2 Tim. 1:8 - Ebaibul

⁸ Kiurya nyikirumito ŋileec aŋuna ka akisera ŋakiro ŋuna ke Ekapolon yok kori aŋuna kaŋ, a ŋolo arae emabus aŋuna a Kristo. Nai todaŋ ŋican aŋuna a Ŋakiro a ŋuna Ajokak, lopite ŋolo ikiinakinitor Akuj iyoŋ agogoŋu akitiya ŋun.

2 Tim. 1:8 Iomraidhean Croise

Ŋikiru. 119:46

Alimori daŋ ayoŋ alokiŋaren ŋirwosi ŋakiro ŋuna itubunit iyoŋ, nyekerumete ayoŋ ŋileec;

Ŋikiru. 19:7

Iyookino ŋikisila ŋulu ke Ekapolon, ikisimukyanakinete anakiyar. Ikinyoma ŋakiciketa ŋuna ke Ekapolon, einanakinete aosou neni a ŋulu emam ŋuna eyenete.

Isa. 51:7

Topupokisi ŋakiro kaŋ iyes ŋulu eyenete ŋuna ka akiyookino, iyes ŋituŋa ŋulu iwuakinito akitatam kaŋ lotai kus nyikuryaketa aŋuna ŋituŋa a ŋulu ikiyanyete iyes, nyikikadak iyes apaki ŋina ikiyanyata ikes iyes,

Isa. 8:20

ka aŋuna ka akitatamya ta ayenunia ŋuna emaikina kitiyae a?” Kire jik ŋituŋa ŋulu irworosi lopite ŋol nyerubakinete eyarete.

Mar. 8:38

Anerae ŋinituŋanan irumete ŋileec aŋuna kaŋ ka aŋuna a ŋakaakiro ananyamet a na a ŋina aloman ka a ŋina asecesecan; Lokoku a Ituŋanan daŋ irumete ŋileec aŋuna keŋ apaki ŋina eboŋunio iŋes ka apedor a Papa keŋ kaapei ka ŋimalaikan ŋulu ka Akuj.”

Luk. 9:26

Anerae ŋini irumito ŋileec aŋuna kaŋ ka aŋuna a ŋakaakiro, irumete Lokoku a Ituŋanan daŋ ŋileec aŋuna keŋ ŋina ebunio anapolou a ŋina a Papa ta ŋina a ŋimalaikan a ŋulu ka Akuj.

Yoa. 15:27

Irae iyes daŋ ŋisuudae kaŋ, anerae ikirukit iyes ka ayoŋ ŋinapei anakisyakinet.

Yoa. 19:35

(Ituŋanan ŋini ete ŋakiro ŋun itiyakin, iŋes abu kisuuda, ikotere iyes daŋ tonupyata. Ŋuna erwor iŋes erae ŋuna a kire ka eyeni atemar erworo ŋuna a kire.)

Ŋitic. 5:41

Tolomasi Ŋikiyakia a Natukot elakara nooi, anerae atamete ikes atemar amaikina ikes aryamun ŋican aŋuna ke ekiro a Yesu.

Ŋirom. 1:16

Anerae nyekerumito ayoŋ ŋileec aŋuna a Ŋakiro a ŋuna Ajokak: erae ikes apedor ŋina ka Akuj ŋina eiunia ituŋanan daadaŋ, ŋini eyakar anupit, Ŋiyudayan mono, ido nai ŋulu nyerae Ŋiyudayan.

Ŋirom. 16:25

Oinakisi akipuro neni ka Akuj! Epedori iŋes akiturubakin iyes inupito alopite a ŋolo a Ŋakiro a ŋuna Ajokak a ŋuna a Yesu Kristo, ŋuna etatami ayoŋ ka alopite a ŋolo ka akitoodikinet a ŋakiro a ŋuna koloŋ emunonitae.

Ŋirom. 8:36

Ikwaŋinapei ebaakatar Ŋakigireta ebe: “Aŋuna kon Akuj, ikiapikinit isua atwanare apaaran daadaŋ; ikitiŋito ŋituŋa isua nalya ikwa ŋamesekin ŋuna emearyo akiŋol.”

