2 Tim. 2:19 - Ebaibul

¹⁹ Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

2 Tim. 2:19 Iomraidhean Croise

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Ŋikiru. 1:6

anerae idarit ka iyokit Ekapolon ŋulu iyookino, nai etwakiyarete ŋulu aronok.

Ŋikiru. 112:6

Kire jik emam ibore itukuryani ŋituŋa ŋul, erubakinio etamunitae ikes ŋikaru ka ŋikaru.

Ŋikiru. 34:14

itemokino iŋes toesik akitiya ŋuna aronok, ido kitiya ŋuna ajokak; itemokino iŋes kiwar ekisil a etau keŋ a daadaŋ.

Ŋikiru. 37:18

Iyoki Ekapolon ŋulu emam ŋuna itoronitere, ido erubakini akwap erae ŋina kec ŋikaru ka ŋikaru.

Ŋikiru. 97:10

Emina Ekapolon ŋulu eŋerito aronis, iyokit iŋes akiyar a ŋikanupak keŋ; eiununui iŋes ikes anapedor a ŋulu aronok.

Ŋakit. 10:25

Ani ŋinibore eponianata ŋatyokisyo, edaunun ŋulu aronok, nai eiuna a ŋinapaki ŋituŋa ŋulu iyookino.

Ŋakit. 3:7

Nyitusubana anakonyen kon ŋini ios; kitopoloorite Ekapolon ka toesik aronis.

Isa. 14:32

Anukiro eboŋokinio neni a ŋituŋa a ŋulu iyakuunitae alo Pilistia? Eboŋokinio ikes atemar etogogoŋ Ekapolon Sion ka eryamunete ŋituŋa ŋulu eyakatar akiitanit neni eiunotor.

Isa. 28:16

Aŋun, alimu Ekapolon ebe, “Ewuak tokona ayoŋ Sion amoru ŋinakisyakinet aduketait, amoru ŋina agogoŋon nooi, amoru ŋina egogoŋ egyelit ŋina itowoi aduketait jik. Nyekadakini ituŋanan ŋini ikinyomit neni keŋ.”

Isa. 63:19

Ikikwaanikin isua apaki ŋina aoyan ka ŋituŋa ŋulu nyipukat iyoŋ, ikikwaanikin ka ŋituŋa ŋulu nyeriŋa enyaritae a ekiro kon.

Isa. 65:15

Imyekinete iyes ŋirorwa kus aneni a ŋuluseuna kaŋ erae ŋulu ilamare; ido ikimunyari Ekapolon Akuj iyes; nai einakini iŋes ŋiketiyak keŋ ekiro ŋolo egelaana.

Esek. 9:4

tema neni keŋ, “Ape kirimok Yerusalem daadaŋ, kiwuanak emacar loreetin a ŋituŋa a ŋulu iyaloloŋete ka ŋulu igworosi aŋuna ka asiilyo a daadaŋ a ŋina itiyao alo Yerusalem.”

Naum 1:7

Ejok Ekapolon, eiununui iŋes ŋituŋa keŋ apaki ŋina eyakatar locan, eiununui iŋes ŋituŋa ŋulu eemete neni keŋ,

Agai 2:23

Ebala Ekapolon ŋolo Etiron ebe, “Akoloŋit ŋin, akayai ayoŋ iyoŋ eketiyan kaŋ Serubabel lokoku a Sealtiel, akainakini ayoŋ iyoŋ apolou, anerae akaseu ayoŋ iyoŋ. Ayoŋ Ekapolon ŋolo Etiron alimu ŋun.”

Sakar 3:9

Kiŋolikisi iyes amoru ŋina ewuak ayoŋ kiŋaren a Yosua. Eyakar amoru ŋin ŋiwaetin ŋikanikaarei, ido eciekini ayoŋ ŋakiro namoru ŋin, alemari ayoŋ asecit ka akwap a na alotooma akoloŋit apei bon.

Ekim. 16:5

Tosodi tema Moses neni a Kora ka ŋirukitos keŋ, “Moi taparacu ikiteyenikini Ekapolon iwon ŋini erae ŋini keŋ ka ŋini eseg ka ŋini ecamakini iŋes alosit diyete keŋ. Ituŋanan ŋini eseuni Ekapolon iŋes ecamakini Ekapolon elosi diyete keŋ.

Ekim. 6:27

Abu Ekapolon tema, “Ani kiterereŋo ŋisacaradotin ŋituŋa elimito ekiro kaŋ eterereŋi ayoŋ ikes.”

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Mat. 28:19

Aŋun, toloto kituruwosi ŋituŋa a ŋakwapin a daadaŋ ŋikasyomak kaŋ, kibatisata ikes alokiro a Papa ka a ŋolo a Lokoku ka a ŋolo ke Etau a ŋolo Asegan.

