2 Tim. 3:12 - Ebaibul

¹² Kire, ŋulu daadaŋ ecamito akiboi anakiyar a ŋina ecamit Akuj anakimorikina ka Yesu Kristo, eryamunete ŋakisicaneta.

2 Tim. 3:12 Iomraidhean Croise

Mat. 16:24

Tolimok nai Yesu ŋikeekasyomak tema, “Ŋinituŋanan ecamit akiwuapakin ayoŋ, itemokino toŋero bon, toryoŋ emusalaba keŋ, ekewuapak ayoŋ.

Mat. 23:34

Aŋun, toanyutu iyes atemar ekeyakikini ayoŋ iyes ŋikadwarak, ŋikaosok ka ŋiketatamak a Ŋikisila; iarete ŋice, ibubukinete ŋice lomusalabae, ibuŋaete ŋice alosinagogae kus ka isicanete ŋice alotaunio.

Mar. 10:30

ŋini nyeryamuni ŋarwa amiat anakwap a na, ŋakais, ŋikaitotoi, ŋakaitotoi, atatoto, ŋidwe ka ŋamanat, nai ka ŋican daŋ. Eryamuni daŋ iŋes rwanu akiyar ŋina nyedaun.

Yoa. 16:2

Ikiritarete ikes iyes alosinagogae; kire ebuni apaki ŋina ikiaryata ŋituŋa iyes ebasi kori ikitiyae ŋuna ecamit Akuj.

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Yoa. 17:14

Ainak ayoŋ ikes akirot kon; etidiŋa ŋituŋa ŋulu ka akwap ikes, anerae nyerae ikes ŋulu ka akwap, ikwaŋinapei nyaraakar ayoŋ daŋ ŋolo ka akwap.

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

1 Ŋikor. 15:19

Ani kerae akigeno kosi neni a Kristo ŋina ka akiyar a na bon, iŋes atemar itemokino ŋituŋa ikisyonito isua adepar tari idiotuŋanan anakwap.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

2 Ŋikor. 4:9

Ikisicanitae isua, nai nyeesikina Akuj isua; ikiwanawanae isua, nai nyetwaka isua.

1 Tim. 2:2

aŋuna a ŋirwosi ka aŋuna a daadaŋ a ŋulu einakinitae apolou, ikotere nai ikiboi iwon anakiyar a ŋina inapakina ka ŋina isilit; ŋina ecamit Akuj ka alopitesyo a ŋulu ajokak.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

1 Tim. 6:3

Itemokino iyoŋ kitatam. Ituŋanan daadaŋ ŋini itatami ŋakiro ŋuna egelaaka ka ŋini nyecamunit ŋakiro ŋuna a kire ŋuna ke Ekapolon yok Yesu Kristo ka ŋuna ikitatami iwon alodin yok,

Tito 1:1

Ayoŋ Paulo eketiyan ŋolo ka Akuj ka ekiyakia ŋolo a Yesu Kristo egirit abaruwa na. Abu Akuj okoseu ayoŋ, ekeyakia daŋ akiŋarakin ka akitogogoŋ anupit a ŋituŋa keŋ a ŋulu seuna ka akirik ikes toyenut ejok ŋakiro ŋuna a kire ŋuna eyenuniata ikes akerit Akuj ejok;

Tito 2:12

Ikitatami ajokis ŋin iwon aesikin ŋipitesyo ŋulu nyekerito Akuj ka ekibure ŋolo ka akwap a na ka itemokino ikiboi ikirae ŋulu ikitenit anatameta, ŋulu ikiyookino ka ŋulu ikikerit Akuj anakwap a na,

Yos. 17:14

Apotu ŋituŋa a ekabila a Epuraim ka Manase kiŋita Yosua temasi, “Kaanukiro ikiinakinia iyoŋ isua akwap epei bon tolalakatei bo isua ikwapei adaunia Ekapolon akiterereŋ?”

1 Pet. 3:14

Nai ani tari kiryamut iyes ŋican aŋuna itiyaata ŋuna iyookino, ikiterereŋitoe iyes nooi! Nyikera idiotuŋanan ka nyiyaloloŋo.

2 Pet. 3:11

Ikwapei inyasunere ŋiboro lu daadaŋ alopite a lo, nyo nai itiyakin neni kus? Itemokino akiyar kus torae ŋina ajokan ŋina ecamit Akuj.

Akis. 12:4

Torarau elado keŋ atutubet apei alotooma ŋunauni ŋuna a ŋikacer, kimasa kwap. Towo epiu ŋol alokiŋaren aberu, ikotere enyamia ikoku apaki ŋina idounere.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.