2 Tim. 4:13 - Ebaibul

¹³ Ani ibuni, yau ekoti ŋolo abu ayoŋ oesik alo Toroas aneni a Karipo; yau ŋikitaaboi daŋ, akilo nooi ŋulu itiyaunitae a ŋilowi a ŋakinei.

2 Tim. 4:13 Iomraidhean Croise

Mat. 5:40

Ani kecamit ituŋanan akiya iyoŋ loikiiko aŋuna ka ademar ekoti kon, inak iŋes esati daŋ.

Ŋitic. 16:11

Todokae isua ameeli alo Toroas tocorotae tari Samosirake, akoloŋit ŋina atupakini todoloi Neapolis.

Ŋitic. 16:8

Aŋun, kitoro ikes Misia, totiyaaros Toroas.

Ŋitic. 20:38

Egworosi ikes ka eyaloloŋete nooi a ŋakiro a ŋuna aris iŋes kelimu atemar nyiŋolikinete ikes iŋes nabo. Kitenakis nai iŋes nameeli.

1 Ŋikor. 4:11

Akitodol tokona daŋ, ikinyamit isua akoro ka akure; ikinapit isua ŋilowi ŋulu rocom; ikibuŋao ka ikimamukar ŋirerya.

2 Ŋikor. 11:27

Alal etic ka ŋatyokisyo; ŋarwa ŋakalalak pa ajotoonor ayoŋ; abu akoro ka akure okonyam, ŋarwa ŋuna alalak, amam akimuj ŋina etemokino, amam neni perot, kori ŋilowi ŋulu napan.