Mat. 7:23

Alimokini nai ayoŋ ikes otema, ‘Pa akayeni ayoŋ iyes. Toloto aneni kaŋ iyes ŋulu itiyaete aronis!’

Mat. 7:25

Kilim akiru, bu akalele ka tokut ekuwuam kai ŋin, nai abu nyeukor, anerae adukokinitae nataaba.

Mar. 12:16

Yaut ikes esiliŋ, kiŋit nai Yesu ikes tema, “Ŋolo a ŋae ereet lo ka ŋakigireta nu?” Toboŋokis ikes temasi, “Ŋulu ke ekepukan a Roma.”

Mar. 13:22

Anerae epote ŋikamodyanakinak ka ŋikadwarak ŋulu amodiyanak ebasi ebe ikirae ikes atakristo. Epote ikes akitiya ŋakitoodyanakineta ŋuna ailiilok ŋuna isuparete ŋituŋa ŋulu seuna erae kepedorete.

Luk. 13:27

Eboŋokini nabo iŋes tema, ‘Nyayeni ayoŋ neni iponitotor iyes, katosi aneni kaŋ, iyes ŋulu itiyaete ŋakiro ŋuna aronok!’

Luk. 6:48

Ikoni iŋes ekile ŋolo aduki akai. Tobok iŋes akipany, kidulo tari natabab, todukok akisyakinet nen. Toleleu akalele, kilap aŋolol, tonaŋ akai ŋin; nai nyiryaŋak, anerae adukuk nooi.

Yoa. 10:14

Arae Ayoŋ ekeyokon ŋolo ajokan. Ayeni ayoŋ ŋamesekin kaŋ ka akayenete ikes ayoŋ,

Yoa. 13:18

Nyerworo ayoŋ aŋuna kus a daadaŋ, ayeni ŋulu adau ayoŋ aseun; nai ikotere kiyookinotor ŋuna igiritae Nakigireta ebe, ‘Abu ituŋanan ŋini ikimori ka ayoŋ okoluki ayoŋ.’

Yoa. 3:33

Ŋini acamu ŋakiro keŋ, iŋes iteyenunit atemar, erae Akuj ŋina a kire.

Ŋitic. 11:26

Ani eryamuni, yau iŋes Antiokio. Yaasi ikes ekaru daadaŋ iryamiryameneneete ka ŋikanupak, kitatama daŋ ŋituŋa ŋulu alalak. Arae Antiokio esyakinere anyarare ŋikasyomak atemar Ŋikristo.

Ŋitic. 15:17

Tosodo ŋituŋa ŋuluce--ŋituŋa daadaŋ ŋulu nyerae Ŋiyudayan ŋulu anyarau ayoŋ aruwor ŋulu kaŋ, ekewara ayoŋ.

Ŋitic. 9:14

Abu iŋes Damasko ka apedor a ŋina eryamunit iŋes alosacaradotin a ŋulu apolok, akikam daadaŋ ŋulu enyarito ekiro kon.”

Ŋirom. 11:2

Nyeŋero Akuj ŋituŋa keŋ, ŋulu abu iŋes toseu anakisyakinet. Iyenete iyes ŋuna igiritae Nakigireta ŋuna edyekitor Eliya Akuj aŋuna keŋ itoroniyarit ŋituŋa a Isirael ebala,

Ŋirom. 12:9

Kimyekisi amina torae ŋina emamukar ŋisoswae alotooma keŋ. Toŋero ŋuna aronok. Torubakisi iricito ŋuna ajokak.

Ŋirom. 15:20

Ŋuna alelakinit ayoŋ jwi jwi, ikes ŋuna ka akiserakin Ŋakiro ŋuna Ajokak anakiboisyo a ŋuna eriŋa ŋituŋa nyiirara ŋakiro a Kristo, ikotere nyarubak erworo ŋakiro ŋuna aris ituŋanan ice kegeu.

Ŋirom. 15:9

Etiyae iŋes ŋun ikotere ipurete ŋituŋa ŋulu nyerae Ŋiyudayan Akuj aŋuna ka akisyon keŋ. Ikwaŋina igiritere Nakigireta ebe; “Aŋun, eketalakari ayoŋ iyoŋ aneni a ŋulu nyerae Ŋiyudayan. Ayeikini ayoŋ, ido epur ekiro kon.”

Ŋirom. 8:28

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

Ŋirom. 9:11

Tari eriŋa ikes nyidouno ka eriŋa ikes nyitiya ŋuna ajokak kori ŋuna aronok, aponi tolimokinae Rebeka ebe, “Eruwor edya ŋolo apolon eketiyan a ŋolo cici.” Aŋun, erae aseunet ŋina ka Akuj ŋina iwuapit epite ŋolo ikinyaraa iŋes alope; meere aŋuna a idiobore a ŋini itiyae ituŋanan.

