2 Tim. 2:14 - Ebaibul

¹⁴ Tolimok nabo ŋituŋa kon ŋakiro ŋun ka kicik ikes ka agogoŋu alokiŋaren Akuj tojoŋoto apega a ŋakiro; emam ajokis eyaunete ŋakiro ŋun, nai emunaarete ŋulu epupete ikes.

2 Tim. 2:14 Iomraidhean Croise

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Yer. 2:11

Eyai mono akwap adio ŋina elocok ŋakujo keŋ, tari pa kerae ŋakujo kec ŋuna a kire a? Nai aŋero ŋituŋa kaŋ Akuj kec aŋuna a ibore a ŋini emam ibore iryamunia.

Yer. 2:8

Nyetemara ŋisacaradotin ebe, ‘Ai eyai Ekapolon?’ Pa akayenete ayoŋ ŋulu atubete ŋakiro; apotu ŋikepukak okoŋero ayoŋ, apotu ŋikadwarak todwara ŋuna a Baal, ido kiwuapa ŋakiro ŋuna emam ibore iryamunia.

Yer. 23:32

Kiirasi, etidiŋit ayoŋ ŋikadwarak ŋulu edwarete ŋakirujaeta ŋuna ka amodiyo, ŋulu elimonokinete ŋituŋa kaŋ ŋakirujaeta ŋuna ka amodiyo ka ŋikadwarak ŋulu amodiyasi ŋituŋa kaŋ aneni kaŋ anakirworo ŋakiro ŋunacaryo ŋuna erae amodiyo, nyeyakiyarit bo ayoŋ ikes, kori nyaseunit ayoŋ ikes. Aŋun, nyitiyaete ikes ajokis adio neni a ŋituŋa a lu.

Yer. 23:36

Nai nyelimu nabo ituŋanan ebe, ‘Ŋakiro ŋuna eryebete Ekapolon,’ anerae erae ŋakiro ŋuna ikiryebete akirot ŋina elimuni ŋinituŋanan, aŋun iloconokinete iyes ŋakiro ŋuna ka Akuj a ŋina eyari a Ekapolon a ŋolo a ŋajoresyo, ŋakiro a Akuj yok.

Yer. 7:8

“Nai iwuakinito iyes akikinyomit kus nakiro ŋuna ka amodiyo ŋuna erae ŋacaryo.

Abak. 2:18

Nyo epoida a akuj a ŋina itiyaunitae? Erae iŋes ibore koŋin ŋini erae ituŋanan itiyaunit, emam ŋakiro ŋuna ikilimokini, nai irworosi ŋiketiyaunak kec alyokonu aŋuna kec. Anijokis itiyae iŋes neni a ŋini abu kiceu iŋes, ikotere kikinyomae iŋes? Erae iŋes akuj ŋina itiyaunitae ka erae iŋes koŋin, nyirworo.

Mat. 16:26

Alipoida eryamuni ituŋanan erae keŋata iŋes akwap daadaŋ, nai totwania akiyar keŋ? Mam jik! Kori nyo epedorya ituŋanan akisyecia akiyar keŋ?

Ŋitic. 13:10

tolimu tema, “Iyoŋ lokoku a Satan! Iyoŋ emoit ŋolo ka akiyookino a daadaŋ! Ileleba iyoŋ ŋamodyanakineta ŋuna egelegelya ka aronis! Nyijoŋoenene mono iyoŋ akilocenen ŋakiro ŋuna ke Ekapolon ŋuna a kire, kituruwo alyokonu a?

Ŋitic. 15:24

“Eirar isua atemar kepotu ŋituŋa ŋice ŋulu anatukot kosi potu inaa akican ka akisigurya ŋatameta kus aŋuna kirworito ikes; nai pa alimokinitae isua ikes akitiya ŋun.

Ŋirom. 14:1

Tocamutu ekile ŋolo epalag ananupit eyakaun neni kus, nai nyipeganakinosi ka iŋes anakiro a ŋuna erae ŋatameta keŋ a elope.

Ŋigal. 1:7

Nai kire, emam Ŋakiro “Ŋuna Ajokak ŋace;” ŋituŋa ŋice bon ŋulu ikicanito iyes eyakasi, ŋulu ikatakinito akijulakin Ŋakiro ŋuna Ajokak ŋuna a Kristo.

