4:8

Akilo ŋun daadaŋ, tominanaros make nooi, anerae erapuwarit amina ŋasecisya ŋuna alalak.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.

3 Yoa. 1:1

Abaruwa aneni ke ekatukon, neni a Gaio a ŋolo amina ayoŋ kire.

Akis. 2:9

Ayeni ayoŋ ŋatyokisyo kon ka ayeni ayoŋ atemar ikulyakana iyoŋ, nai kire ibarit! Ayeni ayoŋ tari ŋuna aronok ŋuna ikirworotor iyoŋ ŋituŋa ŋulu ebasi ebe ikirae ikes Ŋiyudayan, nai nyerae; eraakasi ikes atukot ŋina a Satan!