2 Yoa. 1:8 - Ebaibul

⁸ Tocoikinito nyitwakiasi eropit ŋolo idaut iyes akitiyaun, ikotere iryamunete eropit kus daadaŋ.

2 Yoa. 1:8 Iomraidhean Croise

Dan. 12:3

Ecaunete ŋikaosok lopite ŋolo ecaya akoloŋ alokidiama, ido ecaunete ŋikaru ka ŋikaru ŋulu erikunete ŋulu alalak nakiyookino lopite ŋolo ecayata ŋikacer.

Mat. 24:4

Toboŋok Yesu ikes tema, “Tocoito nyikimodik idiotuŋanan iyes.

Mar. 13:23

Tocoikinito! Adau ayoŋ alimokin iyes ŋakiro daadaŋ eriŋa ŋirwa ŋul nyedoluno.”

Mar. 13:9

“Tocoito iyes, anerae epote ikes arikor iyes loikiikoe ka ikibuŋaete alosinagogae. Ikitowuoyo iyes alokiŋaren ŋikepukak ka ŋikapolok ŋice daŋ aŋuna kaŋ. Apaki ŋin, iŋes iruworotor iyes ŋisuudae kaŋ.

Luk. 19:19

Tolimok ekapolon ŋolo daŋ tema, ‘Ipolokini iyoŋ ŋitaunio ŋikan.’

Luk. 21:8

Toboŋok Yesu ikes tema, “Tocoito nyikimodik ituŋanan. Epote ŋikalalak irworosi alokiro kaŋ ebasi, ‘Ayoŋ iŋes ŋolo!’ kori ebasi, ‘Adol apaki!’ Nai tocoito iwuapakinete ikes.

Yoa. 4:36

Eryamuni ŋolo elemi eropit ŋolo ka akilem--ŋaraito ŋuna ka akiyar a ŋina nyedaun, ikotere elelyanete ŋolo etan ka ŋolo aleman kaapei.

1 Ŋikor. 15:8

Ekaku a daadaŋ, abu eketoodikin ayoŋ daŋ, tari kekoni ayoŋ ituŋanan ŋini ikirikiriunitae akidoun.

1 Ŋikor. 3:14

Ani pa kenomiya akim ibore ŋini kedukokinit ituŋanan ŋin nakisyakinet, eryamuni iŋes eropit.

1 Ŋikor. 3:8

Ikwaan ituŋanan ŋini edupi ka ŋini ebuki ŋakipi ka eryamuni ŋinituŋanan aneni ka Akuj eropit lotyae ŋolo ke etic keŋ.

Ŋigal. 3:4

Apotu mono ŋican ŋulu ipotu iyes toryamut aŋuna a Ŋakiro a ŋuna Ajokak toruworos ŋikoŋinae a? Kire, pa arae ŋikoŋinae!

Ŋigal. 4:11

Akabulit ayoŋ aŋuna kus! Apolou keŋ mono atemar etic daadaŋ ŋolo etiya ayoŋ aŋuna kus aruwor ekoŋinait a?

Ŋipil. 3:16

Tari kikote neni daŋ, oloto lopite ŋolo pei sek itiyaere iwon.

Ŋibur. 10:32

Totamutu ŋuna koloŋ apotu kitiyakin neni kus. Alorwa a ŋul, kidaut iyes ayenun ŋakiro ŋuna ka Akuj ipotu iyes toryamut ŋican ŋulu alalak, nai tari kikote nen, ipotu nyijamakis.

Ŋibur. 10:35

Aŋun, nyijamakis atitinyikinit kus ŋina ikiteryamuni iyes eropit ŋolo apolon.

Ŋibur. 12:15

Tocoito nyiboŋosi anajokis a ŋina ka Akuj. Nyitemokino idio kus ikokini ekitoe ŋolo erono adwaris keŋ, ido yau ŋican ka tomunaiya ŋikalalak.

Akis. 3:11

Abunit ayoŋ atipei. Torubak iricit anupit ŋina iyakar iyoŋ, ikotere nyikidema iyoŋ icetuŋanan eropit ŋolo ka akiloun.