2 Tim. 3:15 - Ebaibul

¹⁵ Itamunit iyoŋ atemar ameun ŋinapei eriŋa iyoŋ irae ikoku, iyeni iyoŋ ŋakiro ŋuna igiritae Nakigireta, ŋuna epedorete ainakin iyoŋ aosou ŋina ikirikori naiuno alotooma anupit Yesu Kristo.

2 Tim. 3:15 Iomraidhean Croise

2 Ŋakiro a ŋirwa 34:3

Ani edolete ŋikaru ŋulu epukator iŋes ŋikanikauni eriŋa iŋes erae edya, abu iŋes kisyak ayenun ŋuna ka Akuj a papaa keŋ a Daudi. Ani edolete ŋikaru keŋ ŋitomon ka ŋiarei, abu iŋes kisyak amunaanar alo Yudaya ka alo Yerusalem ŋakiboisyo ŋunamukur ŋuna elipere neni a ŋakujo, tomunaana tari ŋitorubei a ŋakujo ŋuluce daadaŋ.

Ŋikiru. 19:7

Iyookino ŋikisila ŋulu ke Ekapolon, ikisimukyanakinete anakiyar. Ikinyoma ŋakiciketa ŋuna ke Ekapolon, einanakinete aosou neni a ŋulu emam ŋuna eyenete.

Ŋikiru. 71:17

Okoe Akuj, ikitatam iyoŋ ayoŋ ŋinapei anasoroko kaŋ, ido arubakinit ayoŋ eserae ŋiticisyo kon ŋulu ka aumokin.

Ŋakit. 22:6

Kitatam ikoku eriŋa edit akiwuap ŋuna iyookino, ikotere ani epolouni, nyimyek akiwuapit ŋun.

Ŋakit. 8:17

Amina ayoŋ ŋulu akaminasi ayoŋ, akaryamunete ayoŋ ŋulu ekewarito elelakinito.

Ekal. 12:1

“Totamunito Ekasuban kus alorwa a ŋulu iriŋaakatar iyes irae ŋisorok, eriŋa ŋirwa ŋulu ka apalago nyedolo, eponito ŋikaru ŋulu itemaryata iyes ebe, ‘Mam nabo nyeriŋa akiyar aneni kosi esibit ibore ŋini ejok.’ ”

Dan. 10:21

Nai akalimokini ayoŋ iyoŋ ŋakiro ŋuna igiritae lokitaabo ŋolo a ŋakiro a ŋuna a kire. Mam ice ekeŋarakini ayoŋ akitijiore ŋikapolok ŋul mati Mikael bon ŋolo erae ekapolon kon.”

Mat. 22:29

Nai toboŋok Yesu ikes tema, “Idyakarito iyes, anerae nyiyenete ŋuna igiritae Nakigireta kori apedor ŋina ka Akuj.

Luk. 1:15

anerae erwoniar iŋes alokiŋaren Ekapolon. Nyitemokino iŋes tomat epiini kori idiobore ŋini ikitemerakini, ilelebun iŋes Etau ŋolo Asegan, tari eriŋa eyai nakook a toto keŋ.

Luk. 2:40

Topolou ikoku, togogoŋior, kilelebun aosou; kiterereŋ Akuj iŋes. Akuj aŋuna keŋ.

Luk. 24:27

Kisyak nai iŋes akisileerekin ikes ŋakiro ŋuna ka Akuj ŋuna igiritae Nakigireta aŋuna keŋ, ameun alokitaaboi a ŋulu a Moses tari lokadwarak daadaŋ.

Luk. 24:32

Kirworikinos ikes temasi, “Pa mono ariraete ŋitai yok ka alakara apaki ŋina erworor iŋes neni yok alorot ka ŋina ikisileerekinio iŋes iwon ŋuna igiritae Nakigireta a?”

Luk. 24:45

Toŋaaros ŋatameta kec toyenut ŋuna igiritae Nakigireta.

Yoa. 5:47

Nai ikwaŋina nyinupitotor iyes ŋuna egiri iŋes, ikokinete nai iyes inupete ŋuna erworo ayoŋ ai?”

Ŋitic. 10:43

Iteyenunito ŋikadwarak daadaŋ aŋuna keŋ atemar, ŋini daadaŋ enupi Yesu, isyoniyo ŋasecisya keŋ alokiro a Yesu.”

Ŋitic. 13:29

Ani kedaut ikes akisiyookin ŋakiro daadaŋ ŋuna egiritae aŋuna keŋ, apotu tolemut akuwan keŋ alomusalaba, kiperikis nalyal.