1 Ŋikor. 1:2

ikigirit abaruwa na neni ka atukot a Ŋikristo a ŋina eyai Korinto: neni kus a ŋulu ikityakunitae anakimorikina ka Yesu Kristo, ŋulu ikinyarae aruwor ŋituŋa ŋulu ka Akuj, kaapei ka ŋulu daadaŋ ilipete anakiboisyo a daadaŋ alokiro a Yesu Kristo Ekapolon yok, a ŋolo erae Ekapolon kec ka ŋolo yok.

1 Ŋikor. 8:3

Nai ituŋanan ŋini emina Akuj, eyeni Akuj iŋes.

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Ŋigal. 4:9

Nai ikwaŋina tokona iyenuniata iyes Akuj, kori ikiyenunia Akuj iyes, ikokinete iyes icamito aboŋor neni a ŋipyan a ŋulu ipukato topalag ka topapanito ai? Kaanukiro icamitotor iyes aruwor ŋipi kec nabo?

Ŋiep. 2:20

Isikwaanitae Ŋikristo ka aduketait: aŋun, adaun iyes adukokin nakisyakinet ŋina ka aduketait a ŋina esyakinete ŋikiyakia ka ŋikadwarak. Yesu Kristo elope iŋes erae amoru ŋina itogogoŋit akai alokoona.

Ŋiep. 3:15

ŋolo erae neni keŋ eponitotor ŋikalya daadaŋ ŋulu anakuj ka ŋulu alokwap.

Ŋiep. 4:30

Nyitunyunyurikis Etau ŋolo Asegan ŋolo ka Akuj, anerae erae Etau ŋolo Asegan emacar keŋ ŋolo ikituruworit iyes ŋulu keŋ, ibore ŋini itoodiunit atemar ebunit Akoloŋit ŋina ikilakunia Akuj iyes jik.

1 Tim. 3:15

ani keketididi ayoŋ, toyenu iyoŋ epite ŋolo itemokino iyoŋ kiboiyo alokidiŋ ŋituŋa ŋulu ka Akuj, ikes atukot a Ŋikristo ŋina erae ŋina ka Akuj a ŋina eyari. Atukot ŋin iŋes erae akigaŋet ka akiyokiyet ŋakiro ŋuna a kire.

1 Tim. 6:19

Alopite a lo, iŋadakinete ikes aŋuna kec ebari ŋolo a kire ŋolo a rwanu, ido eryamunete akiyar ŋina erae akiyar kire.

Ŋibur. 11:10

Anerae edarit Aburaam anakigeno etaun ŋolo etemunit ka adukunit Akuj, etaun ŋolo erubakini eyai jik.

2 Pet. 3:14

Aŋun ŋikaakonei ŋuluminan, ani idarito Akoloŋit ŋin, kitiyata ka agogoŋu tomam adioronis alokiŋaren Akuj, ikotere ikiryamun isilito ka iŋes.

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.

Akis. 17:8

Ayari koloŋ etyaŋ ŋol, nai tokona nyeriŋa eyari; eapi iŋes alomun anakipany a ŋina aoyan a ŋina nyesalunit alokwap, tolot nai toarae. Eumokinete ŋituŋa ŋulu koloŋ pa keponi kigirae ŋirorwa kec lokitaabo ŋolo ka akiyar ameun anasubunet akwap, apaki ŋina iŋolikiniata etyaŋ. Anerae ayari koloŋ, tokona nyeriŋa eyari, nai etakanuni nabo.

Akis. 2:13

Ayeni ayoŋ neni iboiyo iyoŋ; erae neni ipukat Satan. Nai irubakinit iyoŋ ikinupit ayoŋ, ibu iyoŋ nyiŋer anupit ayoŋ tari alorwa a ŋulu aarere Antipa, esuuda kaŋ ŋolo anupit nooi aina, anakwap a ŋina iboiyo Satan.

Akis. 21:14

Adukokinitae arwatata ŋina ke etaun a ŋol namoru ŋunatomon ka ŋaarei ŋuna ka akisyakinet, ŋuna egiritae ŋirorwa ŋulu a Ŋikiyakia a ŋulutomon ka ŋiarei a ŋulu a Imesek.

Akis. 22:4

Eanyuwarete ikes ereet keŋ ka eyakaun ekiro keŋ loreetin kec.

Akis. 3:8

Ayeni ayoŋ ŋiticisyo kon. Kiira! Ewuak ayoŋ kiŋaren kon ekek ŋolo eŋaara ŋolo emam ŋini epedori agolokin. Ayeni ayoŋ atemar iyakar iyoŋ agogoŋu ŋinadio edit, nai iricit iyoŋ akirot ka nyieŋero iyoŋ anupit ayoŋ.