2 Tim. 3:5 - Ebaibul

⁵ ŋulu esibito iricito ŋakiro ŋuna ke edin, nai kitoodiunite akiyar kec atemar emam apedor ŋina ka Akuj alotooma kec. Toŋer ŋituŋa ŋulu ikote ŋul.

2 Tim. 3:5 Iomraidhean Croise

Isa. 29:13

Alimu Ekapolon ebe, “Eapiyete ŋituŋa lu aneni kaŋ anakiro aŋuna irworosi ka eketopoloorito ayoŋ anakiro aŋuna irworosi, nai elwaka ŋitai kec aneni kaŋ, erae akilip kec neni kaŋ ŋina iwuapitere ŋikisila ŋulu etatamyo ikes eboonokin alimunun.

Mat. 7:15

“Tocoito ŋikadwarak ŋulu alyokonok; epote ikes neni kus epataka ikwa ŋamesekin, nai alotai kec ikote ŋipeei.

Ŋiep. 4:14

Ejoŋoo nai iwon ayakau ikisibit ŋidwe, ŋulu ikiryaŋiryaŋete ŋakitatameta a ŋituŋa a ŋulu alyokonok, ikwa ataker ŋina iryaŋiryaŋete ŋikaguragurae ŋulu a ŋakipi; iteseceneneete ŋituŋa ŋul ŋuluce aŋuna ka amodiyo a ŋina elimonokinete ikes.

2 Ŋites. 3:14

Ani kewou idiotuŋanan akiwuap ŋuna irworoe isua anabaruwa a na, tocoikisi iŋes ejok, ka totyakaros aneni keŋ, ikotere kiruma iŋes ŋileec.

2 Ŋites. 3:6

Ŋikaitotoi, ikicikakinit isua iyes alokiro ke Ekapolon Yesu Kristo, atemar totyakaros aneni a ŋikaitotoi a ŋulu ekalanyaka, ŋulu nyiwuapito ŋakiro ŋuna aponi isua kitatamae.

1 Tim. 4:7

Nai toŋer ŋiemuto ŋulu nyecamam ka ŋakiro ŋuna ka Akuj, ŋulu emam apolou kec. Torubak itatama bon aruwor ŋolo iboi anakiyar a ŋina ecamit Akuj.

1 Tim. 4:8

Ejok akitiya etic edio aŋuna ka akuwan toryamunia agogoŋu, nai ejok alowaetin a daadaŋ arubakin itatama akiboi anakiyar a ŋina ecamit Akuj, anerae ikiikinete ŋun akiyar ŋina a tokona ka ŋina a rwanu.

1 Tim. 5:8

Nai ani pa kidarit ituŋanan ŋiyeneta keŋ, akilo nooi ŋituŋa ŋulu ke ekal keŋ, adau iŋes akiŋer anupit Kristo ka aroniar nooi akilo ŋini nyenupit.

1 Tim. 6:5

ŋipegeta ŋulu nyedaun alotuŋa a ŋulu nyisitiyaete ŋatameta kec, ŋulu nyeriŋa eyakatar ŋakiro ŋuna a kire. Etamete ŋituŋa ŋul atemar edin iŋes erot ŋolo eryamunere ebari.

2 Tim. 2:16

Toŋer ŋakiro ŋuna koŋinae ŋuna nyecamam ka ŋakiro ŋuna ka Akuj; itooliyorete ikes ŋituŋa aneni ka Akuj.

2 Tim. 2:23

Toŋer ŋipegeta ŋulu a ŋimasimas ka ŋulu ka abaŋao, anerae iyeni iyoŋ atemar ebura bon eyaunete ikes.

Tito 1:16

Ebasi ikes iwogasi ebe ikiyeni Akuj, nai itepegito ŋiticisyo kec ŋun. Erae ikes ŋulu emoitaka, nyepupete ŋakiro ka nyepedorete akitiya idiobore ŋini ajokan.

Tito 3:10

Ani keyau ituŋanan idio atyakatyaka aŋuna a ŋakiro a ŋun, tolimok iŋes apeilimokinet kori ŋalimokinet ŋaarei bon, ido ekaku todaun iyoŋ ka iŋes ŋace jik.