Ŋitic. 16:1

Todol Paulo tari Derube ka Listra. Ayai nen Ekristoit ŋolo anyaritae Timoteo, ŋolo arae toto keŋ Ayudayat ŋina anupit Yesu, nai arae papa keŋ Egirik.

Ŋitic. 17:2

Ikwaŋina araakar epite a Paulo, abu tolosene losinagoga. Kiyana iŋes ka ŋituŋa a nen ŋirwa ŋuluuni ŋulu arae ŋulu a Sabato, tolimonokini ikes ŋakiro ŋuna igiritae Nakigireta.

Ŋitic. 26:24

Ani irworikini Paulo aŋuna keŋ alopite a lo, kiŋenyak Pesto iŋes tema, “Ikikerepikinit iyoŋ Paulo! Kikimunaiya iyoŋ asyomit kon ŋina apolon!”

Ŋirom. 1:2

Kebu koloŋ sek Akuj kiik Ŋakiro keŋ ŋuna Ajokak neni a ŋituŋa ikwapei egiritotor ŋikadwarak Nakigireta.

Ŋirom. 16:26

Nai tokona esileereun ŋakiro ŋun a Nakigireta a ŋikadwarak ka eteyenikin lotuŋa a ŋibukui a daadaŋ lopite ŋolo icikakinitor Akuj ŋina nyesaluni; ikotere tonupa ka kiwuapa daadaŋ ŋakiro ŋuna ka Akuj.

Ŋirom. 2:27

Ituŋanan ŋini nyileŋeritae kiwuapite Ŋikisila, ikitubokini iyes alokiŋaren Akuj, anerae ibilibilyata iyes Ŋikisila tari kiyakatar Ŋikisila ŋulu igiritae ka ikileŋeritetei daŋ.

1 Ŋikor. 1:21

Ŋinapei koloŋ, abu Akuj anaosou keŋ nyecamak ŋituŋa ayenun iŋes anaosou kec, nai abu Akuj tolakar tocamu aiun ŋulu enupete anakiro a ŋuna ikilimonokin iwon, a ŋuna erae abaŋao aneni a ŋituŋa.

Ŋiep. 6:4

Atapapa, nyitoŋoa ŋidwe kus; nai akilo, kitopoloutu ikes alopitesyo a ŋulu ajokak ka anakitatam ŋuna ke Ekapolon.

Ŋikis. 4:6

Emaikina iyes kiwuapa ikes ejok, anerae itoodiunete ŋun aosou kus ka apedor ŋinayenunet ŋakiro aneni a ŋituŋa a ŋakwapin, ido ani iirarete ikes ŋuna a ŋikisila a ŋul, etemarete ikes, “Kire jik erae ŋituŋa lu ŋulu aosok ka ŋulu eyakatar apedor ŋinayenunet ŋakiro!”

1 Tim. 4:13

Kiwuak ŋatameta kon daadaŋ ka agogoŋu kon daadaŋ nasyomanakin ŋituŋa ŋakiro ŋuna ka Akuj, nalimonokin ka nakitatam akitodol ŋina abunio ayoŋ.

2 Tim. 1:1

Ayoŋ Paulo ekiyakia a Yesu Kristo, aŋuna ka acamit a ŋina ka Akuj, ŋolo ekeyakitae akisera akiyar ŋina ikimori iwon anakimorikina ka Kristo, ŋina abu Akuj ikiik iwon

2 Tim. 1:5

Atamunit anupit ŋina a kire ŋina iyakar iyoŋ, ŋina ikoni ŋina a tata kon Lois ka ŋina a toto kon Eunike. Ayeni ayoŋ jik atemar iyakar tari iyoŋ anupit ŋin.

2 Pet. 3:16

Ŋakiro ŋun ikes irworo Paulo apaki daadaŋ ŋina igirya a ŋabaruwae keŋ. Eya ŋakiro ŋace nabaruwae keŋ ŋuna etyono ayenun, ŋuna iloceneneete ŋituŋa ŋulu nyeyenete ka ŋulu eŋayaŋayato, ikwaŋina ilocoto ŋakiro ŋunace, ŋuna igiritae nakiro ŋuna ka Akuj. Aŋun, ipyedunito ikes ŋilopeyek akinyasuno kec.

Akis. 19:10

Abu oramakin kwap nakejen keŋ akilip, nai abu iŋes tema, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon, ŋulu erae ŋisuudae a Yesu. Kilip neni ka Akuj!” Anerae ŋuna iteyenunit Yesu ikes isirworete ŋikadwarak.

1 Sam. 2:18

Apaki ŋin, etiyanakini Samuel Ekapolon, tonapite arapet ŋina amilimilan anatorobu.