Ŋirom. 9:33

Amoru ŋin iŋes ŋina irworo Akuj alotooma Ŋakigireta ebe, “Kiŋolikisi, ewuakini ayoŋ neni a Sion amoru ŋina iguwanakini ŋituŋa, ataaba ŋina ibusonokini ikes. Nai ituŋanan ŋini enupi neni ka Akuj, nyirumete ŋileec jik.”

1 Ŋikor. 1:6

Igogoŋioto iyes anakiro a ŋuna a Kristo a ŋuna aponi isua ikiteyenikin iyes.

2 Ŋikor. 6:7

ka ŋakiro ŋuna a kire anapedor a ŋina ka Akuj. Ikiyakar isua akiyookino erae ibore ŋinijiet, ŋinikitijikinet ka ŋini kipakaret.

Ŋiep. 3:1

Aŋakiro a ŋun, elipit ayoŋ Akuj, ayoŋ Paulo ŋolo arae emabus aŋuna ejaanakinia Yesu Kristo aŋuna kus a ŋulu nyirae Ŋiyudayan.

Ŋiep. 3:13

Aŋun, ekemaimai nai ayoŋ iyes, nyijamakis aŋuna a ŋican a ŋulu aryamu ayoŋ aŋuna kus, a ŋulu erae aŋuna ka akitopolooro kus moi anakuj.

Ŋiep. 4:1

Ekemaimai nai ayoŋ iyes--ayoŋ Paulo ŋolo arae emabus aŋuna ka akijaanakin Ekapolon Yesu: kiboiyoto lopite ŋolo itemokino iboiyoto ŋituŋa ŋulu enyarit Akuj aruwor ŋulu keŋ.

Ŋiep. 4:17

Akalimokini tokona ayoŋ iyes alokiro ke Ekapolon atemar: tojoŋoto akiboi alopite a ŋolo a ŋituŋa a ŋulu nyeyenete Akuj, ŋulu erae ŋatameta kec ŋakoŋinae,

Ŋipil. 1:7

Itemokino ayoŋ okatamunite iyes daadaŋ ikona, anerae akamina ayoŋ iyes nooi, ikwapei ikimorya iwon daadaŋ ainakinet ŋina adau Akuj ainakin ayoŋ, tari anapaki a na, a ŋina ayakar ayoŋ mabus ka apaki ŋina erworor ayoŋ aŋuna a Ŋakiro a ŋuna Ajokak etogogoŋit.

Ŋipil. 3:10

Eitanit ayoŋ ayenun Kristo ka aanyun apedor ŋina ka ayarun keŋ ka akimor alocan keŋ, ekwaanikinotor ka iŋes anatwanare keŋ;

Ŋipil. 4:13

Apedori ayoŋ akitiya ŋiboro daadaŋ alotooma Kristo ŋolo akainanakini ayoŋ agogoŋu.

Ŋikol. 1:11

Agasi ayoŋ atemar ikitogogoŋ iyes apedor ŋina ka Akuj ŋina epol nooi, ikotere topedosi akidaŋidaŋ ŋiboro daadaŋ alotooma atitinyu ka alelyan.

Ŋikol. 1:24

Tokona, alakara ayoŋ aŋuna a ŋican a ŋulu aryamunit ayoŋ aŋuna kus, anerae alotooma ŋican ŋulu ka akuwan kaŋ, eŋarakinit ayoŋ akirikakin ŋuna ariŋa nyirikakina alocan a Kristo aŋuna a Ŋikristo, a ŋulu eraakasi akuwan keŋ.

1 Ŋites. 3:4

Anerae, ani eriŋa isua ikirukit ka iyes, aponi isua itolimokin iyes eriŋa apaki atemar ikilosi iwon aryamun ŋican; erae kire ŋunapei ŋun apotu totakanut ikwaŋinapei iyeniata iyes.

1 Tim. 2:6

Abu iŋes elope tojal akiyar keŋ aiunia ŋituŋa daadaŋ. Ŋakiro ŋun, ikes apotu toruworos akitoodikinet anapaki a ŋina eyookino atemar ecamit Akuj aiun ŋituŋa daadaŋ.

