2 Tim. 2:24 - Ebaibul

²⁴ Nyitemokino eketiyan ŋolo ke Ekapolon iburae. Itemokino iŋes erae ŋolo iyapara aneni a ŋituŋa a daadaŋ, ŋolo epedori akitatam ejok ka ŋolo edaŋana.

2 Tim. 2:24 Iomraidhean Croise

2 Ŋakiro a ŋirwa 24:6

Aŋun, abu Yoas tonyarau Yeoiyada esacaradoti ŋolo Apolon nooi, tema neni keŋ, “Kaanukiro eriŋaakar iyoŋ nyiŋita ŋilepi acunun alo Yudaya ka Yerusalem ocur ŋolo koloŋ abu Moses eketiyan ŋolo ke Ekapolon kaapei ka atukot a Ŋisirael kicika ŋituŋa alemunun aŋuna ke eema a ŋolo ka Asaduku a ŋina ka Acamunet?”

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Dan. 6:20

Ani eapiyari iŋes nadui neni ayai Daniel, kiworou a etoil a ŋolo eyaloloŋi enyarit Daniel ebala, “Okoe Daniel, eketiyan a Akuj a ŋina eyari, ikiu iyoŋ Akuj kon ŋina itiyanakini iyoŋ anakikinyoma a? Ikiu iŋes iyoŋ aneni a ŋiŋatunyo a?”

Mat. 12:19

Nyiburae iŋes kori nyiserae ecela, ka emam ituŋanan ŋini iirari etoil keŋ alorotin.

Yoa. 6:52

Topegakinos nai Ŋiyudayan make temasi, “Ikokini ekile lo ikiinakini iwon akuwan keŋ kimujae ai?”

Ŋitic. 15:2

Apotu ŋakiro nu inakis Paulo ka Baranaba ebura ka apeganakin ka ikes. Toseunae nai Paulo ka Baranaba ta ŋikanupak ŋice alosit Yerusalem aanyun Ŋikiyakia kaapei ka ŋikatukok a Ŋikristo aŋuna a ŋakiro a ŋun.

Ŋitic. 23:9

Kiyatakin ecelet, tonyout Ŋiketatamak a Ŋikisila ŋice ŋulu arae Ŋiparisayon, kitepega Atukot ka agogoŋu nooi temasi, “Emam ibore ikiryamu isua esecit ekile lo! Acepaki kirworit etau kori emalaika neni keŋ kire!”

Ŋitic. 7:26

Akoloŋit ŋina atupakini, toryamu Moses Ŋisirael ŋiarei ejiete. Kikatak iŋes akisisil ikes ebala, ‘Ŋikilyok, iraakasi iyes ŋikaitotoi, kaanukiro icamitotor iyes awana make?’

2 Ŋikor. 10:1

Ayoŋ Paulo ekemaimai iyes anakiyapara ka anarimaanut a Kristo--ayoŋ ŋolo “Akuryana apaki ŋina ikirukitor iwon” ka “Aryenyaana apaki ŋina alwania aneni kus”.

2 Ŋikor. 10:4

Nyerae ŋiboro ŋulu ikijiyo isua ŋulu ka akwap a na, nai erae ŋiboro ŋulu agogoŋok ŋulu ka Akuj. Ikisitiyae isua ŋiboro ŋul akilounia ŋajorei a ŋolo Aronon.

2 Ŋikor. 6:4

Akilo, aloticisyo a daadaŋ a ŋulu ikitiyae isua, ikitoodiunit isua atemar ikirae ŋiketiyak ŋulu ka Akuj, aŋuna ikidaŋidaŋia ka atitinyu: alotooma ŋican, ŋatyokisyo ka ŋiburasinei.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋiep. 4:2

Itemokino iyes kitiditeuna, kiyapara ka totitiny. Kitoodiutu amina kus alotooma adaŋa make.

Ŋikis. 34:5

Abu nai Moses ŋolo arae eketiyan ŋolo ke Ekapolon totwan a nen anakwap a Moab, lopite ŋolo alimunitor Ekapolon.

Ŋipil. 2:14

Kitiyata ŋinibore daadaŋ emam akiŋuruŋura kori apeganakin,

Ŋipil. 2:3

Nyitiyata idiobore anakiloiloa kori anakisupa, nai anakitiditeuna; yaito ŋuluce erae ŋulu ejokak akilo iyes.

