2 Tim. 3:10 - Ebaibul

¹⁰ Nai ŋuna ikikamunito iyoŋ, idau akiwuap akitatam kaŋ, ŋipitesyo kaŋ ka ŋuna alosikinit ayoŋ anakiyar; idau iyoŋ akiwuap anupit kaŋ, atitinyikinit kaŋ, amina kaŋ, akidaŋidaŋ kaŋ,

2 Tim. 3:10 Iomraidhean Croise

Dan. 1:8

Nai abu Daniel toseu atemar nyemunaar iŋes anakimuj ŋamuja a erwosit, kori anakimat epiini ŋolo a erwosit; aŋun, abu kiŋit ekapolokiniton akai a apukan akimyekin iŋes nyemunaa akuwan keŋ.

Luk. 1:3

Aŋun, esibit ejok ayoŋ daŋ akigir ŋakiro ŋun iriyan neni kon, anerae adau ayoŋ akimimaun ŋakiro ŋun daadaŋ, ameun anakisyakinet kec.

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 2:42

Torubakis ikes daadaŋ epupete ŋakiro ŋuna etatamete Ŋikiyakia, togeut ikes alosenen natukot ŋina a ŋikanupak akimuj kaapei ka akinumunum Akimuj ŋina ke Ekapolon ta akilipenen.

Ŋitic. 20:18

Ani edolunete ikes, tolimok iŋes ikes tema, “Iyenete iyes ŋilopeyek epite ŋolo ikirukitor iyes ka ayoŋ apaki daadaŋ, ameun akoloŋit ŋina adolunio ayoŋ Asia.

Ŋitic. 26:4

“Eyenete Ŋiyudayan daadaŋ epite ŋolo ka akiyar kaŋ ameun ŋinapei eriŋa asorokana, anerae apolouni ayoŋ anakwap kaŋ ka alo Yerusalem.

Ŋirom. 16:17

Ŋikaitotoi kaŋ, ekemaimai ayoŋ iyes atemar tocoikis ŋulu etyakatyakaete ŋituŋa, ido kitooliyosi ananupit kec; ŋulu eŋerito ŋakiro ŋuna aponi ikitatami iyes. Tocoito irukete ka ikes!

2 Ŋikor. 1:17

Apaki ŋina atubunio ayoŋ nu, itamete mono iyes atemar kaŋayaŋayat ayoŋ a? Kori atuki ayoŋ alopite a ŋolo a ŋituŋa a ŋulu ka akwap, a ŋulu etenito atemar, “Ee, Ee” ka “Mam, Mam” apaki ŋinapei a?

Ŋiep. 4:14

Ejoŋoo nai iwon ayakau ikisibit ŋidwe, ŋulu ikiryaŋiryaŋete ŋakitatameta a ŋituŋa a ŋulu alyokonok, ikwa ataker ŋina iryaŋiryaŋete ŋikaguragurae ŋulu a ŋakipi; iteseceneneete ŋituŋa ŋul ŋuluce aŋuna ka amodiyo a ŋina elimonokinete ikes.

Ŋipil. 2:20

Timoteo iŋes bon ŋolo ikimori ka ayoŋ ŋatameta kaŋ ka iŋes kire ikimitakinit iyes.

Ŋipil. 2:22

Iyenete iyes ŋilopeyek epite ŋolo etoodiunitor iŋes etic keŋ; epite ŋolo ikitiyaa iŋes ka ayoŋ kaapei ikwa esapat ka papa keŋ aŋuna a Ŋakiro a ŋuna Ajokak.

1 Ŋites. 1:5

Anerae aponi isua yaunae Ŋakiro ŋuna Ajokak neni kus, meere alorwor bon, nai anapedor a Etau a ŋolo Asegan ka ipotu iyes toanyut kire epite ŋolo ikikinyomitor isua jik ŋakiro ŋun. Iyenete iyes epite ŋolo ikiboiyo isua apaki ŋina ikirukitor iwon; arae aŋuna ka akiŋarakin iyes.

1 Tim. 1:3

Acamit ayoŋ iyoŋ kiboi alo Epeso ikwapei akadyekitor ayoŋ iyoŋ apaki ŋina alosio ayoŋ Makedonia. Itatamete ŋituŋa ŋice aina ŋakiro ŋuna erae alyokonu, ido itemokino iyoŋ kicikak ikes tojoŋoto akitatam ŋakiro ŋun.

1 Tim. 4:6

Ani kilimok iyoŋ ŋakiro nu neni a ŋikaitotoi alotooma Kristo, iruwor iyoŋ eketiyan a Yesu Kristo ŋolo ajokan, apaki daadaŋ ŋina irubakinitor iyoŋ iryamunit agogoŋu anakiro a ŋuna ka anupit ka anakitatam a ŋina ajokan a ŋina idau iyoŋ akiwuap.

1 Tim. 6:11

Nai iyoŋ ŋolo ka Akuj, toŋer ŋakiro ŋun daadaŋ. Toŋirik ka agogoŋu akiyookino, akiyar ŋina ecamit Akuj, anupit, amina, atitinyikinit ka akiyapara.

2 Tim. 2:22

Toŋer ekibure ŋolo itemi ŋisorok akisec, toŋirik ka agogoŋu aruwor ŋolo iyookino, ŋolo inupit, ŋolo imina ka ŋolo isilito kaapei ka ŋulu ilipete neni ke Ekapolon a ŋitai a ŋulu asegak.

2 Tim. 4:2

kisera Ŋakiro ŋuna ka Akuj, torubak iserae ikes anapaki a ŋina itemokino, kori nyitemokino, kitepeg ŋuna edyakara, kikilyak ka kimaima apaki ŋina itatamya alotooma atitinyikinit daadaŋ.

2 Tim. 4:3

Anerae ebuni apaki ŋina nyepupokiniata ŋituŋa ŋakiro ŋuna erae ŋuna a kire, nai iwuapete ekibure kec a ŋilopeyek ka ecununete aŋuna kec ŋiketatamak ŋulu alalak ŋulu elimokinete ikes ŋuna ecamito ŋaki kec akiirar.

2 Tim. 4:7

Adau ayoŋ ajore ejiye ŋolo ajokan ŋolo ka anupit, aŋetak ayoŋ akerit ŋina ka anupit ka eric ayoŋ anupit kaŋ Kristo.

Tito 2:7

Anakiro a daadaŋ itemokino iyoŋ elope torae akitaanyikinet ŋina a ŋipitesyo a ŋulu ajokak. Kitatam emam alyokonu ka tomukeana.

Ŋibur. 13:9

Nyicamakis ŋakitatameta ŋuna alalak ŋuna egelegelya ikibatarete iyes ananupit a ŋina a kire. Ejok iyes iryamunete alotai kus agogoŋu alotooma ajokis ŋina ka Akuj, meere alotooma akiwuapit ŋitalyo ŋulu a ŋamuja; nyiŋarakina ŋitalyo ŋul ŋituŋa ŋulu iwuapito ikes.

2 Pet. 3:11

Ikwapei inyasunere ŋiboro lu daadaŋ alopite a lo, nyo nai itiyakin neni kus? Itemokino akiyar kus torae ŋina ajokan ŋina ecamit Akuj.