2 Tim. 3:16 - Ebaibul

¹⁶ Ŋakiro daadaŋ ŋuna igiritae Nakigireta erae ŋuna ieŋakinit Akuj Etau keŋ; ejokak ikes akitatamya ŋuna a kire, akitepegia ŋuna edyakara, arikinio ŋuna emunaara ka alimonokinia ŋakiro ŋuna ka akiyar a ŋina iyookino,

2 Tim. 3:16 Iomraidhean Croise

2 Sam. 23:2

“Irworo etau a Ekapolon aneni kaŋ, eyai akirot keŋ naŋajep kaŋ.

Neem. 9:20

Ibu iyoŋ inak ikes etau kon ŋolo ajokan akitatam ikes, nyelemara iyoŋ Manna kon anakituka kec ka ibu iinak ikes ŋakipi aŋuna ka akure.

Ŋikiru. 119:11

Ericit ayoŋ nooi akirot kon alotau kaŋ, ikotere ayoŋ nyasec aneni kon.

Ŋikiru. 119:130

Epite ŋolo isileereunitere ŋakiro kon, ikiinakinete apiiryanut; einakinete apiiryanut neni a ŋulu emam ŋuna eyenete.

Ŋikiru. 119:9

Alipite epedoryata ŋisorok akiwuapakin ŋipitesyo kec erae ŋulu ajokak? Erae anakiwuapit akirot kon.

Ŋakit. 15:10

Eyai akisicanio ŋina apolon nooi neni a ŋini nyiwuapi ŋuna ebookoi kiwuapa, nai ituŋanan ŋini nyecamit alimokino atemar toesik akitiya ŋuna aronok, etwani.

Ŋakit. 15:31

Ituŋanan ŋini iiranari ŋakiro ŋuna aronok daadaŋ, ŋuna elimokinatae iŋes atemar toesik, eminakini akiboi aneni a ŋikaosok.

Ŋakit. 6:23

Erae ŋakiciketa ŋun etaa aneni kon ka erae ŋakitatameta ŋun akica aneni kon erae ŋuna ebookoi iyoŋ toesik ŋuna ikitatamete epite ŋolo emaikina iyoŋ toyarya.

Mika 2:7

Itami iyoŋ icenen Ŋisirael a? Adaun mono atitinyikinit aneni ke Ekapolon a? Epedori mono iŋes kire akitiya ŋakiro ŋuna ikote ŋun a? Nyirworo mono iŋes alotooma arimao neni a ŋulu itiyaete ŋuna iyookino a?”

Sepan. 3:2

Mam ipei daŋ ŋini iira iyoŋ ŋakiro keŋ; nyecamuna iyoŋ ŋuna ebookoi toesik. Nyikinyoma iyoŋ neni ke Ekapolon; nyeapuuna iyoŋ neni ke Ekapolon kon.”

Mat. 13:52

Tolimok Yesu ikes tema, “Itoodiunito ŋakiro ŋun atemar eketataman a Ŋikisila ŋolo itatamitae aŋuna ka Apukan a ŋina anakuj, ikoni elope a akai ŋolo itoodiuni anabaru keŋ ŋiboro ŋulu kitet ka ŋulu ŋorok.”

Mat. 21:42

Tolimok Yesu ikes tema, “Nyesyoma iyes ŋuna igiritae Nakigireta atemar, ‘Amoru ŋina koloŋ aŋerete ŋikadukok, iŋes tokona itogogoŋit akai alokoona a? Ekapolon elope etiyae nu, erae ŋakiro nu ŋuna etalakarak ŋuna ikite iwon!’

Mat. 22:43

Kiŋit Yesu ikes tema, “Nyo bo nai itanyaritor Etau ŋolo ka Akuj Daudi iŋes Ekapolon? Ebala Daudi,

Mat. 26:54

Nai ani kikokis neni, iyookinosi ikwaani Ŋakigireta ŋuna igiritae ebe itemokino ŋun totakanut?”

Mat. 26:56

Nai etiyakinosi nugu daadaŋ kiyookinotor ŋuna igirito ŋikadwarak.” Toesikis nai ŋikasyomak daadaŋ iŋes kielaros.

Mar. 12:24

Tolimok nai Yesu ikes tema, “Meere ba ŋakiro ŋun ikitooliyosi iyes, anerae nyiyenete iyes Ŋakigireta kori apedor ŋina ka Akuj?

Mar. 12:36

Alimokini Etau ŋolo Asegan Daudi alimun ebe: ‘Atema Ekapolon neni ke Ekapolon kaŋ, kiboikin iyoŋ teten kaŋ, akitodol neni ewuakinia ŋikonimoi kwap ŋakejen kon.’

Yoa. 10:35

(Ikiyeni atemar iyookino Ŋakigireta kire;) ido abu Akuj tonyara ŋituŋa ŋulu alimokinio ŋakiro keŋ, ŋakujo.

Yoa. 3:20

Ituŋanan ŋini itiyae aronis itidiŋit akica ka nyebuni nakica, anerae ekuryanit atemar isileereunio ŋiticisyo keŋ ŋulu aronok.