Ŋikol. 3:13

Todaŋas make ka kisyonios make ŋapakio daadaŋ ŋuna eyakar idio kus akitakadakinet neni a ŋinice. Itemokino kisyonios make, ikwapei adaunia Ekapolon akisyon iyes.

1 Ŋites. 2:7

Ikwapei ikiraakar isua Ŋikiyakia a Kristo, kepedoritae akisiyaloloŋ iyes aŋuna ka aryamun akiŋarakinet adio aneni kus. Nai ikiyapara isua apaki ŋina ikirukitor iwon; ikikoni isua aberu iricit ŋidwe keŋ.

1 Tim. 6:11

Nai iyoŋ ŋolo ka Akuj, toŋer ŋakiro ŋun daadaŋ. Toŋirik ka agogoŋu akiyookino, akiyar ŋina ecamit Akuj, anupit, amina, atitinyikinit ka akiyapara.

Tito 1:1

Ayoŋ Paulo eketiyan ŋolo ka Akuj ka ekiyakia ŋolo a Yesu Kristo egirit abaruwa na. Abu Akuj okoseu ayoŋ, ekeyakia daŋ akiŋarakin ka akitogogoŋ anupit a ŋituŋa keŋ a ŋulu seuna ka akirik ikes toyenut ejok ŋakiro ŋuna a kire ŋuna eyenuniata ikes akerit Akuj ejok;

Tito 1:7

Ikwapei eraakar ekarikon ŋolo a Ŋikristo epolokinit etic ŋolo ka Akuj, itemokino iŋes pa itoronitae. Nyitemokino iŋes ituro kori epatana akiŋo kori emerana kori eryenyaana kori erorokana alosiliŋa.

Tito 1:9

Itemokino kiricite ejok akitatam ŋina ecamuna, ŋina ikinyoma ŋina a Ŋikristo. Alopite a ŋol epedori akisimukekin ŋuluce anakitatam a ŋin, a ŋina iyookino ka akitepeg ŋulu itepegito akitatam ŋin.

Tito 3:2

Tolimok ikes nyirworotor idiotuŋanan, nai torae ŋulu ke ekisil ka ŋulu edaŋaŋ make, ŋulu itoodiunito arimao neni a ŋituŋa a daadaŋ.

Yak. 1:1

Ayoŋ Yakobo eketiyan ŋolo ka Akuj ka ŋolo ke Ekapolon Yesu Kristo, emalae ŋatekerin ŋunatomon ka ŋaarei ŋuna a ŋituŋa a ŋulu ka Akuj, a ŋulu ielakina nakwapin daadaŋ.

Yak. 3:17

Nai aosou ŋina anakuj, ejok iŋes mono jik, nabo eyakar ekisil, iyapara, ekoneono, ileleba akisyon ka eyauni ŋiticisyo ŋulu ajokak ikwaŋina eraunia ekitoe ŋaraito; emamukar atyakatyak ka ŋisoswae.

Yak. 4:2

Iitanito iyes ŋuna nyipedorete aryamun; aŋun, iarete. Irakakina ŋiboro a ŋuluce ŋulu nyipedorete ayaar; aŋun, kiburata ka tojioto. Nyiyakatar iyes, anerae nyiŋitasi aneni ka Akuj.

Yos. 1:1

Ekaku ketwana Moses eketiyan ŋolo ke Ekapolon, kirwor Ekapolon neni a Yosua a lokoku a Nun, a ŋolo sek eŋarakinit Moses tema,

1 Pet. 3:8

Aŋetakini, itemokino iyes daadaŋ iraakasi ŋipei alotai kus; toyakatar akisyoniyenen, tominanaros make ikwa ŋikaitotoi, torimaaka ka toruworos ŋulu itiditeuna aneni a ŋuluce.

Yud. 1:3

Ŋikaitotoi ŋulu minan, ikwaŋina acamitor ayoŋ akigir neni kus aŋuna ka aiuno a ŋina ikimori iwon, abu oanyu atemar itemokino egir anakilipit iyes tojioto aŋuna ka anupit a ŋina abu Akuj inak ŋituŋa keŋ apeiinakinet kirikakin.