2 Tim. 1:10

nai tokona adau akisileerekin neni yok anabunore a ŋina ke Ekaiunan yok Yesu Kristo. Adau Kristo akiloun atwanare ka adau akisileereun alotooma Ŋakiro ŋuna Ajokak akiyar ŋina nyetwakere.

2 Tim. 1:12

erae nai Ŋakiro ŋuna Ajokak ŋunapei ŋun ikes adaŋitor ayoŋ daŋ ŋican. Nai nyekerumito ayoŋ ŋileec, anerae ayeni ayoŋ ŋini ekinyomit ka ayeni kire atemar epedori iŋes akiyok ejok ŋuna adaun akicikakin ayoŋ akitodol Akoloŋit ŋina esidyon.

2 Tim. 1:16

Elipit ayoŋ Ekapolon kisyonioto iŋes ŋituŋa ŋulu alokal a Onesiporo, anerae abu iŋes ekesimukek ayoŋ ŋarwa ŋuna alalak. Pa erumito iŋes ŋileec aŋuna ayakar ayoŋ mabus;

2 Tim. 2:3

Todaŋ ŋican ikwapei ekajion ŋolo ajokan ŋolo a Yesu Kristo.

2 Tim. 2:8

Totamatamae ŋuna a Yesu Kristo a ŋolo aponi kiteyarunae alokatwak, ŋolo arae ŋolo anateker a Daudi ikwapei itatamere a Nakiro a ŋuna Ajokak a ŋuna alimonokini ayoŋ.

2 Tim. 2:9

Aŋuna alimonokinia ayoŋ Ŋakiro ŋuna Ajokak, aryamunit ŋican ka akaenitae a ŋiriko ikwa ekeworon. Nai nyeenitae akirot ŋina ka Akuj.

2 Tim. 4:17

Nai abu Ekapolon okowoik ayoŋ, okoinak agogoŋu, ido abu opedo alimonokin Ŋakiro ŋuna Ajokak daadaŋ, ikotere ŋituŋa daadaŋ ŋulu nyerae Ŋiyudayan iirarete ka aponi okoiun anatubokino atwanare.

2 Tim. 4:5

Nai aneni kon, itemokino torae ŋolo ipakit anakiro a daadaŋ, kidaŋidaŋi ŋican, kitiya etic ŋolo ke ekalimonokinan a Ŋakiro a ŋuna Ajokak ka kitiya etic kon daadaŋ irae eketiyan ŋolo ka Akuj.

1 Pet. 1:5

Erae ikes ŋuna kus, a ŋulu alotooma anupit ikiyokitoe ka apedor a ŋina ka Akuj, aŋuna ka aiuno a ŋina itemokino akitoodiuno apaki ŋina esidyon.

1 Yoa. 4:14

Ikianyu ka ikiteyenik daŋ atemar eyaku Akuj Papa Lokoku keŋ aruwor Ekaiunan ŋolo ka akwap.

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.

Akis. 1:2

Eteyenu Yoana ŋakiro daadaŋ ŋuna abu iŋes toanyu, ŋuna eponito aneni ka Akuj ka ŋuna eteyenu Kristo.

Akis. 1:9

Ayoŋ Yoana lokaato kus ikimori kaapei ka iyes atitinyikinit ŋican ŋulu eryamunito ŋituŋa ŋulu erae ŋulu ka Apukan a Yesu. Abu oyakaun loculat ŋolo ka anam ŋolo enyaritae Patimos aŋuna a ŋakiro a ŋuna ka Akuj ka aŋuna ka akiteyenunet a ŋina a Yesu.

Akis. 12:11

Apotu ŋikaitotoi yok kilout iŋes a ŋaokot a ŋuna a Imesek ka aŋuna a ŋakiro a ŋuna eteyenunete ikes; anerae acamunito ikes akijal akiyar kec, totwaka.

Akis. 19:10

Abu oramakin kwap nakejen keŋ akilip, nai abu iŋes tema, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon, ŋulu erae ŋisuudae a Yesu. Kilip neni ka Akuj!” Anerae ŋuna iteyenunit Yesu ikes isirworete ŋikadwarak.