Ŋitic. 1:16

tema, “Ŋikaitotoi kaŋ, itemokino Ŋakigireta kiyookin lopite ŋolo koloŋ adwaritor Etau ŋolo Asegan anakituk a Daudi. Adwarit iŋes aŋuna a Yuda, a ŋolo etenuni ŋituŋa ŋulu ekamunete Yesu.

Ŋitic. 18:25

Kitatamitae iŋes ejok Erot ŋolo ke Ekapolon. Etatami iŋes ŋakiro a Yesu alopite a ŋolo eyookino ka alelakinit nooi; nai ayeni iŋes ebatisimu a Yoana bon.

Ŋitic. 20:20

Iyenete iyes atemar abu ayoŋ nyemunon idiobore ŋini eyai epoida aneni kus, abu okolimonok ka eketatamik anatukon ka alorerya kus.

Ŋitic. 20:27

Anerae nyimunono ayoŋ akiserakin iyes ŋuna daadaŋ ecamit Akuj.

Ŋitic. 28:25

Aŋun, torotokis ikes imocoete make, kedau Paulo alimun ebe, “Alimunit Etau ŋolo Asegan ejok neni atapapaa kus alorwor a ŋolo ke ekadwaran Isaya;

Ŋirom. 15:4

Ŋakiro daadaŋ ŋuna igiritae Nakigireta, aponi kigirae aŋuna ka akitatamya iwon, ikotere ikiryamuni akigeno anatitinyu ka anakimukekin ŋuna ikiinakinete Ŋakigireta iwon.

Ŋirom. 2:20

Irae eketataman a ŋibaŋaanotin, a ŋulu ikote ŋiŋwea ŋulu emam ibore eyenete. Erae kire atemar, alotooma Ŋikisila, iyakar iyoŋ aosou daadaŋ ka ŋuna a kire.

Ŋirom. 3:2

Eyai kire epoida lowaetin daadaŋ! Ŋuna iŋarenete, abu Akuj kicikak ŋakiro keŋ neni a Ŋiyudayan akiyok.

Ŋirom. 4:23

Ŋakiro ŋuna ebasi, “Abunio Akuj tocamunia iŋes erae ŋolo iyookino”, pa egiritae aŋuna keŋ bon.

1 Ŋikor. 12:7

Itoodiunitae ayakau ŋina ke Etau a ŋolo Asegan tooma ŋinituŋanan alopite ke ece, aŋuna ka akiŋarakinia ŋuluce daadaŋ.

Ŋigal. 3:8

Apotu Ŋakigireta koloŋ todwara atemar elimori Akuj atemar iyookinosi ŋituŋa ŋulu nyerae Ŋiyudayan aŋuna ka anupit kec. Aŋun apotu Ŋakigireta tolimokis Ŋakiro ŋuna Ajokak neni ka Aburaam temasi, “Iterereŋi Akuj ŋakwapin daadaŋ aŋuna kon”.

Ŋikis. 29:29

Erae ŋakiro ŋuna imunono ŋuna ke Ekapolon Akuj yok, nai ŋakiro ŋuna isileereunitoe, erae ŋuna yok ka ŋuna a ŋidwe yok ŋikaru ka ŋikaru, emaikina iwon ewuapa ŋakiro daadaŋ ŋuna a ŋikisila a ŋul.”

Ŋikis. 4:36

Abu iŋes ikisiira iyes etoil keŋ ŋolo abunit alokidiama, ikotere iyes iwuapete ŋuna iyookino. Abu iŋes ikitoodik iyes arira keŋ ŋina apolon nooi, ido ipupete iyes etoil keŋ ŋolo abunit anarira.

2 Tim. 2:25

Itemokino iŋes erae ŋolo epatana apaki ŋina itatamya ŋulu itepegete iŋes, anerae acepaki einakini Akuj ikes apaki ŋina kiet ŋasecisya kec, ido toyenut ŋuna a kire.

2 Tim. 4:2

kisera Ŋakiro ŋuna ka Akuj, torubak iserae ikes anapaki a ŋina itemokino, kori nyitemokino, kitepeg ŋuna edyakara, kikilyak ka kimaima apaki ŋina itatamya alotooma atitinyikinit daadaŋ.

Ŋibur. 11:1

Anupit iŋes ayenut kire atemar erae ŋakiro ŋuna ikigeno iwon ŋuna a kire, anupit iŋes amamukau ka aŋayaŋayat aloboro a ŋulu nyikite iwon.

Ŋibur. 3:7

Aŋakiro a ŋun, elimunit Etau ŋolo Asegan atemar, “Ani kiirasi etoil kaŋ nakoloŋit na,

Ŋibur. 4:12

Eyari akirot ŋina ka Akuj ka itiyae daŋ ka agogoŋu, iloit akwanis keŋ ŋina ka atum a ŋina ekwaka ŋiwaetin keŋ daadaŋ. Eduŋi todol tari neni iryamiryameta akiyar ka etau kori tari neni eya ŋakilenyet ka asumet, isileereununui ŋatameta ka ŋakiro ŋuna elosikinit etau.