2 Tim. 1:10 - Ebaibul

¹⁰ nai tokona adau akisileerekin neni yok anabunore a ŋina ke Ekaiunan yok Yesu Kristo. Adau Kristo akiloun atwanare ka adau akisileereun alotooma Ŋakiro ŋuna Ajokak akiyar ŋina nyetwakere.

2 Tim. 1:10 Iomraidhean Croise

Isa. 43:3

anerae arae ayoŋ Ekapolon Akuj kus, Akuj ŋina asegan ŋina a Isirael, ekaiunan kus. Ajali ayoŋ Ijipit aŋuna ka alacakinia iyes, ajali ayoŋ Esiopia ka Seba aŋuna ka akilokonyunia iyes.

Isa. 45:15

Kire irae iyoŋ Akuj ŋina nyikiteete ŋituŋa, Okoe Akuj a Isirael ŋina irae akaiunan.

Isa. 45:21

Tolimutu ŋakiro kus, tolimokisi ŋuluce ŋakiro kus, emaikina iyes tocunakin kaapei kirworiut ŋakiro kus. Ŋae abu todwar ŋakiro nu koloŋ sek? Ŋae abu tolimu ŋakiro nu koloŋ sek? Pa mono arae ayoŋ Ekapolon a? Emam akuj ace mati ayoŋ bon, Akuj ŋina ka akiyookino ka ŋina arae akalakunan; emam akuj ace mati ayoŋ bon.

Osea 13:14

Alakuni ayoŋ ikes anapedor a ŋina ka akibois a ŋikatwak nyalakuni ayoŋ ikes anatwanare. Okoe atwanare ai eya ŋakicanicaneta kon? Okoe akibois a ŋikatwak, ai eyai akinyasun kon? Nyesyonikini ayoŋ ŋituŋa lu jik!

Luk. 11:36

Aŋun, ani keyai akuwan kon daadaŋ nakica, tomam akiryonut ŋina eyai tari edit, ecauni ibore daadaŋ ikwa etaa ŋolo ecai aneni kon.”

Luk. 13:7

Aŋun, tolimok iŋes eketen ŋolo ke ebobore tema, ‘Kiira tokona, adol ŋikaru ŋiuni abuneene ayoŋ nege aroiun ŋadiboboryo, nai nyeryamuna tari apei. Toyepa! Kaanukiro ewuar iŋes analup koŋin?’

Luk. 2:11

Anerae nakuwar na, edoun Ekaiunan kus alotaun a Daudi--Kristo ŋolo erae Ekapolon!

Yoa. 1:9

Akirot iŋes arae akica ŋina a kire, ŋina abuni nakwap acaikin ŋituŋa daadaŋ.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 20:31

Nai igiritae nu, ikotere tonupyata iyes atemar erae Yesu iŋes erae Kristo, Lokoku ka Akuj, ka alotooma anupit kus iŋes, toryamut akiyar alokiro keŋ.

Yoa. 4:42

Tolimokis ŋituŋa ŋul aberu ŋin temasi, “Meere ŋakiro kon bon tokona ikinupitor isua iŋes, nai ikiira isua ŋilopeyek atemar, erae lo kire Ekaiunan ŋolo ka akwap.”

Yoa. 5:40

Nai iwounito bo iyes aponare neni kaŋ, ikotere toryamuniata akiyar.

Ŋitic. 13:23

Ayau Akuj aloletok a Daudi Ekaiunan ŋolo a Ŋisirael, ŋolo erae Yesu, ikwaŋina aris iŋes kiikinia.

Ŋitic. 5:31

Kitopoloo Akuj iŋes, kisiboik lowae ŋolo aloteten keŋ toruwor Ekarikon ka Ekaiunan, ikotere Ŋisirael epedorete akiki, kisyoni Akuj ŋasecisya kec.

