2 Tim. 1:7 - Ebaibul

⁷ Anerae pa abu Akuj ikiinak iwon Etau ŋolo ka akuryanu, nai abu ikiinak Etau ŋolo ka apedor ka amina ta akiyapara.

2 Tim. 1:7 Iomraidhean Croise

Ŋikiru. 119:80

Elipi tomam ŋuna eketoroniyaritere ayoŋ alotooma ŋakiro ŋuna itubunit iyoŋ, ikotere ayoŋ nyekesurumi ŋileec.

Ŋakit. 2:7

Eyakar Ekapolon aosou ŋina iloit daadaŋ aŋuna a ŋulu iyookino. Erae Ekapolon aupal a ŋulu iboiyete emam ŋuna itoroniyaritere.

Ŋakit. 8:14

Ikiyakar ayoŋ ŋakiro ŋuna ajokak ka aosou ŋina ileere ejok nooi, ikiyakar ayoŋ ayenut ka agogoŋu.

Isa. 11:2

Eyakaun etau ŋolo ke Ekapolon neni keŋ, eyakaun etau ŋolo ka aosou ka ayenut neni keŋ, eyakaun etau ŋolo esirworiunan ka ŋolo ka apedor neni keŋ, eyakaun etau ŋolo ka ayenut ka ŋolo ka akitopoloorit Akuj neni keŋ.

Mika 3:8

Nai, ani eruwor ayoŋ, ekelelebikinitae apedor, ekelelebikinitae etau ŋolo ke Ekapolon, ekelelebikinitae akiyookino ka agogoŋu, ikotere olimokinia ŋituŋa a Yakob ŋadyakanareta kec, olimokinia ŋituŋa a Isirael asecit kec.

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Luk. 10:19

Topupokisi! Akainak ayoŋ iyes apedor daadaŋ ŋina reunet ŋimuno ka ŋitwania ta areun apedor daadaŋ ŋina a ŋolo Aronon; emam ibore ŋini ikiwani iyes.

Luk. 15:17

Ani ekaku, kiito iŋes ekecere tema, ‘Imujete ŋiketiyak a papa kaŋ akimuj kimwoko topiyanut, nai okaarite ayoŋ akoro a ne!

Luk. 24:49

Eyakuuni ayoŋ neni kus ŋolo ikiik Papa iyes. Nai itemokino iyes kidareut a ne alo Yerusalem, akitodol akoloŋit ŋina iryamuniata iyes apedor ŋina ebunit alokidiama.”

Luk. 8:35

Toloto ŋituŋa aanyun ŋakiro ŋuna apotu kitiyakin. Potu neni a Yesu, toryamut ekile ŋolo etolomunere ŋipyan iboi a nakejen a Yesu, enapit ŋilowi, kejokyar akeekuwan; tokuryaketa ikes.

Yoa. 14:27

“Ekemyekinia ayoŋ iyes ekisil; ekisil kaŋ iŋes akainakini iyes, nyikoni iŋes ekisil ŋolo ka akwap. Nyiyaloloŋo kori nyikibul!

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Ŋitic. 10:38

Iyenete iyes epite ŋolo aseunia Akuj Yesu ŋolo a Nasaret, inak Etau keŋ ka apedor. Abu iŋes kirim itiyae ŋuna ajokak ka kitaŋaleununu ŋulu daadaŋ ayakasi napedor ŋina a Satan, anerae arukito Akuj ka iŋes.

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋitic. 21:13

Tema nai Paulo, “Nyo itiyaete iyes igworotor ikona ka ikiteryebiata ayoŋ etau kaŋ? Atenit ayoŋ aeno alo Yerusalem; meere ŋun bon, nai atenit atwanare daŋ aina aŋuna ke ekiro ke Ekapolon Yesu.”

Ŋitic. 26:11

Abu ayoŋ jwi jwi esican ikes alosinagogae a daadaŋ aŋuna ka akitiŋakin ikes akiŋer anupit kec; ido anyunyurikina ayoŋ ikes nooi, esican tari alotaunio a ŋulu agelaaka.

Ŋitic. 26:25

Nai tema Paulo, “Ekapolon Pesto, nyekekerepikinit ayoŋ! Nai erworo ayoŋ ŋakiro ŋuna a kire ŋuna ecayete.

Ŋitic. 6:8

Kitiya Stepano, ŋolo ainakinit Akuj ajokis ka apedor, ŋaumonokineta ka ŋakujuwuanisya alotuŋa.

Ŋitic. 9:22

Nai togogoŋior nooi apiiryanut a Paulo analimonokin keŋ, alopite a ŋolo etoodiunia atemar Yesu iŋes erae Kristo; kitataaŋaŋ Ŋiyudayan ŋulu alo Damasko.

Ŋirom. 5:5

Nyikitakadanakini iwon akigeno na, anerae elelebik Akuj amina keŋ lotai yok aneni ke Etau a ŋolo Asegan, a ŋolo erae ainakinet ŋina ka Akuj neni yok.

Ŋirom. 8:15

Anerae abu Akuj nyikiinak Etau ŋolo abu ikituruwo iyes ŋipi keŋ, ido tokuryaketa nabo. Nai ikiinak iŋes iyes Etau ŋolo ikituruwo ŋidwe keŋ ka anapedor a ŋina ke Etau, ikiworouni neni ka Akuj otemasi, “Papa! Apa kaŋ!”

1 Ŋikor. 2:4

Ipotu iyes nyicamut ŋakiro kaŋ aŋuna ka aosou a ŋina a ŋituŋa, nai arae aŋuna abunio Akuj kitoodiu atemar erae ŋuna a kire anapedor a ŋina ke Etau a ŋolo ka Akuj.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋikol. 1:8

Iŋes pei ikilimok isua daŋ ŋuna ka amina kus alotooma Etau ŋolo ka Akuj.

Ŋibur. 2:15

Alopite a ŋol abu Yesu tolacaki ŋulu arae ŋipi anakiyar kec a daadaŋ, aŋuna akeritotor ikes atwanare.

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Yoa. 4:18

Emam akuryanu anamina, nai iritari amina ŋina itemokino kire akuryanu. Anerae ŋini ekuryanit, eyeni atemar ebunit akisicanio; aŋun, ŋini ekuryanit, eriŋa amina nyitemokino kire neni keŋ.