2 Tim. 4:2 - Ebaibul

² kisera Ŋakiro ŋuna ka Akuj, torubak iserae ikes anapaki a ŋina itemokino, kori nyitemokino, kitepeg ŋuna edyakara, kikilyak ka kimaima apaki ŋina itatamya alotooma atitinyikinit daadaŋ.

2 Tim. 4:2 Iomraidhean Croise

Ŋikiru. 40:9

Eserae ayoŋ aŋuna aŋakiro ka alakara anatukot a ŋituŋa a ŋulu ecunakina akilip; nyililiŋa ayoŋ akirworo ŋuna ka aiuno kon, ikwapei iyenia iyoŋ okoe Ekapolon.

Yona 3:2

“Tonyou, tolot Ninepe, lotaun ŋol ŋolo apolon nooi, kisera neni a ŋituŋa keŋ ŋakiro ŋuna akalimok ayoŋ iyoŋ.”

Luk. 7:23

Erereŋ nooi ituŋanan ŋini nyejamakini anupit keŋ aŋuna kaŋ!”

Luk. 7:4

Ani epote ikes neni a Yesu, kimaimaa iŋes temasi, “Itemokino iyoŋ kiŋarak ekile lo,

Luk. 9:60

Toboŋok Yesu iŋes tema, “Kimyek ŋikatwak tonuka ŋikatwak kec. Ape iyoŋ kisera ŋakiro ŋuna ka Apukan ka Akuj.”

Ŋitic. 13:5

Ani edolete inaa, tolomasi lotaun ŋolo enyaritae Salamis, kiserata ikes ŋakiro ŋuna ka Akuj alosinagogae a Ŋiyudayan. Arukito ikes ka Yoana ŋolo arae Mariko, ŋolo eŋarakinit ikes.

Ŋitic. 16:13

Ani edoli akoloŋit ŋina a Sabato, tolotoi isua kiŋa etaun diyete aŋolol, neni atamakinitae isua atemar kori etukonokin Ŋiyudayan akilip. Kiboikinetei isua, kirworoe neni a ŋaberu a ŋuna atukokina nen.

Ŋitic. 20:7

Akoloŋit ŋina ke Esabit, apaki ŋina ikiyakar isua iwapei akinumunum Akimuj ŋina ke Ekapolon, abu Paulo kirwor neni a ŋikanupak a ŋulu a nen akitodol kidiŋ akuwar, aŋuna arotokinitor iŋes taparacu keŋ.

Ŋitic. 28:16

Ani edolyo isua Roma, tocamakinae Paulo akiwarun akai keŋ bon, nai torukito ka esigarit ŋolo eten iŋes.

Ŋirom. 10:15

Ikokinio iserao ŋakiro ŋuna ka Akuj ai, erae pa kiyakiyar ŋikiyakia? Ikwaŋinapei ebaakatar Ŋakigireta ebe, “Ejok nooi abunore ŋina a ŋulu eyaunete Ŋakiro ŋuna Ajokak.”

Ŋirom. 12:12

Kimyekisi akigeno kus ikiturubak iyes ilelyanete, kidaŋidaŋete alocan kus ka kilipete jwi jwi.

Ŋigal. 6:6

Itemokino ituŋanan ŋini itatamyo ŋakiro ŋuna a Ŋikristo tomora ka eketataman keŋ ŋiboro ŋulu ajokak daadaŋ ŋulu eyakar iŋes anakiyar keŋ.

Ŋikol. 1:25

Abu Akuj eketuruwo ayoŋ eketiyan ŋolo a Ŋikristo, abu iŋes okoinaki ayoŋ etic lo akitiya aŋuna kus akiteyenun ŋituŋa daadaŋ ŋakiro ka Akuj.

Ŋikol. 4:3

Kilipeneneete aŋuna kosi daŋ, ikotere ikiinakini Akuj isua apaki ŋina ajokan ŋina limonokinet ŋakiro ŋuna imunono, ŋuna erae ŋakiro a Kristo, ŋuna erae ikes pei ayakar ayoŋ mabus.

1 Ŋites. 1:6

Ipotu iyes ikituputo isua ka Ekapolon, anerae ipotu kijaut ŋakiro ŋuna ka Akuj ka alakara a ŋina ebunit aneni ke Etau a ŋolo Asegan, tari ŋina daŋ iponiata iyes toryamuniata ŋican ŋulu alalak.

1 Ŋites. 5:14

Ikimaimai isua iyes ŋikaitotoi, kisirworiut ŋituŋa ŋulu ekalanyaka, kisimukekisi ŋulu ekuryaka, kiŋarakisi ŋulu epalag, todaŋa ŋituŋa daadaŋ.

1 Ŋites. 5:20

nyijamuwanarete ŋakiro ŋuna edwaritae.

1 Tim. 4:13

Kiwuak ŋatameta kon daadaŋ ka agogoŋu kon daadaŋ nasyomanakin ŋituŋa ŋakiro ŋuna ka Akuj, nalimonokin ka nakitatam akitodol ŋina abunio ayoŋ.

1 Tim. 5:20

Kisibura iteete ŋituŋa daadaŋ ŋulu eseceneneete, ikotere ekerete ŋuluce akitiya ŋun.

2 Tim. 2:21

Ani nai kitesegun ituŋanan bon anakiro a ŋuna aronok a daadaŋ, eruwor iŋes eborosit ŋolo kisitiya aloticisyo a ŋulu epolok; itesegunitae iŋes ka epedori Ekapolon keŋ akisitiya iŋes, anerae etenit aŋuna a ŋiticisyo a ŋulu ajokak a daadaŋ.

2 Tim. 2:25

Itemokino iŋes erae ŋolo epatana apaki ŋina itatamya ŋulu itepegete iŋes, anerae acepaki einakini Akuj ikes apaki ŋina kiet ŋasecisya kec, ido toyenut ŋuna a kire.

2 Tim. 3:10

Nai ŋuna ikikamunito iyoŋ, idau akiwuap akitatam kaŋ, ŋipitesyo kaŋ ka ŋuna alosikinit ayoŋ anakiyar; idau iyoŋ akiwuap anupit kaŋ, atitinyikinit kaŋ, amina kaŋ, akidaŋidaŋ kaŋ,

Tito 1:13

Iyookino ŋakiro ŋuna abu iŋes tolimu. Aŋakiro a ŋun, itemokino iyoŋ kisibura ikes nooi, ikotere toruworos ikes ŋikanupak ŋulu ajokak;

Tito 2:15

Kitatam ŋakiro ŋun; kisitiya apolou daadaŋ ŋina iyakar iyoŋ apaki ŋina isimukekinitor ka ŋina isiburaa ikes epupete ŋakiro ŋuna irworo iyoŋ. Nyicamak idio alokidiŋ kec ikimenit iyoŋ.

Ŋibur. 13:22

Ekemaimai ayoŋ iyes ŋikaitotoi kaŋ atemar topupokis alotooma akidaŋidaŋakinit ŋakiro nu ŋuna ka akitumunikin, anerae nyeoya abaruwa na ŋina ekegirak ayoŋ iyes.

Akis. 3:19

Eyayakini ka esicani ŋulu amina ayoŋ; aŋun, tomwakutu tokiwa!