Ŋirom. 16:26

Nai tokona esileereun ŋakiro ŋun a Nakigireta a ŋikadwarak ka eteyenikin lotuŋa a ŋibukui a daadaŋ lopite ŋolo icikakinitor Akuj ŋina nyesaluni; ikotere tonupa ka kiwuapa daadaŋ ŋakiro ŋuna ka Akuj.

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

Ŋirom. 3:31

Itoodiunito nai ŋun atemar ikijamuwarit iwon Ŋikisila aŋuna ka anupit a ŋin a? Mam jik! Akilo, ikitopoloorit iwon Ŋikisila.

Ŋirom. 6:6

Ikiyeni iwon atemar epite ŋolo sek ikiyakar iwon, aponi toarae kaapei ka Kristo alomusalaba, ikotere inyasunio epite ŋolo ka asecit alotooma yok ka nyikirubak iwon ikirae ŋipi ŋulu ka asecit.

1 Ŋikor. 15:26

Emoit ŋolo ilounio ekaku iŋes atwanare.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

2 Ŋikor. 5:4

Anerae, ani eriŋa iwon ikiya loeema lo, ŋolo ka akwap a na, ikirurumae ka ikiridakinitae; meere aŋuna ikicamitor alemar ekuwane lo ŋolo ka akwap, nai ikicamit iwon onapa ŋawat ŋuna nyesalunete, ikotere kiliko akiyar ŋina nyesaluni akuwan ŋina esaluni.

Ŋigal. 5:4

Iyes ŋulu ikatakinito aruwor ŋulu iyookino alokiŋaren Akuj aŋuna ka akiwuapit Ŋikisila, idaut iyes atyakar aneni a Kristo. Ipena iyes neni nyikiinakinia Akuj iyes ajokis keŋ.

Ŋiep. 1:18

Elipit ayoŋ Akuj toŋaar ŋatameta kus, ikotere toyenut akigeno ŋina adau iŋes anyarakin iyes ka epite ŋolo elalaata ŋarereŋisyo ŋuna epolok, ŋuna adau Akuj akiikin ainakin ŋituŋa keŋ;

Ŋiep. 1:9

ikitaanyu iŋes iwon alosikinet keŋ ŋina imunono ikwapei araakar acamit ka alakara keŋ ŋin.

2 Ŋites. 2:8

Kisileereunoe nai Eketepegan Akuj; nai ani ebuni Ekapolon Yesu, eari Eketepegan ŋol a ekuwuam a ŋolo ka akituk keŋ ka inyasuni Yesu iŋes ka akica a ŋina enwakinwaki a ŋina ebunio iŋes.

2 Tim. 1:1

Ayoŋ Paulo ekiyakia a Yesu Kristo, aŋuna ka acamit a ŋina ka Akuj, ŋolo ekeyakitae akisera akiyar ŋina ikimori iwon anakimorikina ka Kristo, ŋina abu Akuj ikiik iwon

2 Tim. 1:8

Kiurya nyikirumito ŋileec aŋuna ka akisera ŋakiro ŋuna ke Ekapolon yok kori aŋuna kaŋ, a ŋolo arae emabus aŋuna a Kristo. Nai todaŋ ŋican aŋuna a Ŋakiro a ŋuna Ajokak, lopite ŋolo ikiinakinitor Akuj iyoŋ agogoŋu akitiya ŋun.

2 Tim. 4:1

Ekeciki ayoŋ iyoŋ alokiŋaren Akuj ka alokiŋaren Yesu Kristo ŋolo etubokini ŋulu eyarete ka ŋulu etwakito ka aŋuna etakanunia iŋes akipuka erae Erwosit:

2 Tim. 4:8

Ekedaritere ayoŋ ebokot ŋolo ka akiyookino ŋolo erae ainakinet ŋina ka akiloun, ŋolo akainakini ayoŋ Ekapolon ŋolo erae ekatubon ŋolo iyookino Akoloŋit ŋina ka atubokino--meere neni kaŋ bon, nai neni a daadaŋ a ŋulu iitanito atakanun keŋ.