Ŋiep. 4:17

Akalimokini tokona ayoŋ iyes alokiro ke Ekapolon atemar: tojoŋoto akiboi alopite a ŋolo a ŋituŋa a ŋulu nyeyenete Akuj, ŋulu erae ŋatameta kec ŋakoŋinae,

1 Ŋites. 4:1

Ŋuna esidyok ŋikaitotoi, ipotu iyes toyenut aneni kosi epite ŋolo itemokino iyes iboiyoto, ido kitalakasi Akuj. Kire erae epite ŋolopei ŋol sek iboiyoto iyes. Nai tokona ikilipit ka ikimaimai isua iyes alokiro ke Ekapolon Yesu, kitiyata nooi akilo tari ŋina sek.

2 Ŋites. 3:6

Ŋikaitotoi, ikicikakinit isua iyes alokiro ke Ekapolon Yesu Kristo, atemar totyakaros aneni a ŋikaitotoi a ŋulu ekalanyaka, ŋulu nyiwuapito ŋakiro ŋuna aponi isua kitatamae.

1 Tim. 1:4

Tolimok ikes tojoŋoto akitumoro aloemuto a ŋul ka anakimar ŋirorwa ŋulu alalak ŋulu atapapaa--ŋulu iatakinete ŋakiŋiseta ka ŋipegeta akilo akiyokit etic ŋolo ka Akuj ananupit.

1 Tim. 1:6

Aoliyosi ŋituŋa ŋice anakiro a ŋun, ido alosikis akiyan ŋakiro ŋuna koŋinae.

1 Tim. 4:8

Ejok akitiya etic edio aŋuna ka akuwan toryamunia agogoŋu, nai ejok alowaetin a daadaŋ arubakin itatama akiboi anakiyar a ŋina ecamit Akuj, anerae ikiikinete ŋun akiyar ŋina a tokona ka ŋina a rwanu.

1 Tim. 5:21

Alokiŋaren Akuj ka Yesu Kristo ta ŋimalaikan ŋulu seuna, ekeciki ayoŋ iyoŋ ka agogoŋu atemar kiwuap ŋakiro nu tomam atubonokin eriŋa nyeripiripa ejok kori tomam atyakatyakat ŋituŋa.

1 Tim. 6:13

Alokiŋaren Akuj ŋina einanakini akiyar neni a ŋinibore daadaŋ ka alokiŋaren Yesu Kristo ŋolo abu kisera anupit keŋ alokiŋaren Ponitio Pilato, ekecikakini ayoŋ iyoŋ

2 Tim. 1:6

Aŋuna a ŋakiro a ŋun, eketatamunit ayoŋ iyoŋ torubak isitiyae ainakinet ŋina ke Etau, ŋina abu Akuj ikiinak iyoŋ apaki ŋina edokokinio ayoŋ ŋakan kaŋ neni kon.

2 Tim. 2:16

Toŋer ŋakiro ŋuna koŋinae ŋuna nyecamam ka ŋakiro ŋuna ka Akuj; itooliyorete ikes ŋituŋa aneni ka Akuj.

2 Tim. 2:23

Toŋer ŋipegeta ŋulu a ŋimasimas ka ŋulu ka abaŋao, anerae iyeni iyoŋ atemar ebura bon eyaunete ikes.

2 Tim. 4:1

Ekeciki ayoŋ iyoŋ alokiŋaren Akuj ka alokiŋaren Yesu Kristo ŋolo etubokini ŋulu eyarete ka ŋulu etwakito ka aŋuna etakanunia iŋes akipuka erae Erwosit:

Tito 3:1

Tolimok ŋituŋa kon atemar itemokino ikes ekerito ŋikepukak ka ŋikapolok, toruworos ŋulu epupete ŋakiro, ŋulu imuit akitiya ŋuna ajokak alopitesyo a daadaŋ.

Ŋibur. 13:9

Nyicamakis ŋakitatameta ŋuna alalak ŋuna egelegelya ikibatarete iyes ananupit a ŋina a kire. Ejok iyes iryamunete alotai kus agogoŋu alotooma ajokis ŋina ka Akuj, meere alotooma akiwuapit ŋitalyo ŋulu a ŋamuja; nyiŋarakina ŋitalyo ŋul ŋituŋa ŋulu iwuapito ikes.

2 Pet. 1:13

Atami ayoŋ atemar itemokino ayoŋ akitatamunit iyes ŋakiro ŋun eriŋa ayari.

1 Sam. 12:21

Nyiminakis ŋiboro ŋulu erae ŋikoŋinae ŋulu emam epoida, kori ŋulu nyikiunete, anerae erae ŋikoŋinae.