Tito 2:11

Anerae etoodiu Akuj ajokis keŋ aŋuna ka aiunia ŋituŋa daadaŋ.

Tito 2:13

eriŋa ikidarit arereŋu ŋina ikigeno iwon, iŋes atemar itatakanunio apolou ŋina ka Akuj yok a ŋina etiron ka ŋina ke Ekaiunan yok Yesu Kristo.

Tito 3:4

Nai ŋina etoodiunere lotuŋa arimao ka amina ŋina ka Akuj Akaiunan yok,

Ŋibur. 10:32

Totamutu ŋuna koloŋ apotu kitiyakin neni kus. Alorwa a ŋul, kidaut iyes ayenun ŋakiro ŋuna ka Akuj ipotu iyes toryamut ŋican ŋulu alalak, nai tari kikote nen, ipotu nyijamakis.

2 Pet. 1:1

Ayoŋ, Simoni Petero ŋolo arae eketiyan ka ekiyakia a Yesu Kristo, egirit abaruwa na. Egirakinit neni a ŋulu itopoloorito anupit ŋinapei ikoni ŋina ikiyakar isua alotooma akiyookino ŋina ka Akuj yok ka Ekaiunan Yesu Kristo.

2 Pet. 1:11

Alopite a lo, iryamunete iyes apedor ŋinalomaret Napukan ŋina nyedaun, ŋina ke Ekapolon ka Ekaiunan Yesu Kristo.

2 Pet. 1:3

Ikiinak iwon apedor ŋina ka Akuj ŋiboro daadaŋ ŋulu ikiitanit iwon ayarya kire alopite a ŋolo ecamit Akuj alotooma ayenut ŋolo abu ikinyarau iwon akimor apolou ka ajokis keŋ.

2 Pet. 2:20

Ani kebucun ŋituŋa anapedorosyo a ŋuna aronok a ŋuna ka akwap, alotooma ayenut Ekapolon ka Ekaiunan yok Yesu Kristo, ido kikamut ka kilout ŋuna aronok ikes nabo, eruwor ŋituŋa ŋul ŋulu aronok nooi akilo eyakae kec ŋolo sek ke ekiŋaren.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.

2 Pet. 3:2

Acamit ayoŋ iyes totamut ŋakiro ŋuna koloŋ erworosi ŋikadwarak ŋulu ka Akuj ka akiciket ŋina ke Ekapolon Ekaiunan, ŋuna apotu Ŋikiyakia kus itolimonokis iyes.

1 Yoa. 1:2

Ŋina esileereunere akiyar ŋin, ikipotu isua oanyuwasi iŋes ka ikiteyenunit ŋuna keŋ ka ikiserae neni kus akiyar ŋina nyedaun, ŋina aya kaapei ka Akuj Papa, ŋina aponi kisileereunoe neni kosi.

1 Yoa. 4:14

Ikianyu ka ikiteyenik daŋ atemar eyaku Akuj Papa Lokoku keŋ aruwor Ekaiunan ŋolo ka akwap.

Akis. 18:1

Kelunyarosi ŋun, abu oanyuwa emalaika ece ebuni anakuj. Ayakar iŋes apolou nooi, kinuak akica keŋ akwap daadaŋ.

Akis. 2:7

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini apedor ŋinakimujet arait ŋina ke ekitoe a ŋolo ka akiyar, a ŋolo eyai lomanikor ŋolo ka Akuj.”

Akis. 20:14

Kimasakinae nai Atwanare ka Akibois ŋina a ŋikatwak nanam ŋina ka akim. (Erae anam ŋina ka akim ŋin atwanare ŋina a ŋaarei.)

Akis. 22:14

Erereŋ ŋulu ilotarito ŋilowi kec, ikotere toryamut apedor ŋina nyamet arait ŋina ke ekitoe a ŋolo ka akiyar ka kitoro lopidiŋ elomarete lotaun ŋolo apolon.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.